UTSJOEN KUNTA
PL 41
99981 UTSJOKI
Puhelin 040-188 6111
Fax 016-677 339
Kunnanvirasto ja puhelinvaihde avoinna 9.00 - 15.00
Utsjoen kunta
 

Ohcejoga dieđa- ja dáiddadálloprošeakta

 

 
   

Ohcejoga dieđa- ja dáiddadálloprošektii gullet guokte boares skuvlavistti Ohcejoga kirkosiiddas. Visttit ordnejuvvojit ja addojit láigui sápmelaš diehtaga ja dáidaga várás doaibmasadjin iešguđetlágan geavaheaddjiide.

 
Dieđa- ja dáiddadálu mihttomearrin lea, ahte visttiin doibmet máŋggat doaibmit, oassái okto, oassái oktasašbarggu bargamiin. Boađusin lea máŋggabealat ollislašvuohta, mii dahká vejolažžan oktasašbarggu dáidaga ja dutkama sihke iešguđetlágan doaibmioassebeliid gaskka. Dállu addá doaibmangietti ámmátolbmuide ja buđaldeaddjiide, sihke fitnansaji nu báikkálaš ássiide go mátkkálaččaidege.
 
Davit visti gárvvásmii jagi 1929, ja das lei álgoálggos skuvlla lassin oahpaheaddji golmmalanjat viessu, viesu viidodat 207 m². Máttabeale visti huksejuvvui álggos ásodahkan, dat gárvvásmii jagi 1932, viessoviidodat das lea 222m². Lappi kulturbirrasat oahpisin (Lapin kulttuuriympäristöt tutuiksi) - prošeavttas dahkkojuvvon visttiid inventerema áigge lea gávnnahuvvon, ahte dát visttit leat oppa eanangotti beales geahččamiin mearkkašahtti visttit.
 
Dieđa- ja dáiddadálu ordnenbargui lea Lappi ealáhus-, johtalus- ja birasguovddáš mieđihan 72.078 euro EAKR-ruđaid. Prošeavtta áigge divvojuvvojit guktot skuvlavisttit olggobeale nu, ahte visttiid kulturhistorjjálaš árvu šaddá seailut. Divvunbarggu oppalašbušeahtta lea 102.960, mas gieldda iežas ruhtadanoassi 30.882 euro.
 
Ohcejoga dieđa- ja dáiddadálu álggahanbargui lea Lapin liitto mieđihan 192.760 euro Europa uniovnna guovlluovddidanfoandda (EAKR) ruđain. Álggahanbarggu deaŧalamos doaibman lea ordnet máttageaže skuvlavistti siskkabeale doaibmasadjin dieđa- ja dáiddadoibmiide sihke ovddidit lanjaide boahtti doaibmiid oktasašbarggu ja guovllu kultuvrii vuođđuduvvi searve- ja fitnodatdoaimmaid. Álggahanbarggu oppalašbušeahtta lea oktiibuot 241.000 euro, mas gieldda oassi 48.240. Davábeale skuvlavistti siskkabeale divvunbargguid ruhtada Ohcejoga gielda.
 
Barggu duogáža ja dahkkojuvvon čielggadusaid gávnnat dáppe.