Oktofidnošeaddji doarjja koronavirusdilis

Ohcejoga gielddas rahppojuvvo 20.4.2020 oktofidnošeaddjiid 2000 € sturrosaš doarjja

Ohcejoga gielddas rahppojuvvo 20.4.2020 oktofidnošeaddjiid 2000 € sturrosaš doarjjaruđa ohcu, danin go koronavirusepidemiija lea vahágahttán fitnodatdoaimmaid. Dát oktofidnošeaddjiide dárkkuhuvvon doarjja sáhttá adnot juohkelágan fitnodatdoibmii gullevaš goluid gokčamii (omd. sadje-, rusttet-, rehketdoallo- ja doaimmahatgoluide), earret fidnošeaddji iežas bálkágoluid. Doarjja sáhttá juolluduvvot dutnje, jos fitnodatdoallu lea du iežat váldobargu ja du fitnodagas eai leat bálkáhuvvon bargit. Váldobargu mearkkaša dan, ahte don leat YEL-registaris (fidnošeaddji ealáhatdáhkádus) dahje dus leat unnimustá 20 000 € fitnodatboađut dahje rehkegat kundariidda. Doarjja sáhttá juolluduvvot iešguđege tiipasaš fitnodagaide (priváhtta ealáhushárjeheaddji, doaibmanamma, kommandihttafitnodat, rabas fitnodat, oasusfitnodat), ja maiddái geahppafidnošeaddjiide ja freelanceriidda. Fitnodateaiggádat eai sáhte ohcat oktofidnošeaddjiid doarjaga, jos oktofidnošeapme ii leat sin váldobargu. Jos dus leat máŋga fitnodaga main don barggat, de sáhtát ohcat doarjaga dušše ovtta fitnodaga bokte.

Jos dus lea fitnodat, mas du lassin barget earáge fidnošeaddjit, ja dii buohkat duohtavuođas bargabehtet dan fitnodagas, de dii sáhttibehtet ohcat ELY-guovddáža dahje Business Finlanda ruhtadeami.

Doarjjajuolludeami eaktun lea dat, ahte du ekonomalaš dilli lea hedjonan ja vuovdin lea vátnon koronavirusepidemiija geažil, ja ahte dus datte leat vuođđoeavttut gánnáhahtti fitnodatdoibmii. Ekonomalaš dili hedjoneapmin lohkko dat, jos fitnodaga vuovdinvuoittut dahje ruhtaoažžumat leat 16.3.2020 rájes uhccon badjel 30%:in, muhto fitnodaga golut leat bisson sullii seamma dásis go ovdalge. Vuoittut árvvoštallojuvvojit jagi 2020 mánnosaš rehketdoalu dahje báŋkokontočáláhusa vuođul. Fitnodatdoaimma gánnáhahttivuohta árvvoštallojuvvo jagi 2019 rehketdoalloloahpahusa dahje vearroalmmuhusa vuođul. Jos dus leat ekonomalaš váttisvuođat, de it sáhte oažžut doarjaga. Jos dus leat vearrovealggit, de ovdal ohcamuša dahkama dus galgá leat maiddái vearrovelggiid máksinplána, man Vearrohálddahus lea dohkkehan.

Daga ná:

  • Oahpásmuva ohcanskovvái ja rávvagiidda, mat leat čuovusin.
  • Deavdde ja sádde skovi elektrovnnalaš skoviin, mii gávdno  dán siiddu loahpas (elektrovnnalaš skovvi gávdno rávvagiid ja skovi informašuvnna maŋŋá.)
  • Sádde ohcamuša mildosiid e-poasttain adressii yritystuki@utsjoki.fi.
    • Jos it sáhte sáddet mildosiid e-poastta bokte, de sáhtát doalvut daid báberhámis gielddadoaimmahaga poastakássii dahje sáddet daid poastta bokte.
    • Jos it ollege sáhte geavahit elektrovnnalaš ohcanvuogi, de sáhtát sáddet olles ohcamuša oktan mildosiiguin adressii: Ohcejoga gielda, ealáhusdoaimmahat, PL 41, 99981 Ohcejohka.
    • Ohcamuš word.
    • Rávvagiid doarjagii gávnnat dáppe (PDF).

Ohcamuššii gullet čuovvovaš mildosat:

  • Rehketdoalloloahpahus 2019 / maŋimuš rehketdoalloloahpahus dahje vearroalmmuhus 2019 / maŋimuš vearroalmmuhus
  • Kopiija rehketdoalus ja / dahje báŋkokontočáláhusain, maiguin vuovdimiid ja goluid nuppástusat jagi 2020 áigge duođaštuvvojit
  • Vearrovealgeduođaštus (ja vearrovealggi máksinplána man vearrohálddahus lea dohkkehan, jos dakkár dárbbašuvvo)

Rehketdoalli galgá nannet ahte dieđut leat riekta, muhto jos don ieš fuolahat fitnodaga rehketdoalu, de dalle lea doarvái ahte ieš nannet dieđuid.

Ohcamušat gieđahallojit dan ortnegis go dat buktojit sisa. Ohcamuš lea bukton sisa dalle, go sihke ohcanskovvi ja buot mildosat leat doaimmahuvvon gildii. Mii sáddet dieđu ohcamuša vuostáiváldimis ja lassidieđuid ohcamuša gieđahallama birra dan e-poastaadressii, man don leat almmuhan. Doarjaga maŋimuš ohcanbeaivi lea 30.9.2020.

Lassidieđut:

Ealáhusčálli Raimo Länsman, raimo.lansman@utsjoki.fi, tel. 040 718 9494

Prošeaktajođiheaddji Ulla-Maija Uusitalo, ulla-maija.uusitalo@utsjoki.fi, tel. 040 661 641

 

Elektrovnnalaš OHCANSKOVI GÁVNNAT VUOLÁBEALDE

Skovis geavahuvvon meroštallamat:

  1. Oktavuođaolmmoš dahjege doaimma hárjeheaddji fitnodatolmmoš.
  2. Statistihkkaguovddáža doaibmasuorgeluohkkájuohku
  3. Fuolakeahttá das mii lea doaimma vuoigatvuođalaš hápmi ja ruhtadanvuohki, okto ekonomalašdoaimma hárjeheaddji ja Suomas doaibmi ollesáigásaš fitnodatolmmoš, geas eai leat  bálvalusas bálkáhuvvon bargit ja geas lea fitnodatolbmo ealáhatoadju  (YEL-oadjonummir ) dahje guhte sáhttá ovdanbuktit unnimustá 20 000 euro jahkásaš fitnodatboađu dahje mávssuid bearrama. Jos fitnodat lea álggahan vuollái 6 mb dás ovdal de galgá fitnodat čájehit duohtan, ahte jos jo šaddan boahtomearri livčče joatkašuvvan nu mo dan rádjai de livččii das čuvvon  12 mánotbaji áigge 20 000 euro sturrosaš mávssuid bearran.
  4. Oktofitnodatolbmos meroštallo leat vejolašvuohta gánnáhahtti doaibmamii, jos fitnodatdoaibma lea leamaš gánnáhahtti ja dan vuođđun leamašan jagi 2019 ruhtadoalloloahpaheapmi  dahje vearroalmmuhus. Jos oktofitnodatolbmos lea vearrovealgi, sus galgá leat Vearrohálddahusa dohkkehan plána vearrovealggi máksima várás. Gánnáhahtti doaimma meroštallamis sáhttá váldit vuhtii oktofitnodatolbmo čielggadusa spiehkastatdili birra jagis 2019.
  5. Oktofitnodatolbmo fitnodatdoaimma ekonomalaš dili ja vuovdima fuotnáneami  16.3.2020 maŋŋá galgá čájehit duohtan  rehketdoalu ja/dahje kontuváldosiid (golut ja vuovdinvuoittut) kopiijain. Mearkkašahtti fuotnáneapmin sáhttá doallat dan, go vuovdinvuoittut leat unnon 30% dahje eanet.
  6. De minimis -doarjja oaivvilda almmolaš fitnodatdoarjaga, man meari Eurohpá uniovdna lea dulkon nu unnin, ahte dat ii bonja gilvvu  dahje váikkut EU-lahttoriikkaid gaskasaš gávpái. Fitnodahkii sáhttá mieđihit eanemustá 200 000 euro de minimis -doarjaga golmma maŋŋálas vearrojagi áigge. Fitnodahkii  mii doaibmá eatnangeaidnovuojihemiid suorggis deminimis -doarjja sáhttá leat eanemustá 100 000 euro. Doarjjamearrádusas lea almmuhuvvon, jos gažaldagas lea de minimis -doarjja. Fitnodat galgá ieš fuolahit, ahte iešguđege sierra dahkkon mearrádusa bokte mieđihuvvon de minimis -doarjagiid oktiiluiton mearri ii mana badjel dohkkehuvvon alimus meari. TEM: De minimis -doarjja

Ohcamušskovvi Ohcejoga gielda

1. OHCCI VUOĐĐODIEĐUT


2. DOAIMMA GOVVÁDUS


3. OHCCI DE MINIMIS -DOARJAGAT


4. PLÁNA DOAIMMA STÁĐÁSMAHTTIMA VÁRÁS


EAVTTUT