UTSJOEN KUNTA
PL 41
99981 UTSJOKI
Puhelin 040-188 6111
Fax 016-677 339
Kunnanvirasto ja puhelinvaihde avoinna 9.00 - 15.00
Utsjoen kunta
 

Skovit

 

Skovit gávdnojit dán siiddu vuollerávddas PDF-hámis. Jos dokumeanttat eai leahkas, de sáhttát láddet nuvttá Adobe Acrobat Reader dáppe. Skovit gávdnojit sihke sáme- ja suomagillii.


DEAVDINRÁVVAGAT

Beaivedikšunmáksu mearrašuvvá bálvalusa geavaheaddji máksinnávcca ja bearraša sturrodaga mielde. Dat berrojuvvo gieldda mearridan máksoluohká mielde mánnomáksun dain kálender-mánuin, goas mánná lea leamaš gieldda ordnen beaiveruokto- dahje bearašbeaivedivššus, goittotge eanemus ovttanuppelot mánus doaibmajagi áigge. Gaskaboddosaččat addojuvvon beaivedivššus sáhttá bearrat gieldda mearridan mávssu.

Máksoluohkká mearreduvvo bearraša boađuid mielde. Máná beaivedikšu lea goittotge nuvttá bálvalusa geavaheaddjái dahje bearrašii, gean boađut leat vuollái sosiála- ja dearvvasvuođa-ministeriija meroštallan boahtorájá.

Mánnomávssu meroštaladettiin váldojuvvojit vuhtii vearuvuloš tienas- ja kapitálaboađut sihke vearrofriija boađut. Boahtun eai váldo vuhtii mánáidruhta, mánáiddikšundoarjja, ássandoarjja, lámisvuođadoarjja, bárteoaju vuođul máksojuvvon buohccidikšun- ja dutkangolut, soalddáha ruhtaveahkki, soahtesoalddátlassi, oahpporuhta, rávisolbmooahpporuhta, oahppodoarjaga ássanlassi dahje oahpuid geažil addojuvvon veahkkeruhta ja eará sullasaš doarjagat.

Vearuvuloš boahtun sáhttet váldojuvvot vuhtii maŋimus doaimmahuvvon vearuhusas nannejuvvon vástideaddji vearuvuloš boađut bajiduvvon daid proseantameriiguin, maid vearrohálddahus jahkásaččat addin mearrádusainis ovddalgihtii bearrama rehkenastinvuođustusain mearrida.

Dieđu bálkaboađuin sáhttá addit gieldaskoviin 8004 dahje vástideaddji bálkaduhtošiin, mas oidno ovddalgihtii bearrama vuloš bálkká mearri.

Diehtu fitnodatdoalli boađuin gávdno vearuheaddji vássi jahkái doaimmahan ovddagihtii geassima vuođustusaid guoski čilgehusas dahje fitnodatdoalli sierra boahtočilgehusas (gieldaskovvi 6529).

Boađu verrovulošvuođas lea mearriduvvon boahto- ja opmodatvearrolágas.

Dárkilis dieđut fitnodatdoalli boađu vearrovulošvuođas leat eanadoalu buohta eanadoalu boahtovearrolágas ja fitnodatdoalliid buohta ealáhusboađuid vearuhanlágas.


Beaivediksunohcamus (PDF)
Boahtocilgehus (PDF)
almmuhus mana gaskabottosas eretbahcimis (PDF)