Ohcejoga rávesolbmuidskuvla fállá friijaulbmillaš skuvlema sihke ealáskahttá doaimmaidis ordnemiin iešguđetlágan kurssaid dássebealagit juohke gilis.
ÁIGEGUOVDIL
Almmuheamit gurssaide HelleWin bokte, šleađgaboasttain dahje telefovnna bokte.
Hellewi gávnnat dáppe.
Ohcejoga rávesolbmuidskuvla
Rávesolbmuidskuvlla gurssat fállet dilálašvuođa oahppat ja virkkosmuvvat. Gurssaide oasseváldin lea rabas buohkaide. Ohcejogas hálidat doarjut gieldda olbmuid oassálastinvejolašvuođaid rávesolbmuidskuvlla doaimmaide doallamin gursamávssuid vuollegažžan ja joavkkuid gáibiduvvon olmmošlogu unnin.
Rávesolbmuidskuvllas lea doaibma Ohcejogas, Gáregasnjárggas ja Njuorggámis. Dieđu rávesolbmuidskuvlla fálus oažžu ruovttuide juhkkojuvvon dieđihančállosis sihke dan lassin HelleWi-prográmma bokte. Gaskan lohkanjagi álgi gurssaid birra ja rávesolbmuidskuvlla lágidan dáhpáhusaid birra dieđihuvvo Ohcejoga ruoktosiidduin, Inarilainen-aviissas ja gieldda Facebook-siidduin.
Ođđa ideat ja gursasávaldagat leat liggosit buresboahtán miehtá jagi!
Almmuheamit gurssaide HelleWin bokte, šleađgaboasttain dahje telefovnnain.
Čuvgehusdoaimma čálli
tel. 040 8097466
Buresboahtin oahppat ja virkkosmuvvat!
Gursamávssut ja eará diehtu
Oahppiin berrojuvvon gursamávssut: (čuvgehuslávdegoddi 5.2.2014)
– Gurssat vuollái 20 h, gursamáksu 15 €, ealáhatolbmot ja skuvllalaččat 10 €.
– Gurssat 21-30 h, gursamáksu 25 €, ealáhatolbmot ja skuvllalaččat 12,50 €.
– Gurssat 31-40 h, gursamáksu 30 €, ealáhatolbmot ja skuvllalaččat 15 €.
– Gurssat 41 h-, gursamáksu 40 €, ealáhatolbmot ja skuvllalaččat 20 €.
Sierragurssat (Oastobálvalussan gieldda olggobealde skáhppojuvvon gurssat, dego Vuosttasveahkki (EA)-gurssat, diehtoteknihka gurssat jna.) hattit mearrašuvvet sierra iešguđege gurssa goluid mielde. Gursamávssuid mearrá rávesolbmuidskuvlla rektor
Oahppagirjjit ja eará materiálat eai gula gursamáksui, muhto oahppit mákset daid ieža.
Oahppojoavkkuide galgá almmuhit iežas 3 beaivvi ovdal gurssa álginbeaivvi, oanehisgurssaide dan beaivemeari rádjai mii oidno almmuhusas. Oahppojoavkkuid deavdit almmuhanortnegis.
Álgi oahppojoavkku unnimus sturrodat lea 3 oahppi, jos earás ii leat šihttojuvvon. Jos man nu gursii almmuhemiid vuođul eai leat doarvái oahppit, gursa šluhttejuvvo ja dušše olbmuide geat leat iežaset gursii almmuhan, almmuhuvvo persovnnalaččat. Jos gurssas leat oasseváldit golmma maŋŋálas háve vuollel 3 olbmo, gursa nohká.