UTSJOEN KUNTA
PL 41
99981 UTSJOKI
Puhelin 040-188 6111
Fax 016-677 339
Kunnanvirasto ja puhelinvaihde avoinna 9.00 - 15.00
Utsjoen kunta
 

Sámi giellaguovddáš Ohcejohkii

Ohcejoga gielddas lea álggahuvvon sámi giellaguovddáža vuođđudeapmái gullevaš ovdačielggadusprošeakta.  Fidnu ulbmilin lea plánet ja ovddidit sámegielat geavahanarenaid, mat nannejit Ohcejoga sámegielat ássan- ja bargobirasin. Dán ovdačielggadanfidnus dahkkojuvvo sámegiela kárten ja ovddidanprográmma ja lassin fitnodatdoaibmaplána giellaguovddážis.

 

Fidnu dárkkuhussan lea plánet vuođu giellaguovddážii, mii fállá báikegotti ássiide sámegielat ja sámi kultuvrii heivvolaš birrasa deaivvademiide ja bargamii. Doaimma plánen vuolgá báikkálaš vuolggasajiin ja dárbbuin.

 

Ohcejoga gieldda ealáhusdoaibma lea ožžon prošektii ruhtadeami Nannán-Suoma eatnangotti ovddidanprográmmas.

 

Fidnu bargá eret eará čuovvovaš doaimmain:

 

  • giliid dilálašvuođat Ohcejogas
  •  giellaseminárat
  • sámegiela sajádaga kárten Ohcejogas
  • sámegiela ovddidanprográmma ráhkadeapmi
  • giellaguovddáža fitnodatdoaibmaplána ráhkadeapmi
  • ovttasbargoguimmiid ohcan giellaguovddážii

 

GIELA GUOVDU -seminára

Fidnu lágidii GIELA GUOVDU –seminára 14.11.2012. Seminára čuvvo oktiibuot 92 olbmo. Áilegas- dálus seminára čuvvo 48 olbmo ja Interneahtas Sápmi Stream –sáddaga bokte dáhpáhusa čuvvo 44 olbmo. Semináras gieđahallojuvvui sámegiela geavaheami Ohcejogas. Semináras almmustahttojuvvui guokte čielggadusa:

Länsman Anne & Tervaniemi Saara 2012: Sámegiela geavaheapmi Ohcejogas. (Sámi giellaguovddáš Ohcejohkii –ovdačielggadusfidnu  ja Sámedikki sámegiela doaimmahat).

Taipale Riitta 2012: Ohcejoga sámegielat nuoraid giellageavaheapmi. (Ovttas! –fidnu ja Sámi Siida rs.)

Lassin Torkel Rasmussena logaldallan láktasii su nákkosgirjedutkamuššii, mas son lea guorahallan sámegiela ceavzinnávccaid (eallinfámu) Ohcejoga ja Deanu gielddain. Geahčča maid Rasmussena ovanbuktima.

 

Seminára loahppas bargojoavkkuin ságastallojuvvui sámegiela geavaheamis ja ovddideamis. Dáhpáhusa lágidedje Sámi giellaguovddáš Ohcejohkii –ovdačielggadanfidnu, Ovttas! Sámi giella-, skuvla- mánáidgárdeovddideapmi Deanuleagis –fidnu ja Sámi Siida rs.

Seminára sáhkavuoruid beasat geahččat čujuhusas:

GIELA GUOVDU –seminára sáhkavuorut

 

CAFÉ GIELLA

Boađe minguin gáfestallat ja ságastallat sámegiela dálá dilis ja ovddideamis iežat ruovttubáikkis! Dilálašvuođain lea vejolašvuohta váikkuhit sáme giellaguovddáža doaimma plánemii ja sámegiela ovddidahttinplánii mii válmmaštallojuvvo Ohcejoga gildii.

Dilálašvuođat lágiduvvojit:

vuo  26.11.2012 dii 18-20     Gáregasnjárga, Gilidállu Sáivu

maŋ  27.11.2012 dii 18-20    Njuorggán, Njuorggán skuvla boradansále  

gas   28.11.2012 dii 18-20    Ohcejohka,  Àilegas - dallu

 

 

BOAHTTEVAŠ DOAIMMAT:

 

Ohcejogas lágiduvvo:

CAFÉ GIELLA – MUSIHKKA! - MUSIIKKI!

GEASA? KENELLE? -> Buohkaide! Kaikille!

GOS? MISSÄ? -> Aìlegas -dálus. Àilegas-talolla.
GOAS? KOSKA? ->

3.12.2012 dmu18 Áilu Valle:
Sámegielat rap-musihkka ja rap-lyrihkkat

10.12.2012 dmu18 Annukka Hirvasvuopio-Laiti:
Sámepopuláramusihka odda biekkat. Lávlut ovttas.

17.12.2012 dmu18 Anna Näkkäläjärvi-Länsman:
Lávlut ovttas sámegielat lávlagiid ja gieđahallat daid teavsttaid.


Boade minguin gáfestallat, ságastallat sámegillii ja guldalit áigeguovdilis fáttáid sámemusihka birra! Deaivvadit golbma geardde ovdal juovllaid vuossárggain dmu18.00 Áilegas-dálus.

Juohke dilálašvuođas guldalit maid musihka ja/dahje lávlut ovttas. GEASA? Buohkaide giellamáhtu dásis fuolatkeahttá! Searvva donge, dál lea vejolašvuohta gullat ja oahpat sámegiela miellagiddevaš vuogi mielde. Áinnas deaivvadeamit heivejit maiddái vaikkeba eatnigiellagiidda.

Buresboahtin! Dilálašvuođat leat nuvttá ja buohkaide rábas!
Lágida: Sámi giellaguovddáš Ohcejohkii –ovdacielggadanfidnu ja Sámi oahpahusguovddáš.


Lassidieđut dáhpáhusas:
Annukka Hirvasvuopio-Laiti
Suunnittelija, Utsjoen kunta/Saamelaisalueen koulutuskeskus
040-6612110
annukka.hirvasvuopio-laiti(a)utsjoki.fi
 
 

 

Fidnu stivrenjoavkku lea:

Lahttu                                                                                     Várrelahttu

Kati Eriksen                            Ohcejoga gielda

Veikko Guttorm                      Ohcejoga gielda

Anna Morottaja                     Sámediggi                                                          Ulla Magga

Petteri Valle                             Saamelaismatkailu- ja yrittäjät ry                   Jarmo Helander

Eeva-Liisa Rasmus                Sámi oahpahusguovddáš                                Outi Länsman

Kari Guttorm                           Tenonlaakson yrittäjät ry

Hanna-Leena Talvensaari     Pohjoisimman Lapin LEADER ry                   Minna Laiti

 

 

Lassedieđut:
 

Fidnu facebookkas