Fitnodatbálvalusat ođasmuvvet: oassálastte ja váikkut giliid bargobájiin 6.-8.9.2022!

Makkár lea du mielas eallinfámolaš Ohcejohka? Makkár bálvalusaid fitnodatdoalli dáppe dárbbaša? Naba makkár sáhtášii leat ođđa fitnodatdoaibma Ohcejogas? Buresboahtin ságastallat dáin áššiin ja fitnodatdoallin doaibmama eará eavttuin ja dárbbuin giliid bargobájiide, mat ordnejuvvojit buot Ohcejoga giliin maŋŋálas eahkediid čakčamánu vuosttas vahkos.

Ohcejoga gieldda fitnodatbálvalusat ođasmuvvet. Fitnodatrávvema bálvalusat viidánit eallinfápmobálvalussan, mat fállet viidásut ja jođánut rávvenbálvalusaid fierpmis ovtta luŋkká duohken. Mihttomearrin lea, ahte ođasmuvvan bálvalusat fállet doarjaga álkit ja jođánit fitnodatdoaimma ovddideapmái ja gánnáheami buorideapmái. Ođasmuvvan fitnodatbálvalusat dorjot fitnodatdoalli maiddái fierpmáiduvvamis ja čehppodaga ovddideamis, ovdamearkka dihte áššiin, mat laktásit digitalisašuvdnii dahje ruoná sirdáseapmái.

Vai ođasmuvvi eallinfápmobálvalusat fálašedje sisdoalu, mii vástida nu bures go vejolaš fitnodatdoalliid dárbbuide, de lea buorre huksegoahtit oppalašvuođa gitta álggu rájes ovttas fitnodatdoalliiguin. Ohcejoga giliin lágiduvvojit buohkaide rabas bargobájit, main ságastallama jođihit eallinfápmohoavda Tanja Lepistö ja fitnodatprojeavttaid olbmot ovttas fitnodatdoalliiguin. Bargobájiin ohcet čovdosiid ee. dasa, mo boahttevuođas basttášii buoremusat vástidit fitnodatdoalliid bálvalusdárbbuide, čehppodaga ovddideapmái ja oktasašbarggu nannemii.

Bargobájit Ohcejoga giliin:

Gáregasnjárggas maŋ 6.9 dmu 18.00 Gilidállu Sáivus
Njuorggámis ga 7.9. dmu 18.00 Njuorggáma Luopmoguovddážis (Nuorgamin Lomakeskus)
Ohcejogas du 8.9. dmu 18.00 Gilidállu Giisás

Buresboahtin uDigi-projeavtta fállan eahketkáfestallamii
ságastallat fitnodatdoaimma eavttuin ja dárbbuin! 

Lassediehtu:
Johanna Mikkola, projeaktahoavda
johanna.mikkola@utsjoki.fi
tel. 040 141 8281
uDigi – Ohcejoga digitála eallinfápmu