UTSJOEN KUNTA
PL 41
99981 UTSJOKI
Puhelin 040-188 6111
Fax 016-677 339
Kunnanvirasto ja puhelinvaihde avoinna 9.00 - 15.00
Utsjoen kunta
 

Girjerádju, kultuvra ja ealligovat

Ohcejoga gielddagirjerádju
Utsjoentie 48 A
99980 OHCEJOHKA
Šleađgapoasta: This e-mail address is being protected from spambots. You need JavaScript enabled to view it.

 

Girjerádjodoiammahoavda
+358-40-1810260

Luoikkaheapmi
+358-40-1810261


Ohcejoga girjerádju lea rabas 1.9.-31.5.

Vuossárga             13-19

Maŋŋebárga          13-19

Gaskavahkku         13-19

Duorastat             13-19

Bearjadat             10-16


Geassit 1.6.-31.8.

Vuossárga             13-18

Maŋŋebárga          13-18

Gaskavahkku         13-18

Duorastat             13-18

Bearjadat              10-15

 

Árgabasiid ruohta 9-15

 

BÁLVALUSAT

Girjerádjokoarta

Girjerájus oaččot alccesat girjerádjokoartta, mainna sáhtát luoikkahit girjjiid, bláđiid, videoid ja musihka nu mis go earáge Lappi girjerájut –jovkui gullevaš girjerájuin. Koartta galgá čájehit álo luoikkaheami oktavuođas! Lappi girjerájuid luoikkasmateriálaidat beasat hálddašit Lappi girjerájuid fierbmegirjeráju bokte.

https://lappi.verkkokirjasto.fi/web/arena

Fierbmegirjeráju geavaheaddjidovddaldat lea du girjerádjokoartta nummir. Njealje nummira dovddaldatlogu oaččot girjerájus.

Gáiddosluoikkaheapmi

Min girjerádju doaimmaha gáiddosluoikkaheapmin materiála buot almmolaš girjerájuin.

Girjjit

Girjjiid luoikkahanáigi lea njeallje vahku.

Bláđit

Áigečállagiin luoikat nubbin maŋimuš dahje daid boarrásut nummiriid. Luoikkahanáigi lea guokte vahku.

Musihkka

Musihkkavurkkohusaid luoikkahanáigi lea guokte vahku.

DVD ja Video

 DVD-filmmaid ja videoid luoikkahanáigi lea okta vahkku.

Giehtagirjerádju

Giehtagirjeráju materiálai sáhttá oahpásmuvvat girjerájus dalle go dat lea rabas.

Bláđđe- ja aviisalatnja

Gávdnojit sihke sáme- ja suomagielat aviissat ja áigečállagat.

Sámeossodat

Sámegielat ja sámiid gieđahalli materiála.
Viiddes Ohcejohka-čoakkáldat.

Dihtorat

Áššehasaid anus leat golbma dihtora, main lea Interneahtta-oktavuohta ja printenvejolašvuohta, sihke okta dihtor lagamuštá materiála ohcama ja geahčadeami várás. Mášena sáhttá várret atnui diibmobeallái hávil.

Eará
        Mikrofilmmaid lohkanrusttet omd. sohkadutkiid várás.

Lihkadanbiergasat luoikkasin

        Luoikat mánáid sabetpakeahtaid (sistt. sabehiid oktan čatnasiiguin, čuoigangápmagiid ja soppiid), vázzinsoppiid ja muohtagápmagiid vahkkui hávil. Girjerájus gávdno maid okta Suunto-ravkinmihttár, man sáhttá luoikkahit. Luoikkahanáiggiid sáhttá joatkit, jos dain eai leat várremat. Joatkit sáhttá jogo girjerájus dahje riŋgemiin nummirii 040-1810 261.

        
Davviriikkalaš girjerádjobiila

Davviriikkalaš girjerádjobiila johtá Ohcejoga, Kárášjoga ja Porsáŋggu gielddain. Biillas gávdno sáme-, dáro- ja suomagielat materiála. Girjerádjobiillas girjjiid luoikkahanáigi lea 6 vahku ja dvd-skearruid 3 vahku. Materiála sáhttá máhcahit girjerádjobiilla lassin: girjerájuide Ohcejogas, Kárášjogas ja Porsáŋggus dahje máhcahanlođáide Bissojoga skuvllas ja K-Härkönen gávppis Gáregasnjárggas. Girjerádjobiillas gevvet seamma luoikkahankoarttat go girjerájuin Kárášjogas ja Ohcejogas. Girjerádjobiilla áigetávvaliid oažžu maid girjerájuin ja girjerádjobiillas.

 

MÁVSSUT

Girjerádjokoarta

Vuosttas girjerádjokoarta lea nuvttá. Láhppon dahje bieđganan koartta sadjái addon koarttas bearrat 2 euro.

Maŋŋonanmáksu

Maŋŋonanmáksu lea 1 euro. Jos it beasa máhcahit luoikkasmateriála earrebeaivvi rádjai, váldde oktavuođa girjerádjui materiála luoikkahanáiggi joatkima várás. Lappi fierbmegirjeráju geavaheaddjin sáhtát maid ieš joatkit luoikkahanáiggi interneahtas eanemuštá vihtta geardde.

Iežat luoikkasmateriálaid beasat hálddašit fierbmegirjeráju bokte. Geavaheaddjidovddaldat lea du girjerádjokoartta nummir ja njealje nummira dovddaldatlogu oaččot girjerájus.

Várrenmáksu Ohcejoga girjeráju dahje girjerádjobiilla iežas materiálas ii berrojuvvo.

Gáiddosluoikkaheapmi Ohcejohkii

Gáiddosluoikkahemiin bearrat luoikkasmateriála sáddejeaddji girjeráju gáibidan mávssu sihke postengoluid. Lappi girjerájuid Rekku-fievrridanmáksu lea dál 2 euro / luoikkaheapmi.

Eará mávssut

Láhppon dahje biliduvvon luoikkasmateriálas bearrat mávssu.
A4-sturrosaš čuovgakopiain ja čáhppes-vilgesčáláhusain bearrat 0,30 euro siiddus, ivdnečáláhusain 0,50 euro siiddus. 2-beale čáláhusain berrojuvvo 0,50 euro siiddus. Olles ivdnesiidduid kopieren máksá 1,5 euro. Bieđganan kaseahtta- dahje cd-skuohpus berrojuvvo 1 euro.

Fuopmášahttin

Jos áššehasa vealgi girjerádjui manná 10 euro badjel, áššehas manaha luoikkahanvuoigatvuođas dasságo vealgi lea máksojuvvon.