Árrabajásgeassin

OPPALAČČAT ÁRRABAJÁSGEASSIMIS

Ohcejoga gielddas fállojuvvo mánáide árrabajásgeassin ja davvisámegielat giellabeassedoaibman beaiveruovttuin Ohcejohnjálmmis, Gáregasnjárggas ja Njuorggámis. Árrabajásgeassinbálvalusaid fidne sihke davvisáme- ja suomagillii máná eatnigiela mielde.

Árrabajásgeassimii ohcan

Árrabajásgeassinbáiki ordnejuvvo guovtti vahkus, jos váhnen ohcá dan barggu dahje oahppovázzima geažil. Jos beaiveruoktobáiki ohccojuvvo man nu eará siva geažil, de gielda ordne báikki mánnái 4 mánotbaji siste.

Árrabajásgeassinbáikki eretcealkima galggašii dahkat 2 vahku ovdal. Eretcealkin lea fámus maŋit kaleandarbeaivve rájes eretcealkimis. Dikšunmáksun máksojuvvojit divššus várrejuvvon dikšobeaivvit.

Árrabajásgeassinbáikki sáhttá ohcat Juulia -bálvalusas dáppe. Boahtodieđuid sáhttá doaimmahit šleađgapoastta bokte árrabajásgeassinhovdii. Juos boahtodieđuid eai doaimmahuvvo, de mearrašuvvá máksu alimus máksoluohká mielde.

Ohcamuša ja dárbbašlaš duođaštusaid sáhttá buktit beaiveruktui dahje sáddet šleađgapoastta bokte dahje poastta mielde čujuhussii:

Árrabajásgeassinhoavda Tea Raudasoja
tea.raudasoja@utsjoki.fi
Ohcejoga gielda
PL 41
99981 Ohcejohka

Gaskaboddosaš árrabajásgeassin fállojuvvo deivvolaš dikšundárbui. Jos beaiveruovttu ossodagas lea sadji, de dat ordnejuvvo dan dárbbašeaddjiide. Gaskaboddosaš árrabajásgeassinmáksu lea dikšunáiggis beroškeahttá 20€ beaivvis.

DIKŠOÁIGGIT

Dikšunáiggiin mii soahpat fuolaheaddjiid bargoáiggiid ja dikšundárbbu mielde ovddalgihtii dmu 07.00-17.00 gaskii árgabeivviid. Dmu 17.00 maŋŋá, ihkku, bassebeivviid dahje vahkuloahpaid Ohcejoga gielddas ordnejuvvo vuorrodikšun dušše barggu dahje eará bákkolaš dárbbu geažil. Dáid dábálaš ritmmas spiehkasteaddji dikšunvárremiid galgá almmuhit čálalaččat beaiveruktui uhcimustá 2 vahku ovdal divššu dárbbu. Bargovuorrolisttát/ dikšunáiggit doaimmahuvvojit beaiveruoktobáikái dalánaga, vai dikšunbáikkis sáhttá plánet doaibmama ja heivehallat bargoveaga bargovuoruid dikšunáiggiid mielde.

Máná dikšobeivviid guhkkodat oažžu leat gaskamearálaččat eanemustá 10 diimmu beaivvis viđa beaivve vahkus. Fuolaheaddjit galget muitit, ahte mánás lea vuoigatvuohta ja dárbu maiddái váhnemiidda, ruktui ja lupmui.

ÁRRABAJÁSGEASSINMÁVSSUT

Árrabajásgeassimis bearran láhkai alimusmáksu lea vuosttas máná buohta 288 euro mánotbajis ja vuolimus bearramavuloš máksu lea 27 euro. Nuppi mánás bearramavuloš máksu álgá eanemustá 40 proseantta nuoramus máná mávssus nuppiin sániin eanemustá 115 euro mánotbajis. Čuovvovaš mánáid máksu lea 20 proseantta nuoramus máná mávssus.

Boahtoráját

Bearraša      Boahtorádjá €/mb            Máksu álgá 27 €,                Máksu 288€, jos boađut
sturrodat                                                boađut uhcimustá               eanet go

olmmoš    1.8.2020         1.8.2021          1.8.2020         1.8.2021           1.8.2020         1.8.2021
  2  2 136    2 798    2 388  3 050     4 823    5 485
  3  2 756    3 610    3 008  3 862     5 443    6 297
  4  3 129    4 099    3 381  4 351     5 816    6 786
  5  3 502    4 588    3 754  4 840     6 189    7 275
  6  3 874    5 075    4 126  5 327     6 561    7 762

 

BEARAŠIPMÁRDUS JA BOAĐUT

Árrabajásgeassimis berrojuvvo fuolaheaddji guoktá boađuid ja bearraša sturrodaga mielde mearrašuvvi mánotbadjemáksu. Árrabajásgeassinmáksu berrojuvvo mearrádusas nannejuvvon divššu álggahanbeaivvi rájes. Jos mánná álggaha árrabajásgeassimis gaskan kaleandarmánotbaji, de fuolaheaddji guovttos máksiba vuosttas mánotbajis dušše dain beivviin, main mánná leamašan divššus. Ruoktodikšuma doarjja ja gieldda beaiveruoktobáiki leat nuppiideaskka olggos gokči bálvalusat. Ruoktodikšundoarjja nohká dan beaivvi rájes go gieldda ordnen dikšu álgá. Váhnemat almmuheaba Kelai divššu álgimis.

Mávssu mearridettiin boahtun váldojuvvojit vuhtii máná ja suinna seamma dállodoalus ealli váhnema dahje eará fuolaheaddji sihke dáinna oktasašdállodoalus (náittos- dahje rabaslihtus) ealli olbmuid vearuvuloš dienas- ja oaiveopmodatboađut sihke vearuheamis friija boađut. Máksui váikkuha maiddái bearraša sturrodat. Gielda bearrá mávssu mánotbajiid mielde eanemustá ovttanuppelot kaleandarmánotbajis jagi áigge. Jos bearaš ii almmut boađuidis, de berrojuvvo mánás/mánáin alimus máksu. Divvun dán láhkai mearrašuvvan máksui ii dábálaččat maŋilgihtii dahkkojuvvo almmá earenoamáš lossa vuođustusaid haga.

Fitnodaga doalli galgá doaimmahit rehketdoalus fidnejuvvon boađusrehkega, balánssa dahje rehketdoalloloahpahusa dieđuid. Ođđa fitnodaga álggahan olmmoš doaimmaha rehketdoalu doalli dahkan čielggadusa boađuin ja stártaruhtamearrádusa.

Oaiveopmodatboađuin galgá doaimmahit guittiid, ee. láigo-, oasusvuoito-, ja reantoboahtu. Láigoboađuide laktáseaddji buhtadusat leat geahpedeami vuloš earit sihke máksojuvvon ealihanveahkit, dáin galgá doaimmahit guittiid.

Máná oažžun ealáhat ja ealihanveahkki/-doarjja váldojit vuhtii ovdun árrabajásgeassima mávssu meroštaladettiin.

DIKŠOBEAIVVIT

Ohcejoga gielddas fállojuvvojit ollesbeaivvedikšun ja oassebeaivvedikšun. Ollesbeaivvedikšun bistá badjel 5 diimmu beaivvis, eanemustá 35 diimmu vahkus. Oassebeaivvedikšun bistá vuollái 5 diimmu beaivvis dahje eanemustá 20 diimmu vahkus. Oassebeaivvedivššus fuolaheaddjit mákset 50-60% ollesbeaivvedivššu mávssus, dan mielde makkár oassebeaivvedivššu geavaha. Mánotbajis sáhttá várret 1-10 beaivvi, 11-15 beaivvi dahje badjel 15 beaivvi divššu jogo ollesbeaivásažžan dahje oassebeaivásažžan. Jeavddalaččat vádjidis vahkuid divššus orru mánáin berrojuvvo mánotbadjemáksu gaskamearálaš dikšobeivviid mielde rehkenastimiin mánotbadjemáksun čuovvovaš láhkai: 1-10 bv/mb 50%, 11-15 bv/mb 75% ja 16-20 bv/mb 100%. 80% máksu berrojuvvo, jos dikšunbeaivvi guhkkodat lea gaskamearálaččat 5-7 diimmu beaivi, eanemustá 35 diimmu vahkus.

Fuolaheaddjit mákset dain dikšobeivviin, maid sii várrejit. Jos fuolaheaddji ii máhte meroštallat dikšobeivviid, de dalle son várre oppa mánotbaji ja maiddái máksá das. Ovttat dikšundárbbu nuppástusain šihttojuvvo árrabajásgeassinbargiiguin ovddalgihtii uhcimustá jándora ovdal. Jos mánná ii boađe šihttojuvvon beaivve dikšui omd. buohcuvuođa geažil, de das fuolakeahttá beaivi rehkenastojuvvo oktan dikšobeaivin. Deivvolaš dikšobeivviid badjelmannamat máksojuvvojit lassemáksun beivviid mielde.

ÁRRABAJÁSGEASSINMÁVSSU DÁRKKISTEAPMI

Árrabajásgeassinmávssu sáhttá dárkkistit, jos bearraša boađut dovdomassii nuppástuvvet, bearraša sturrodat nuppástuvvá dahje jos fámus orru njuolggadusat dahje mearrádusat nuppástuvvet. Bearaš galgá almmuhit árrabajásgeassinhovdii čálalaččat (oktan čuvvosiiguin) mávssu sturrodahkii váikkuheaddji dieđuid nuppástusain. Jos mávssu mearrideapmái guoski mearrádus lea vuođđuduvvan áššehasa dahje su ovddasteaddji addin boastto dieđuide, de sáhttá mávssu njulget maŋilgihtii. Mávssu sáhttá guođđit bearakeahttá dahje dan sáhttá vuolidit, jos olbmo ealihangeatnegasvuođa, áigáiboahtima vejolašvuođaid dahje fuolahussii gullevaš geahččančiegaid vuhtii váldimiin lea dasa sivva.

Árrabajásgeassima bissovaš nuppástusain dahkkojuvvo ođđa soahpamuš ohcamuša mielde. Árrabajásgeassinmávssuin sáhttá ohcat ovddalgihtii vuoliduvvon mávssu, jos mánná lea eret uhcimustá ovtta kaleandarvahku obban.

ERETORRUMIID VÁIKKUHUS ÁRRABAJÁSGEASSINMÁKSUI

Máksu berrojuvvo juohke mánotbaji, vaikke mánná livččii eret divššus, earet:

  • jos mánná lea buohcuvuođa geažil eret mánotbaji buot doaibmanbeivviin, de ii máksu berrojuvvo.
  • jos mánná lea buohcuvuođa geažil eret uhcimustá 11 beaivve (badjel beali) mánotbaji doaibmanbeivviin, de máksu lea bealli oppa mánotbaji mávssus.
  • jos mánná lea eret man nu eará siva go buohcuvuođa geažil oppa mánotbaji, ja das lea almmuhuvvon uhcimustá 2 vahku ovdal, de máksu ii berrojuvvo. Muđuid máksu lea bealli oppa mánotbaji mávssus.
  • jos máná gaskaboddosaš eret orrumis lea almmuhuvvon čálalaččat beaivedikšunbáikái maŋimustá 2 vahku ovdal ja mánná lea eret uhcimustá ovtta kaleandarvahku (7bv), de eret orrun geahpeduvvo dikšomávssus. Ohcamušaid galgá doaimmahit guokte vahku ovdal máná eret orruma. Maŋilgihtii doaimmahuvvon ohcamušat eai váldojuvvo vuhtii.

DIHTOŠTALLAMAT

Árrabajásgeassinhoavda tel. +358 40 181 0273

OKTAVUOĐADIEĐUT

Ohcejoga gieldda árrabajásgeassinhoavda
Tea Raudasoja
99980 Ohcejohka
Tel. +358 40 1810273
tea.raudasoja@utsjoki.fi

Ohcejoga beaiveruoktu suomagielat ossodat
Tel. +358 40 1810272

Sámegielat ossodat Duottaraski
Tel. +358 40 1810274

Gáregasnjárgga sámegielat beaiveruoktu Gollerássi
99950 Gáregasnjárga
Tel. +358 40 1810275

Njuorggáma beaiveruoktu
Njuorggáma skuvla/ásodat
99990 Njuorggán
Tel. +358 40 1810276

Davvisámegielat giellabeasit

Ohcejohka +358 40 6432366

Gáregasnjárga +358 40 1810277

Njuorggán +358 40 4858248