Ohcejoga gielddas leat golbma skuvlla ja dán siiddus gávnnat lohkanjahkái guoski bargo- ja luopmoáiggiid, oahppoplánaid sihke dieđu skuvlla doaibmasajiid ja rusttegiid láigoheamis.
Ovdaoahpahussii almmuheapmi
Almmuheapmi guoská jagis 2016 riegádan mánáid Ohcejoga gieldda guovllus. Vuolde dieđut jagi bisti ovdaoahpahusa birra. Guokte jagi bisti iskkadeamis almmuhuvvo maŋŋelis.
Jagi 2016 riegádan mánáid ovdaoahpahus
Ohcejoga gielda fállá lohkanjagi 2022 – 2023 nuvttá ovdaoahpahusa mánáide geat dábálaččatge gullet ovdaoahpahusa biirii. Ovdaoahpahus lea Suomas geatnegahtti. Dát mearkkaša dan, ahte mánná galgá ovddit jagi ovdal oahppogeatnegasvuođa álgima oassálastit jagi bisti ovdaoahpahussii dahje eará ovdaoahpahusa mihttomeriid olaheaddji doibmii. Lohkanjagi 2022-2023 ovdaoahpahussii galgá almmuhit buot daid mánáid, geat leat riegádan jagis 2016.
Ovdaoahpahus ordnejuvvo čuovvumiin vuođđooahpahusa bargo- ja luopmoáiggiid. Ovdaoahpahussii oassálastin lea nuvttá ja dasa gullá boradeapmi. Skuvla ordne sáhtu, jos oahppi skuvlamátki lea vihtta kilomehtera guhkit. Jos skuvlamátki lea vuollái 5 km ja dat oahppi agi dahje eará dili vuhtii váldimiin šaddá oahppái menddo váttisin, lossadin dahje váralažžan, de sáhttá skuvlasáhtu ohcat čuvgehuslávdegottis. Jos oahppi dárbbaša ovdaoahpahusa lassin dievasmahtti árrabajásgeassima beaiveruovttus, gielda ii ordne sáhtu beaiveruktui.
Ovdaoahpahus ordnejuvvo Ohcejohnjálmmi, Gáregasnjárgga ja Njuorggáma skuvllain nu ahte dat lea ovttastuvvon vuođđooahpahusa oahpahusjovkui sámegielat ja suomagielat vuolleluohkáin. Čuvgehusdoaibma mearrida skuvllaid ovdaoahpahusjoavkkuin giđa 2022 áigge.
Ovdaoahpahussii almmuhuvvo šleađgaboasttain. Almmuhusas galggašii oidnot máná ja fuolaheaddjiid dieđuid lassin válljejuvvon oahpahusgiella ja vejolaš sáhttodárbu.
Almmuheamit 31.3.2022 rádjai.
Ohcejohnjálmmi skuvlii kanslista Pilvi Guttormii 040-6249468 pilvi.guttorm@utsjoki.fi
Gáregasnjárgga skuvlii oahpaheaddji Tanja Borenii 040-1928603 tanja.boren@edu.utsjoki.fi
Njuorggáma skuvlii veahkkehoavda Sisko Länsmanii 0400-268550 sisko.lansman@edu.utsjoki.fi
LOHKANJAGI BARGO- JA LUOPMOÁIGGIT
Ohcejoga gieldda skuvllaid bargo- ja luopmoáiggit lohkanjagis 2022-23
Čakčalohkanbadji álgá du 11.8.2022 ja nohká du 22.12.2022,
čakčaluopmu vahkku 42, okta bargolávvardat
Giđđalohkanbadji álgá vu 9.1.2023 ja nohká lá 3.6.2023,
giđđaluopmu vahkus 10, helloduorastat 18.5.2023
SKUVLLAID SADJELÁIGGUT
Skuvllaid doaibmasajiid ja mášeniid oktasaš láigohanprinsihpat:
- Geavahanbuhtadusaid bearran ákkastallo dainna, ahte gielda berre oažžut govčču lihkadan- ja eará doaibmasajiid olggobeale geavaheapmái ortnegisdoallan-, čorgen- ja eará geavahangoluide.
- Skuvllaid doaibmasajit galget leat buot gieldda olbmuid sihke gielddas ja dan olggobealde doaibmi servošiid ja servviid geavahusas skuvllaid bargoáiggi olggobealde.
- Sadjeláigu ii berrojuvvo gieldda iežas ovttadagain iige gieldda guovllus doaibmi servviin dahje gili mánáid dahje nuoraid smávvalágan áiggeádjedoaimmas (ii guoskka logahaga oahppiviesuid).
- Kulturdilálašvuođain (konsearttat, teáhterat, čájáhusat jed.) eai berrojuvvo geavahanmávssut, dasgo dilálašvuođat Ohcejogas leat muđuige uhcán.
- Vástuolbmot (geaidda čoavdda doaibmasadjái luohpaduvvo guitema vuostá) galget leat dievas agis ja luohtehahttit. Sii galget leat báikki alde oppa geavahanvuoru áigge ja fuolahit skihka bisuheami lassin vuoru maŋŋá čuovggaid jáddadeamis, lásaid ja uvssaid gokčamis je. doaibmasajiid dikšumii gullevaš dábálaš áššiin sihke čorgemis.
- Skuvllaid doaibmasajiid láigoheamis ja mávssuid bearramis vástidit skuvllaid veahkkehoavddat. Skuvllaid viesuid láigoheamis vástida lávdegoddi ja oahppiviesuid láigoheamis rektor. Lávdegotti bargun lea čuovvut láigohandoaimma.
Doaibmasajiid láiggut
Doaibmasadji Haddi
Feastasále (Ohcejohka) 50€ / dilálašvuohta dahje jándor
Feastasále (Njuorggán) 20€ / dilálašvuohta dahje jándor
Skuvlla váldofeaskkir (Ohcejohka) 20€ / dilálašvuohta dahje jándor
Boradanbáiki 25€ / dilálašvuohta dahje jándor
Spesiálaluohkát 15€ / diibmu
Vuođđoluohkát 10€ / diibmu
Oahppiásodat ođđa (olggobeale olbmuide) 15€ / olmmoš / jándor 300€ / olmmoš / mb
Oahppiásodat boaves (olggobeale olbmuide) 10€ / olmmoš / jándor 150€ / olmmoš / mb
ohcejoga gieldda oahppaplánat
Perusopetuksen oppilashuollon suunnitelma
Vuođđooahpahusa oahppifuolahusa plána, sámegiella
Lukion oppilashuollon suunnitelma
Logahaga oahppifuolahusa plána, sámegiella
Skuvlla olggobealde addojuvvon oahpahus
Vuođđooahpahusa oahppaplána vuđđosiid nuppástusat ja dievasmahttimat
Golmmaceahki doarjja vuođđooahpahusas
Kolmiportaisen tuen suunnitelma (pdf)
Golmmaceahkat doarjaga plána (pdf)
Golmmaceahki doarjaga plána čuvvosat
Čuovus 1: Fuollaskovvi
ovdaoahpahus
vuođđooahpahus
luohkkáguovdašas
Čuovus 2: pedagogalaš árvvoštallan, ovdaoahpahus
Čuovus 3: pedagogalaš árvvoštallan, vuođđooahpahus
Čuovus 4: oahppaplána, ovdaoahpahus
Čuovus 5: oahppaplána, vuođđooahpahus
Čuovus 6: pedagogalaš čilgehus, ovdaoahpahus
Čuovus 7: pedagogalaš čilgehus, vuođđooahpahus
Čuovus 8: persovnnalaš oahpahusa ordnema guoski plána HOJKS, ovdaoahpahus
Čuovus 9: persovnnalaš oahpahusa ordnema guoski plána HOJKS,
oahppis eai leat individuálaguovdasaš oahppomearit, vuođđooahpahus
Čuovus 10: persovnnalaš oahpahusa ordnema guoski plána HOJKS,
oahppis individuálaguovdasaš oahppomearit, vuođđooahpahus
Čuovus 11: persovnnalaš oahpahusa ordnema guoski plána HOJKS,
doaibmasurggiid mielde studerejeaddji oahppi, vuođđooahpahus
Fuollaskovvi, luohkkáguovdasaš
Fuollaskovvi, luohkkáguovdasaš, sá
Pedagogalaš árvvoštallan, ovdaoahpahus, sámegiella
Pedagogalaš árvvoštallan, vuođđooahpahus, sámegiella
Pedagogalaš čilgehus, ovdaoahpahus, sámegiella
Pedagogalaš čilgehus, vuođđooahpahus, sámegiella