UTSJOEN KUNTA
PL 41
99981 UTSJOKI
Puhelin 040-188 6111
Fax 016-677 339
Kunnanvirasto ja puhelinvaihde avoinna 9.00 - 15.00
Utsjoen kunta
 

Áigeguovdil

SEMINARA GUOVTTEGIELAT SKUVLLAIN BOVTTII MÁŊGGALÁGAN OAIVILIID

Ovtta- vai guovttegielat skuvllaid birra ságastallui suoma-, ruoŧa- ja sámegielat oaidninsajis Magma ja Ohcejoga gieldda OVTTAS! prošeavtta oktasaš semináras Helssegis 13.3.2013.

Dutki Torkel Rasmussen, gii lea dutkan sámegielat mánáid gárvvesvuođa geavahit sámegiela Norgga beale Deanu gielddas ja Suoma bealde Ohcejoga gielddas, čájehii mo earálagan skuvllat vaikkuhit sámegiela geavaheapmái. Oahppit geat vázzet Norgga beale sámegielat skuvllaid geavahit sámegiela mealgat eanet go oahppit Ohcejogas, geat vázzet guovttegielat skuvla.

Maid guovttegielat oahpahus oaivvildivččii, jearai vuoigatvuohtaminister Anna-Maja Henriksson iežas sáhkavuorus. Son muittuhii nu gohččoduvvon Taxell paradoksas, man mielde guovttegielat čovdosat dagahit ovttagielatvuođa ja ovttagielat čovdosat dagahit guovttegielatvuođa. Guovttegielat skuvllaid sadjái Henriksson ávžžuhii giellalávguma.

Birasminister Ville Niinistö fas háliidii skuvllaid gos guktot gielat livčče oahpahusgiellan. Son ii goittot háliidan nuppástuhttit ruoŧagielat skuvllaid guovttegielagin, mas RÁP riikkabeaiairras Mikaela Nylander lei movtta. Nylander váruhivččii nuppástuhttimis nu, ahte ovdasadjái biddjojuvvo guovttegielat skuvllat. 

Seminára lea striimejuvvon ja dan beasat oaidnit dáppe.

 


 

OVTTA- VAI GUOVTTEGIELAT SKUVLLAT?

Suoma-, ruoŧa- ja sámegiela oaidninsajis

Buresboahtin Magma ja Ohcejoga gieldda OVTTAS! prošeavtta oktasaš seminárii

Áigi: gá 13.3.2013 dii 12.30-16.30
Báiki: Našunalamusea (kansallismuseo) auditorio, Mannerheimintie 34, Helsinki


Ságastallan ovtta – vai guovttegielat skuvllain lea jámma áigeguovdil. Muhto maid mii oaivvildit guovttegielat skuvlan? Man láhkai sierra skuvlamállet sáhttet bálvalit sierra giellajoavkkuid Suomas?

Prográmma:

  • 12.30 Gáfestallan
  • 13.00 Seminára ráhpan: Björn Sundell, Magman vd. jođiheaddji ja Arja Alaraudanjoki, rektor-čuvgehusdoaimmahoavda, Ohcejoga Gielda
  • 13.10 Oahpahusministeriija skuvlenpolitihkalaš ossodaga jođiheaddji Jari Rajanen: Rahpankommeanta oahpahusministeriijas
  • 13.20 Professor Leena Huss: Maid guovttegielat skuvla oaivvilda?
  • 13.40 Doaibmaovttodaga jođiheaddji Bob Karlsson, Oahpahusráđđehus: Suoma vuođđoskuvlalága dárkkuhus ja ulbmil
  • 13.55 Doavttirgráđastuđeanta Torkel Rasmussen: What a bilingual education system means for Sámi children and youth in Utsjoki
  • 14.15 Satu-Marjut Nieminen, RÁP Sápmi Ohcejohka: kommeantasáhkavuorru
  • 14.25 Ságastallan
  • 14.40 Gáfestallanboddu
  • 15.00 Vuoigatvuohtaminister Anna-Maja Henriksson: "Möjligheter och risker med en tvåspråkig skola"
  • 15.15 Vaasa Gymnasium várrerektor ja Campus Lykeiona ovttasbargokoordináhtor Tomas Brännkärr:
    Vasamodellen – samarbete över språkgränser
    Helsset universiteahta dutki Fritjof Sahlström:
    Mål och ambitioner viktigare än byggnader
  • 15.35 Ságastallan
    Birasminister Ville Niinistön alustus: "Millä tavalla kaksikieliset koulut voisivat vahvistaa Suomen kaksikielisyyttä?"
    Pánelas: Professor Ante Aikio, Oulu universiteahta
    Professori Leena Huss, Uppsala universiteahta
    Birasminister Ville Niinistö, Birasministeriija
    Riikkabeaiairras Mikaela Nylander
  • 16.30 Seminára loahpahuvvo

Doaimmaheaddji Kenneth Stambej doaibmá seminára jođiheaddjin.

 


 

” HÁLIDAN AHTE GIELLA SIRDAŠUVVÁ OVDDOSGUVLUI, JA MU MÁNÁT OAHPAHIT DAN IEŽASET MÁNÁIDE”

Čielggadus Ohcejoga sámegielat nuoraid giellageavaheamis almmustuvai Giela guovdu-seminaras 14. skábmamánu Ohcejoga Áilegas-dálus. Čielggadeami lea čállán FL Riitta Taipale. Čielggadusas bohtet ovdan oassái fuolastuhtti ja oassái hui buorit bohtosat nuoraid sámegiela geavaheamis ja sin ovdagáttuin. Čielggadusa sáhttát luđet dás.

Raporta gieđahallá 13-17 jahkásaš sámegielat Ohcejot nuoraid giellageavaheami bearrašis, skuvllas, astoáiggis, mediageavaheamis sihke lohkamis ja čállimis. Eanaš nuorat geavahit suomagiela eanet go sámegiela eanaš giellašiljuin árgabeaivvi eallimis. Sii hállet suomagiela oappáiguin, vieljaiguin ja skihpáriiguin. Skuvllas ge lea dušše sámegielat oahpahusa luohkkálatnja sámegielat šillju, muđui hállet dušše suomagiela dahje eanemustá suomagiela skuvllas. Astoáiggis leat eanaš fálaldagat dušše suomagillii ja sii hállet beare suomagiela doppe. Dušše Sámi Siidda nuoraiddoaimmain ja Norgga beale lágidemiin geavahit sámegiela. Nuoraide eai leat sámegielat mediafálaldagat ja sii lohket girjjálašvuođa masá dušše suomagillii.

Raporttas boahtá maid ovdan mo nuorat háliidivčče buoridit sámegiela dili nuoraid gaskkas ja sii evttohit doaibmabijuid mat livčče sin miela mielde ja buoridivčče sámegiela. Sii háliidit buohkat sámegielat mánáid ja eanaš oassi lea juo mearridan ieža hállat sámegiela mánáide.

FL Riita Taipale (1945) lea suopmelaš dutki guhte lea oahppan sámegiela ja barggu bokte oahpásmuvvan sámekultuvrii. Son lea bargan oahpaheaddjin sihke Ruoŧas ja Suomas earret eará Ohcejogas. Son lea maid bargan dulkkaid ja jorgaleaddjiid skuvlejeaddjin Sámi allaskuvllas Guovdageainnus Norgga bealde ja Sámi oahpahusguovddážis Anáris.

Čielggadusa várás Sámi Siida oaččui ruhtadeami Oahpahusministeriijas 4000 euro ja geavahii Suoma kulturruhtafoandda báikkálaš Myrsky-fidnui boahtán doarjjaruđa. Ovttas!-fidnu ruhtadit Sámeleana gielddaidlihttu/Lapin liitto, Davvikalohttaráđđi, INTERREG IVA Davimus Sápmi, Ohcejoga gielda, Norgga Sámediggi, Ođasmahttin-, hálddahus- ja girkodepartemeanta, Deanu gielda ja Deanu giellagáddi.

Giela guovdu –seminára sáhkavuorut

 



GIELA GUOVDU -seminára

Fidnu lágidii GIELA GUOVDU –seminára 14.11.2012 ovttas Sámi giellaguovddáš Ohcejohkii-ovdačielgganfitnuin sihke Sámi Siiddain. Seminára čuvvo oktiibuot 92 olbmo. Áilegas- dálus seminára čuvvo 48 olbmo ja Interneahtas Sápmi Stream –sáddaga bokte dáhpáhusa čuvvo 44 olbmo. Semináras gieđahallojuvvui sámegiela geavaheami Ohcejogas. Semináras almmustahttojuvvui guokte čielggadusa:

Länsman Anne & Tervaniemi Saara 2012: Sámegiela geavaheapmi Ohcejogas. (Sámi giellaguovddáš Ohcejohkii –ovdačielggadusfidnu ja Sámedikki sámegiela doaimmahat). Čielggadusa gávnnat Sámi giellaguovddáš Ohcejohkii-ovdačielggadanfitnu neahttasiidduin.

Taipale Riitta 2012: Ohcejoga sámegielat nuoraid giellageavaheapmi. (Ovttas! –fidnu ja Sámi Siida rs.)

Lassin Torkel Rasmussena logaldallan láktasii su nákkosgirjedutkamuššii, mas son lea guorahallan sámegiela ceavzinnávccaid (eallinfámu) Ohcejoga ja Deanu gielddain. Geahčča maid Rasmussena ovanbuktima.

 

Seminára loahppas bargojoavkkuin ságastallojuvvui sámegiela geavaheamis ja ovddideamis. Dáhpáhusa lágidedje Sámi giellaguovddáš Ohcejohkii –ovdačielggadanfidnu, Ovttas! Sámi giella-, skuvla- mánáidgárdeovddideapmi Deanuleagis –fidnu ja Sámi Siida rs.

Seminára sáhkavuoruid beasat geahččat čujuhusas:

GIELA GUOVDU –seminára sáhkavuorut

 


 

SÁMEGIELAT GEASSELEAIRA 8.-10.8.2012

Ovttas!-prošeakta lágidii ovttas Sámi Siiddain sámegielat geasseleaira borgemánu 8.-10. beaivve. Duorastaga leairra gallededje sihke Duottaraskki ja Sirpmá beaiveruovttut. Leairras oahpahalaimet meahccedáidduid ja beasaimet vásihit mo olbmot ovdal min leat eallán Deatnogáttis. Dá muhtin govat leairras, lasi govaid oainnat Sámi Siidda govvagallerias.