UTSJOEN KUNTA
PL 41
99981 UTSJOKI
Puhelin 040-188 6111
Fax 016-677 339
Kunnanvirasto ja puhelinvaihde avoinna 9.00 - 15.00
Utsjoen kunta
 

Beaivedikšui ohcan

 

Juohke mánás lea vuoigatvuohta beaivedikšui. Válljenvuoigatvuođa ollái mánná gullá das rájes go etniidruhtabadji nohká dan suoidnemánu maŋimuš beaivvi rádjai, goas mánná álgá oahppogeatnegassan skuvlii. Fuolaheaddjit sáhttet ohcat mánnáseaset beaivedikšunsaji dan rájes go eadnivuođaluopmu nohká dan rádjai go mánná álggaha skuvlla. Ovdaskuvla álgá 6-jáhkasaččan ja dat ordnejuvvo Ohcejoga gielddas skuvladoaimma vuollásažžan. Ovdaskuvlalaččain lea vuoigatvuohta skuvlla maŋŋá beaivedikšui. Dikšunsajit leat fámus nu guhká go fuolaheaddjit celket saji eret dahje mánná álggaha oahppogeatnegassan skuvlla. Dikšunsadjái dahje máksui ohcco čálalaččat nuppástus juos divššudárbu dahje bearraša boađut nuppástuvvet. Árramánnávuođabajásgeassinhoavda mieđiha beaivedikšunsaji ja dahká máksinmearrádusaid.

Fuolaheaddjit ohcet beaivedikšunsaji ohcanskoviin, mii gávdno beaivedikšunsajiin, beaivedivššu jođiheaddjiin, gieldda siidduin ja dán liŋkkas. Ohcamuša čuovusin galgá doaimmahit boahtodieđuid bearraša bruttoboađuin oktan duhtosiiguin. Juos boahtodieđuid ii doaimmat, de máksu mearriduvvo alimus máksinluohká mielde. Ohcamuša ja dárbbašlaš duođaštusaid sáhttá buktit beaiveruktui dahje sáddet čujuhussii:

Árramánnávuođabajásgeassinhoavda Tea Raudasoja
Beaiveruoktu
Skuvlaguovddáš
99980 Ohcejohka
FINLAND

Beaivedikšui sisaváldo miehtá jagi. Beaiveruoktosaji ordnet guovtti váhku siste, juos vánhen ohcá beaiveruoktosaji barggu geažil. Juos beaivedikšunbáiki ohcco muhtin eará sivaid geažil, de gielda ordne saji mánnái 4 mánotbaji siste. Juos bargguheapmi oažžu barggu, de su mánáid beaiveruoktosaji ferte viiddidit seammás dárbbu mielde.

Ávžžuhus livččii dieđihit beaiveruktui 2 vahku ovdal go áigu cealkit beaiveruoktosaji eret. Eretcealkin lea fámus juo čuovvovaš beaivve cealkima maŋŋá. Dikšunmáksu mákso beaivedivššus várrejuvvon dikšunbeivviid ovddas.