Diehtosuodječilgehus

Ovttastahttojuvvon diehtosuodje- ja registerčilgehus sihke informerenáššegirji

Dahkkojuvvon 25.2.2019
Beaiváduvvon 12.12.2019
Eurohpa Uniovnna diehtosuodjeásahus ja persovdnadiehtoláhka

Registeradoalli

Ohcejoga gielda
Luossa 1 a, 99980 Ohcejohka
Y-dovddaldat 9129466-4

Registeráššiin vástideaddji olmmoš

Gielddahoavda Vuokko Tieva-Niittyvuopio

Diehtosuodjái laktáseaddji bivdagat kunnanvirasto@utsjoki.fi

Registera namma

Ohcejoga gieldda áššehasregistera.

Persovdnadieđuid ja registera geavahandárkkuhus, sihke dieđuid seailluheapmi

Persovdnadieđut gieđahallojit registeradoalli lágasmearriduvvon geatnegasvuođaid mielde doaibmama várás, sihke gieldda ássiid bálvalusaid ordnema várás.

Dieđuid seailluheamis čuvvojit gieldda diehtostivrenplána sihke lága geatnegahttin seailluhanáiggit. Dieđut seailluhuvvojit uhcimustá nu guhká, go diehtu dárbbašuvvo áššehasa ášši lohppii doalvuma várás.

Registera diehtosisdoallu

Áššehasa vuođđodieđut:

  • Ovda- ja sohkanamma
  • persovdnadovddaldat
  • čujuhus
  • telefonnummir
  • ja šleađgapoastačujuhus, sihke áššehasvuođa vuođul šaddan dieđut.

Njuolggadusaid čuovvu diehtogáldut

Álbmotregisterguovddáš, nuppit virgeoapmahaččat ja áššehas ieš.

Dieđuid luohpadeapmi ja sirdin EU dahje ETA olggobeallái

Ohcejoga gielda ii luohpat dieđuid ovddos EU dahje ETA olggobeallái.

Registera suddjen

Ohcejoga gieldda doalahan áššehasregister gieđahallojuvvo luohttámušvuđđosaččat. Registera geavahit dušše dat olbmot, geaid doaibmagovvii dan geavaheapmi gullá. Bargiin juohkehačča čatná jávohisvuođageatnegasvuohta.

Register seailluhuvvo suddjejuvvon serveris ja dat lea dan lassin suddjejuvvon geavaheaddjidovddaldagain ja suollemassániiguin. Manuálalaččat doallanláhkai register seailluhuvvo lohkkaskáhpes, masa dušše dihto olbmuin lea beassanvuoigatvuohta. Čoggon materiála arkiverejuvvo stáhpu mielde.

Dárkkistanvuoigatvuohta

Áššehasvuođat ja áššiid dikšun dikšojuvvojit hálddahusgottiid miel dahje Ohcejoga gieldda girjendoaimmahaga bokte kunnanvirasto@utsjoki.fi.

Áššáiosolaččas, nuppiin sániin olbmos, gean dieđut registerii leat vurkejuvvon, lea vuoigatvuohta oažžut dieđuid registerii merkejuvvon dieđuin virgeoapmahaččaid doaimmaid almmolašvuođas addojuvvon lága (621/1999) mielde.

Dárkkistanbivdda čujuhuvvo čálalaččat skoviin, mii gávdno gieldda ruoktosiidduin. Skovvi doaimmahuvvo gieldda girjendoaimmahahkii jogo báberveršuvdnan čujuhusain: Ohcejoga gielda, PL 41, 99981 Ohcejohka dahje elektrihkalaččat čujuhusain kunnanvirasto@utsjoki.fi.

Dieđut doaimmahuvvojit vuolggačuoggás nuvttá, muhto jos kopiijat leat máŋga dahje jos diehtobivdagii ii oro čielgasit leamen vuođđu / dahje dat lea govttoheapme, de gielddas lea vuoigatvuohta bearrat govttolaš mávssu hálddahuslaš goasttádusaid gokčama dihtii.

Gielda sáhttá biehttalit oppalohkái doaimmaheamis dieđuid, muhto dalle galgá čájehit, ahte bivdagii ii leat vuođđu ja ahte dat lea govttoheapme. Juos gielda biehttala luohpadeamis bivdojuvvon dieđuid, de galgá áššis addit čálalaš duođaštusa. Seammás muitaluvvo vuoigatvuođasuoji birra omd. vuoigatvuođas dahkat áššis váidaga gohcinvirgeoapmahažžii.

Dieđu divvun

Áššáiosolaččas lea vuoigatvuohta gáibidit divvut boastto dahje váilevaš dieđu, mii registeris lea, dahje dievasmahttit dan almmá áššehisa ájahallama. Divvunbivdda dahkkojuvvo álo čálalaččat ja doarvái dárkilit.

Skovvi gáibádusas divvut dieđu gávdno gieldda ruoktosiidduin. Gáibádus dieđu divvumis máhcahuvvo čálalaččat čujuhussii:

Ohcejoga gielda
PL 41
99981 Ohcejohka
dahje elektrihkalaččat čujuhusain kunnanvirasto@utsjoki.fi.

Gielda sáhttá leat dohkketkeahttá divvungáibádusa, muhto dalle galgá addit čálalaš duođaštusa, mas čilget sivat, maidda vuođđudemiin divvungáibádus ii leat dohkkehuvvon. Seammás muitaluvvo vuoigatvuođasuoji birra omd. vuoigatvuođas dahkat váidaga gohcinvirgeoapmahažžii.

Áššáiosolaččas lea vuoigatvuohta bivdit ráddjet persovdnadieđuidis gieđahallama iežas dieđuid áššáigullevaš dárkkisteami, divvuma ja dievasmahttima áigái.

Dieđuid sihkkun eret

Áššáiosolaččas lea dihto dáhpáhusain vuoigatvuohta oažžut dieđuideaset sihkkojuvvot eret gieldda registeriin. Vuoigatvuohta dieđu sihkkumii ii liikkáge leat, jos persovdnadieđuid gieđahallan lea dárbbašlaš lágasmearriduvvon geatnegasvuođa mielde doaibmama dahje almmolaš válddi geavaheami geažil.

Gáibádus divvut, dievasmahttit dahje sihkkut dieđu galgá dahkat álo čálalaččat.

Skovit gávdnojit gieldda ruoktosiidduin.

Skovvi máhcahuvvo čálalaččat čujuhussii:
Ohcejoga gielda
PL 41
99981 Ohcejohka dahje elektrihkalaččat čujuhussii kunnanvirasto@utsjoki.fi.

Vuoigatvuohta dahkat váidaga

Áššáiosolaččas lea vuoigatvuohta váidit gohcinvirgeoapmahažžii, jos son geahččá, ahte persovdnadieđuid gieđahallamis lea rihkkojuvvon EU diehtosuodjeásahus (2016/679). Áššáiosolaččas lea vuoigatvuohta geavahit maiddái eará hálddahuslaš nuppástusohcan-vugiid.

Niestečoahkut ja bláđema čuovvun

Mii čohkket geavaheaddji terminálarusttegii guoski dieđuid niestečoahkuiguin (“cookies”) ja eará vástideaddji teknihkain, nugo bláđenrusttega báikkálaš diehtovuorkká vehkiin. Niestečoahkku lea smávva teakstavuorká, man bláđenrusttet vurke geavaheaddji terminálarusttegii. Niestečoahkut sisttisdollet dávjá namahis, oktagaslaš dovddaldaga, man vehkiin sáhttit dovdat ja rehkenastit min siidduin fidni bláđenrusttegiid.

Min siiddut geavahit Google Analytics-bálvalusa.

Min siidduin leat maiddái liŋkkat eará siidduide ja bálvalusaide. Mii eat vástit dáid olggobeale siidduid intimitehtasuodjevugiin dahje sisdoaluin. Goalmmát oassebealit sáhttet bidjat niestečoahkuid geavaheaddji terminálarusttegii, go geavaheaddji fitná min bálvalusain, statistihkkii bidjama várás sierra siidduid fidnimeriid.