UTSJOEN KUNTA
PL 41
99981 UTSJOKI
Puhelin 040-188 6111
Fax 016-677 339
Kunnanvirasto ja puhelinvaihde avoinna 9.00 - 15.00
Utsjoen kunta
 

Áigeguovdilis

 

Nigá SÁMEGÁNDA –čájáhus Ohcejoga girjerádjosis 23.5.-31.8.2017

 

Čájáhus vuođđuduvvá seammanammasaš noveallačoakkáldahkii. Nigá 1 girjji govaid lassin lea čájáhusas vejolaš guovllastit muhtun ráje Nigá 2-girjji ođđa govaid

 

Nigá nammasaš sámegándda mánná- ja nuorravuođa dáhpáhusat sajáiduvvet 1940-50 –loguide. Girjji 25 novealla vuođđun leat sámebearraša duohta eallindáhpáhusat. Bearaš háhká birgenlágiset meahcce- ja guollebivddus smávva duottargilážis. Bearrašii gullet Jovnna-áhčči, Elle-eadni ja ealaskas Nigá-gánda, guhte lea fárus buotlágan doaimmain, vaikko ii álo livčče nu sávahahttige. Ná uhca almmái oahppá buot dáidduid ja dieđuid, maid son boahtá dárbbašit eallimisttis davvin.

 

Sápmelaš girječálli Niilo Aikio lea ieš eallán Nigá láhkai mánná- ja nuorravuođas Buolbmatjávrre meahccegilážis duon seamma áigodagas, ja sus leage duohta vásihus girjjis eallindiliin. Girječállin son nagođa ealáskahttit dološ báikkiid ja eallindiliid. Ivdnás ja njuovžilis gielainis son bajida min čálmmiid ovdii jáhkkemeahttun ja gelddolaš dáhpáhusaid, mat geasuhit maid dálá nuoraid. Guolle- ja meahccebivdui sihke šibitdollui gullevaš bargguid birra Aikio muitala iežas vásihusaid vuođul dárkilit ja áššdovdámušain.

 

Govvadáiddár Marketta Nilsen lea govvidan juohke novealla dáhpáhusa dáiddálaš oainnus čáđa. Ulbmilin lea veahkehit nuorra lohkki vuodjut Nigá máilbmái ja fuobmát, man gelddolaš ja somás áššiid nuorat máhttet hutkat ja maiddái boaittobealbaikkiin. Go olmmoš lea hutkái ja diehtoáŋgir, son ii astta dolkat. Girjji logadettiin lohkki beassá Nigá fárus dakkár áigái ja máilbmái, man son dálá Sámis ii šet muđuid fáhte.

 

Čájáhus lea ovdan Ohcejoga gielddagirjerájus oppa geasi áigge.

 

Rabasáiggit:

vu – fuo dii 13-19

be dii 10-16

 

Geasseáigi girjerádjosis 1.6.-31.8.

vu – duo dii 13-18

be dii 10-15