Fitnodagaid čehppodaga ovddideapmái laktáseaddji jearahallama bohtosat ja ovddideami deattuhusat

Oktan oassin Ohcejoga gieldda ÄRM (fáhkkes ráhkadusnuppástus) álggahanprojeavtta mii leat plánemin joatkkaprojeavtta, mainna doarjut fitnodatdoaimma návccaid vuogáiduvvat ja sajáiduvvat nuppástusaide, mat dáhpáhuvvet, sihke ávkkástallat daiguin. Temá birra doalaimet plánendilálašvuođa 30.11.2021, man vuođul mearrideimmet sáddet jearahallama báikkálaš fitnodatdoalliide, vai sáhtášeimmet kártet viidásabbot fitnodatdoalliid dárbbuid. Jearahallan giddejuvvui 30 juovlamánu ja dasa bohte buohkanassii 10 vástádusa. Temá birra ságastallo vel dárkilabbot muhtun vástideaddjiiguin.

Oppalohkái sáhttá dadjat, ahte vástideaddjit ledje miehtemielalaččat čehppodaga ovddideami ja doarjuma ektui. Vástádusain bohte ovdan fitnodagaid iešguđetlágan beroštumit ja dárbbut. Oktasaš hástalussan loktanii čielgasit čeahpes bargofámu rekryteren ja dasa laktáseaddji čehppodat. Jearahallamis ovdan boahtán beroštumit, sávaldagat sihke dárbbut laktojuvvojit iešguđetlágan dilálašvuođaid, skuvlemiid ja bargobájiid sisdoaluide, mat projeavtta áigge ollašuhttojit. Digičehppodahkii laktáseaddji doaibmabijut eai sáhte leat oassi  gv. projeavtta sisdoalu, muhto daid ovddidat nuppeláhkai.

Jearahallama vástádusaid vuođul sihke das ovdan boahtán temáid ja dárbbuid mielde mii leat ovddideamen projeaktaplánii čuovvovaš doaibmaollisvuođaid:

1. Stivrenforum -stivrema ovddideapmi sihke guovllu eallinvuoimmi lasiheapmi fierpmádatoktasašbargguin ja sierra temáin
2. Čeahpes bargofápmu -rekryteremii laktáseaddji čehppodat ja bargofámu čehppodaga ovddideapmi
3. Bargoburesveadjin -bargoburesveadjima stivren sihke konkrehtalaš veahkkeneavvut bargoburesveadjima ovddideapmái
4. Gulahallan ja dieđiheapmi -projeavtta temáide laktáseaddji dieđu juohkin, bargofámu rekryteremii laktáseaddji gulahallančehppodaga ovddideapmi sihke projeavtta siskkáldas dieđiheapmi

Ovdanbukton doaibmaollisvuođat ovddiduvvojit vel projeaktaplánas, ja mii vuostáváldit mielas áššái kommeanttaid ja jurdagiid, maid ovdanbukton ollisvuođat bohciidahttet dis.

Ollu giitu vel buohkaide, geat vástidedje jearahallamii! Váldit mielas iešguđetlágan kommeanttaid vuostá nu jođánit go vejolaš, dasgo projeaktaohcamuš galgá leat dahkkon 20.1.2022.

Jos hálidat lassedieđu ÄRM-ovddidanprojeavtta birra, de fina oahpásmuvvamin projektii dáppe.