Gilit goargadin -fidnu

Gilidilálašvuođat

Gilidilálašvuođain gili ássiin lea vejolašvuohta oassálastit oidnosadikšunplánemii buktimiin ovdan jurdagiid, ideaid ja oainnuid gilioidnosiid buoridandárbbuin. Gilidilálašvuođat ordnejuvvojit čuovvovaš láhkai:

21.2.2012 Ohcejogas Gilidállu Giissás d. 17.00–19.30

22.2.2012 Njuorggáma skuvllas d. 18.00–20.30

23.2.2012 Gáregasnjárggas Gilidállu Sáivus 17.00–19.30

Jearahallan gili olbmuide giliid eanadagaid oinnolašvuođa ovddideamis

Go vástidat dán jearahallamii de beasat buktit iežat oaiviliid eanadaga dikšunplánii ja jurdagiiddát giliid čábbudahttimii, vai sáhttit váldit daid vuhtii. Jos háliidat buktit árvalusaid máŋgga gili guovllu plánemii, dalle deavddát fas ođđa jearahallanskovi. Vástádusat, mat leat boahtán jearahallamii ásahit vuođu eanadaga dikšunplánemii ja guovloráddjemiidda daidda dárkilut báikkiide mat dán plánas ovddiduvvojit.

Gilit goargadin

Ohcejoga gielda lea álggahan Ohcejoga giliid čábbudahttima várás Gilit goargadin –fidnu, man ulbmilin lea
- nannet sámekultuvrra iešvuođaid
- lasihit eatnamiid rabasvuođa ja máŋggabealatvuođa
- dikšut ja seailluhit duovdagiid beales, historjjálaččat sihke kultuvrralaččat mávssolaš báikkiid ja eanadatollisvuođaid.

Fidnu áigge Ohcejoga girkosiidii, Gáregasnjárgga gillái sihke Njuorggáma Vuolle-Jalvvi guvlui, ja daid eanemus mearkkašahtti báikkiide, dahkkojuvvojit
- oanehis historjjálaš čielggadeamit
- duovdagiiddikšunplánat
- dikšun- ja investerenplána duovdagiiddikšuma dáfus dehálaš viesuide ja eará kulturbirrasii
- geahppa duovdagiiddikšunbarggut geassit 2012

Duovdagiiddikšunplánaid oktan historjjálaš čielggademiiguin ja investerenplánaiguin čađaha FCG Finnish Consulting Group Oy áššedovdibálvalussan. Duovdagiiddikšunplánaid dárkilut guovloráddjemiid birra sohppojuvvo ovttas gili olbmuiguin. Sávaldahkan leage ahte gili olbmot oassálastet rabas mielain fidnu doaimmaide ja buktet roahkkadit ovdan iežaset oaiviliid giliid čábbudahttimis.

Gilit goargadin –fidnu ruhtada EBI-guovddáš Nannán-Suoma dálonguovllu ovddidanprográmmas, Eurohpa dálonguovllu ovddideami eanadoallofoanddas. Fidnu nohká 30.9.2012.

Fidnus dáhpáhuvvá:

dálvit 2011-2012
- ordnejuvvojit dilálašvuođat Ohcejoga gieldda ássiiguin Gáregasnjárggas, Ohcejoga girkosiiddas ja Njuorggámis. Dilálašvuođaide oassálasti olbmot sáhttet ovdanbuktit evttohusaid báikkiin, mat válljejuvvojit duovdagiiddikšunplánii.

- rahppojuvvojit fierpmádahkii máhcahatsiiddut, gosa gili olbmot sáhttet fitnat friija bidjamin jurdagiiddiset fidnobargiid ja áššedovdiid veahkkin.

geassit 2012
- fidnui bálkáhuvvojit geassái 2012 nuorat dahkat geahppa duovdagiiddikšunbargguid duovdagiiddikšunplána vuođul prošeaktabargi rávvagiid mielde

Álbmogasbargu

Juohkehaš gilis sáhttá veahkehit fidnu ollašuhttimis ovdamearkka dihte čorgemiin iežas šilju, veahkehemiin historjjálaš čielggadeami dahkamis nu ahte muitala giliide ja báikkiide laktáseaddji máidnasiid ja historjjá ja fitná ee. meahcis geahčadeamen báikkiid ovttas áššedovdiiguin. Dás sáhttá merket fidnui diimmuid álbmogasbargorehketdollui. Álbmogasbargodiimmuid rehketdoalu rávvagat.

Oktavuođadieđut:

Linnea Rasmus
fidnočálli
tel: 040 181 0292
e-mail: linnea.rasmus(a)utsjoki.fi