Rájá rastá olli čáhce- ja bázahusčáhceoktasašbargu Deanu váikkuhusguovllus

TANA RIVER II

 

Prošeakta vuođđuduvvá suopmilaš-norgalaš rádjačázádatkommišuvnna bargui Deanu, Báhčaveaje sihke Njávdáma riikkaidgaskasaš čáhceviidodagas. Prošeakta joatká maiddái ain nuppi Interreg Pohjoinen -doarjjaprográmma ruhtadan Joint environmental management of the river Tana -prošeavtta barggu.

Norgga beale gielddaid, Deanu ja Kárášjoga, bázahusčázi buhtistanlágádusat sihke Suoma beale Ohcejoga gieldda, Inarin Lapin Vesi Oy oamastan bázahusčázi buhtistanlágádusat geavahit burginčázádahkan Deanu váldojoga dahje siidojogaid. Inarin Lapin Vesi Oy čáhcefuolahus lea maiddái sorjavaš Deanu guovllu bodne- dahje bajildusčáhceriggodagain čáhceskáhppomis. Gielddain ii leat leamaš oktasašbargu čáhceskáhppomis dahje bázahusčáhcefuolahusas.

Dál dán prošeavttas, Rájá rastá olli čáhce- ja bázahusčáhceoktasašbargu Deanu váikkuhusguovllus, Tana river II, čohkket fámuid čielggadit, man láhkai gielddaid gaskasaš čáhcefuolahusoktasašbarggu, čáhce- ja bázahusčáhcefuolahusas Deanu čázádatviidodagas, sáhtášii oktasašbarggus ovddidit ja nannet boahttevuođas?

Dasa lassin guovllu dálá bázahusčáhcevuogádagaid ođasmahttimiiguin ja sanerendoaibmabijuiguin geahččaluvvo ovddidit birassuodjaleapmái guoski ulbmiliidda beassan.

Prošeavtta ollašuhttin

Rastá rájá olli čáhce- ja bázahusčáhceoktasašbargu Deanu váikkuhusguovllus, Tana River II, prošeavtta váldu ollašuhtti lea Inarin Lapin Vesi Oy. Oktasašbarggus mielde leat Kárášjoga, Deanu ja Ohcejoga gielddat.

Prošeaktaáigi lea 1.6.2019- 31.5.2022 ja prošeavtta ruhtadeaddjit leat Inarin Lapin Vesi Oy, Kárášjoga, Deanu ja Ohcejoga gielddat. Prošektii lea fidnejuvvon doarjja Europa guovlluovddidanfoandda Interreg Pohjoinen- prográmmas ja Lapin Liittos.

Prošeavtta obbabušeahtta lea s. 470 000 euro, mas Europa guovlluovddidanfoandda Interreg Pohjoinen – prográmma doarjja lea 65 % ja Lapin Liitto koordineren álbmotlaš doarjja 20%.

Projeaktadoaimmat ja daid ollašuhttin

Rastá rájá olli čáhce- ja bázahusčáhceoktasašbargu Deanu váikkuhusguovllus, Tana River II –projeakta čohkiida guovtte sierra bargopakeahtas, WP1 ja WP2.

Projeavtta vuosttas bargopakeahtta váikkuha buot giddodagaide, mat leat laktásan oktasaš čáhcefuolahussii projeaktaguovllus ja nuppi pakeahtta giddodagaide, mat leat Deanu váikkuhusguovllus, muhto eai leat laktásan dahje ii leat vejolašvuohta laktásit oktasaš bázahusčáhcefuolahussii.

Bargopakeahtaid sisdoallu

WP1   Buvttaduvvo sierra molssaeavttuid sisttisdoalli oppalašplána čáhcefuolahusa ordnemis Kárášjoga ja Gáregasnjárgga čoahkkebáikkiid gaskka. Plánas čielggaduvvojit teknihkalaš ja ruđalaš vejolašvuođat ovddidit Gáregasnjárgga ja Kárášjoga gaskasaš čáhcefuolahusoktasašbarggu, vejolaš investeren- ja ráhkadanplánaid vuođđun.

WP2   Čielggaduvvo Deanu váikkuhanguovllu bieđggoássanguovlluid giddodagaid   bázahusčáhcevuogádagaid dáládilli ja vejolaš sanerendárbbut.

Nuppi bargopakeahta, WP2, čielggadanbarggus Ohcejogas kártejuvvojit Deanu váikkuhanguovllu giddodagat sihke noađuheapmi, man dagahit giddodagain šaddi bázahusčázit. Lassin čielggaduvvo noađuheami geahppáneapmi, mii juksojuvvo vejolaš saneremiid bokte. Maiddái Norggas Kárášjogas ja Deanus čielggaduvvojit dieđut giddodagain noađuhahttivuođa árvvoštallama ja joatkkadoaimmaid várás.

Projeavtta áigge addojuvvojit maid rávvagat giddodagaid eaiggádiidda gollobeaktilis ja birasustitlaš molssaeavttuid čielggadeamis nu, ahte váldojuvvojit vuhtii guđege giddodaga sierradárbbut.

Lassin ovddiduvvo oktasašbargu, hábmejuvvo dieđu ja máhtu lonohallan Norgga beale Deanu ja Kárášjoga gielddaid čáhcefuolahusbargoveagain.

Prošeavtta boađusulbmilat

Prošeakta viggá oažžut vejolažžan oktasaš čáhce- ja bázahusčáhcebálvalusaid ordnema rastá rájá goasttádusaid hárrái beaktilit sihke veahkehit fidnet áigái dorvvastuvvon ja lági beales buorre čáhcefuolahusa.

Prošeakta ovddida rájá rastá olli oktasašbarggu, fidne áigái mávssolaš kontávttaid ja hárjánumi iešguđetlágan oktasašbargovugiin sihke ovddida máhtolašvuođa lonohallama čáhce- ja bázahusčáhcefuolahusa sektoris.

Prošeavttain geahpeduvvo servodagaid/ ássama dagahan bázahusčáhcenoađđi Detnui.

Lassedieđut prošeavttas:

Paulus Lepistö, Inarin Lapin Vesi Oy, beaivválašhoavda, prošeaktageassi
+358 40 7329 315
paulus.lepisto@inergia.fi

Lassedieđut bázahusčáhcevuogádagaid čielggadanbarggus Ohcejoga gielddas:

Markku Porsanger, vd. giddodathoavda, huksendárkkisteaddji
+358 400 158 561
markku.porsanger@utsjoki.fi

Fáddásuorgái laktáseaddji liŋkkat:

Video bázahusčahceođastusas ja gean dat guoská? Gáldu: Birasministeriija