UTSJOEN KUNTA
PL 41
99981 UTSJOKI
Puhelin 040-188 6111
Fax 016-677 339
Kunnanvirasto ja puhelinvaihde avoinna 9.00 - 15.00
Utsjoen kunta
 

Barggu duogáš

 

Prošeaktaidea lea vuolgán báikkálaš álggan Pohjoisimman Lapin Leader ry:i (PLL). Álgaga dahkkin ledje Ohcejogas doaibmi dutkit. Álgaga vuođul lea vuođđuduvvon bargojoavku ja PLL prošeaktabargun dahkkojuvvon 1.11.-31.12.2006 čielggadus dieđa- ja dáiddadálu vuođđudeapmái laktáseaddji beroštumis ja vejolašvuođain. Čielggadanbarggus smihttojuvvui doaibmanmálle dieđa- ja dáiddadállui sihke váldojuvvui čielggas iešguđetlágan doaibmiid beroštumis dálu ja doaibmama hárrái. Lassin leat ođđa jurdagat boahtán oktasašbargobeliid jearahallamiid oktavuođas. Suomagielat prošeaktaraporta čuovusin.
 
Ovdan boahtán beroštupmái ja dárbui vuođđudemiin Ohcejoga gielda ollašuhtii 1.2.-31.12.2007 Dieđa- ja dáiddadálu álgočielggadanprošeavtta (ESR, Lappi lienaráđđehus). Boađusin šattai huksenhistorjjálaš čilgehus (rakennushistoriallinen selvitys) sihke divvunplána. Prošeavttas čađahuvvojedje joatkkaráđđádallamat vejolaš doaibmibeliiguin sihke ordnejuvvui giliolbmuide ee. boahttevuođaverstá Lappi universitehta dáidagiid dieđagotti dáiddabajásgeassima lágádusa oahppijoavkku doaimmas. Das kártejuvvojedje iešguđege geavaheaijoavkku (ee. beaiveruovttut, skuvllat, sosiála- ja dearvvasvuođadoaimma iešguđetlágan prošeavttat) dárbbut dáiddabottuid oktavuođas, maidda gulle barggildeamit. Dáhpáhusas ledje 80-90 guđege ahkásaš ohcejohkalačča.
 
Ohcejoga gielda mearridii álggahit dieđa- ja dáiddadálu álggahanbarggu sihke investerenbarggu plánema čielggadanmuttuid bohtosiid ja álgočilgenprošeavtta stivrenjoavkku ávžžuheami vuođul.