Ohcejoga gieldda ja Deanu gieldda gaskasaš soahpamuš
Soahpamuša mielde Ohcejoga gielda fállá gaskaboddasaš dikšunsajiid Deanu gieldda sámegielat mánáide árgabeivviid dmu 8.00-17.00 (Suoma áigge ) Ohcejoga gieldda beaiveruovttu sámegielat ossodagas, Duottaraskis. Soahpamuš guoská 1-6-jahkásaš sámegielat mánáid Deanu gielddas. Soahpamuš ii guoskka sierra divššu dárbbašeaddji mánáid. Beaiveruoktosadji fállojuvvo Ohcejoga gielddaguovddážis Suomas. Ohcejoga gielda ii čatnas dasa jus sajit eai leat ovtto fidnemis.
Gielddaid gaskasaš soahpamuša sáhttá geavahit maid nuppe gežiid. Dál Deanu gielda fálláge sámegielat beaivedivššu Njuorggámis boahtti mánáide Giellavealgu-beaiveruovttus, Tana Bru girkosiiddas. Nana ovttasbarggu Deanu gieldda ja Ohcejoga gieldda gaskkas sihke beaivedivššu ja skuvlla oasis oaidnit dehálažžan maid boahtteáiggis.
Fuolaheaddjit, geat leat beroštuvvan fálaldagas rájiid badjel sáhttet váldit njuolgga oktavuođa beaiveruktui/mánáidgárdái, vai fidnejit dieđu vejolaš friija beaivedikšunsajiin. Dán maŋŋá fuolaheaddjit galget váldit oktavuođa gildii, mii fas ovttas nuppiin gielddain dohkkeha doaimma sierra guđege dáhpáhusas.
Rehketčállin dáhpáhuvvá Ohcejoga gieldda ja Deanu gieldda gaskka geavahuvvon bálvalusain. Ohcejoga gielda bearrá maiddái iešvástidanoasi máná váhnemiin mánnosaččat. Dat lea 16,82€ juohke beaivvi ovddas maid mánná lea leamaš divššus. ( Seamma beaivemáksu berro maid eará mánáin, geat leat gaskaboddasaš beaivedivššus.)
Ohcejoga gielddas ii leat dáhkádusvástu Deanu gielddas ássi mánáid ektui. Deanu gielda vástida Deanu mánáid oajuin, mat gusket Deanu gieldda mánáid beaiveruoktoáigge ja mátkki ruovttus beaiveruktui sihke ruovttoluotta ruoktut. Tana bru:s divššus johtti Ohcejohkalaš mánáid várás lea váldon sierra joavkobárteoadju, mii lea fámus beaivedivššu áigge, sihke mátkkis njuolggamus johtolatráigge beaivedikšunsadjái ja ruovttoluotta.
