Geassebargoseđel

Ohcejoga gielda doarju nuoraid bargguiduvvama boahtte gease. Gielda mieđiha geassebargoseđela buot 2001-2005 riegádan skuvlalaččaide ja oahppiide, geat leat merkejuvvon Ohcejoga ássin.

GEASSEBARGOSEĐEL 2020

Geassebargoseđela árvu lea 300 € ja seđela ohcan dáhpáhuvvá ohcanskoviin (liŋka vulobealde). Skoviid oažžu maiddái gielddadálu guovddášdoaimmahagas sihke oktasašbálvalusas. Nuorra sáhttá oažžut ovtta seđela geasi 2020 áigge, iige dan sáhte sirdit earáide.

Ohcamušat máhcahuvvojit čujuhusain:
Elinkeinotoimi, Utsjoen kunta
PL 41,
99980 Utsjoki

dahje eeva-maarit.aikio@utsjoki.fi. Čujuheapmin “kesätyöseteli”.

Geassebargoseđela ohcanáigi nohká 15.5.2020.

Geassebargoseđela ohcci nuoras galgá leat skovi deavddedettiin juo diehtu boahttevaš geassebargosajistis, skovi ii nappo sáhte máhcahit almmá geassebargosaji fálli bargoaddi dieđuid. Geassebargosadji sáhttá leat searvvis, fitnodagas, ruovttudoalus (ii iežas dahje lagašfuolkki ruoktu) dahje Ohcejoga gielddas. Bargosadji galgá leat Ohcejogas. Bargogaskavuohta galgá bistit uhcimustá golbma vahku (30 d / vk) ja bálká mearrašuvvá suorggi bargoeaktosoahpamuša mielde. Bálká sisttisdoallá luopmobuhtadusa. Bargoaddái bohtet geassebargi bálkáheamis maiddái golut (doarjaga meari badjel manni oassi bálkkás ja bálkká siidogolut). Geassebargoseđel lea fámus 1.6. – 31.8.2020.

Mieđihuvvon geassebargoseđel sáddejuvvo ohcanáiggi maŋŋá ohcciide ja geassebargi luohpada seđela bargoaddái maŋimustá dalle go bargogaskavuohta álgá. Geassebargoseđel máksojuvvo bargoaddiide maŋálgihtii rehkega vuostá.

Nuorra, doaimma ná

  • Don galggat leat 2001-2005 riegádan skuvlalaš dahje oahppi, gii leat merkejuvvon Ohcejoga gieldda ássin.
  • Oza bargosaji alccet ja muital, ahte dus lea vejolašvuohta oažžut geassebargoseđela Ohcejoga gielddas.
  • Go leat gávdnan geassebargosaji, daga geassebargoseđelohcamuša Ohcejoga gildii.
  • Daga bargosoahpamuša ja doaimmat geassebargoseđela bargoaddái.

Ohcanskovi gávnnat dáppe.

 

RÁVVAGAT, daga ná:

  • Soaba nuorain bálkkás ovdal barggu álggaheami. Bruttobálká galgá leat bargoeaktosoahpamuša mielde. Muitte maiddái soahpat luomuid ja vahkkoloahppabarggu buhttemis.
  • Daga nuorain bargosoahpamuša, mas bohtet ovdan geassebarggu álgin- ja nohkanbeaivi, diibmomearri sihke barggut.
  • Go geassebargu lea nohkan, mávsse nurrii bálkká dalán. Muittáthan maiddái čállit nurrii bargoduođaštusa geassebarggus.
  • Merke dahkkon diimmuid meari ja bargogaskavuođa bistináiggi geassebargoseđela ovdasiidui.
  • Go leat máksán nurrii bálkká, máhcat Ohcejoga gildii:
    • originála devdojuvvon geassebargoseđel
    • vuolláičállon bargosoahpamuš
    • virggálaš duođuš bálkámáksimis, mas bohtet ovdan nuora namma, persovdnadovddaldat, bruttobálká ja das vejolaččat dahkkon geahpádusat (omd. bálkká siidogolut ja vearuhus). Sáhtát geavahit omd. Palkka.fi-siiddu bálkká máksimii ja printet bálkárehkega čálihemiin iežat bálvalussii. Bálkámáksinduođušin eai dohkke iešdahkkon guittet eaige gihtiimáksinguittet.

Skovi gávnnat dáppe.


Mii máksit 300 euro geassebargoseđeldoarjaga máhcahuvvon dokumeanttaid vuođul. Geassebargoseđel ja čuvvosat galget máhcahuvvot
31.10.2020 rádjai.

 

 

Máhcahančujuhus

Utsjoen kunta
Elinkeinotoimi, kesätyöseteli
PL41
99981 Utsjoki

Válddáthan vuhtii maiddái, ahte geassebargoseđelbuhtadus ii máksojuvvo, jos geassebargái ii leat máksojuvvon bálká eavttuid mielde, dokumeanttat leat váilevaččat dahje dat eai leat máhcahuvvon áiggil.

OKTAVUOĐADIEĐUT

Geassebargoseđelis addá lassedieđuid

Ovddidan- ja ealáhushoavda
Eeva-Maarit Aikio
t. 0400 151294
eeva-maarit.aikio@utsjoki.fi

Skovit

Nuorra

Ohcanskovvi

Rávvagat

Čilgehusskovvi