Boles

Dárbbašatgo veahki ovdamearkka dihte bolesa elektrovnnalaš ohcamuša deavdimis? Dán siiddus sáhtát geahččat bálvalančuoggá buot bolesa bálvalusaid ja oktavuođadieđuid.

Áigeguovdilis áššit

Bálvalančuokkis / Oktasašbálvalus lea gitta 3.8.2020 rádjai. Váldet oktavuođa njuolga doaibmiiguin

 

 

Anára bolesstašuvdna
Ivalontie 10, 99800 Ivalo
Lohpebálvalusat tel 0295 416 824
Molssa tel 0295 460 321

 

BOLES

Ohcejoga oktasašbálvalusa bálvalančuoggás eai dikšojuvvo 1.8.2017 rájes meahcástanvearjju fievrredanlohpeáššit. Suoma fuođđoguovddáš vástida lobiid mieđiheamis 1.8.2017 rájes. Oktavuođadieđuid gávnnat: Suoma fuođđoguovddáža suomagielat ruovttusiidduin.

Bálvalančuoggás eai dikšojuvvo 15.12.2015 rájes vuodjenkoartalohpeáššit.
Trafi vástida geaidnojohtolaga persovdnalobiid mieđiheamis 1.1.2016 rájes. Vuodjenkoartalohpeáššit dikšojuvvojit 1.1.2016 rájes Ajovarma doaibmabáikkiin.
Bálvalanbáikkiid oktavuođadieđuid gávnnat: Ajovarma suomagielat ruovttusiidduin..
Lassediehtu: Trafi suomagielat ruovttusiiddut

Bálvalančuoggá bolesa bálvalusat:

  • Ohcamuša ja čuvvosiid vuostáváldin ja dasa laktáseaddji identitehta gávnnaheapmi
  • Áššegirjjiid dievaslašvuođa dárkkisteapmi
  • Ohcamuša deavdimii laktáseaddji rávven
  • Mávssu bearran bolesa máksoásahusa mielde ohcamuša vuostáváldima oktavuođas
  • Gárvves lohpeáššegirjjiid luohpadeapmi
  • Bolesa elektrovnnalaš ohcamuša deavdima veahkeheapmi
  • Elektrovnnalaš áiggivárrema dahkan bolesa lohpebálvalusaide
  • Mearrádusdahkanproseassa guoski informeren áššehassii

Dát doaimmat vejolaččat čuovvovaš lobiin:

  • árvidangilvvu ollašuhttimii guoski almmuhusa vuostáváldin
  • spiehkastanlohpeohcamuš árvidangilvvu vuoiti almmuheamis
  • ohcamuš árvidangilvvu sisaboađuid geavahanulbmila rievdadeamis
  • muhtun spealloautomáhtaid ja speallorusttegiid guoski lohpeohcamuš (vuorbádanláhka 56 §)
  • ruhtačoagginlohpeohcamuš
  • dárkkistanpássaohcamuš
  • dávvervuorbádanlohpeohcamuš
  • spiehkastanlohpeohcamuš vuorbádeami bohtosa almmuheamis
  • ohcamuš lohpin rievdadit sisaboađuid geavahanulbmila
  • ohcamuš doallat dávvervuoitinautomáhta
  • idjadan- ja biebmodoaimma birra addojuvvon lága 4 §:s meroštallon almmuhusa vuostáváldin
  • alkoholalága 59 §:s meroštallon almmuhusa vuostáváldin

Eará doaimmat:

  • Pássa luohpadeapmi
  • Persovdnakoartta luohpadeapmi
  • Suohtastallanlohpeohcamuš
  • Hálddusdoallanlobi luohpadeapmi
  • Ortnetgozihankoartta ohcamuš
  • Ortnetgozihankoartta luohpadeapmi
  • Vearjoskáhpponlobi máhcaheapmi

Fuom!

Bálvalančuoggás eai dikšojuvvo pássa-, persovdnakoarta-, vearjolohpe- ja ortnetgohcciohcamušat, baicce dat dikšojuvvojit Anára bolesstašuvnnas dahje Ohcejogas dalle go bolesvirgeolmmoš fitná doppe.

Ohcejoga bolesa bálvalanbáikkis lohpeáššit dikšojuvvojit go lohpečálli lea báikki alde (juohke mánotbaji nubbi duorastat) dmu 10-14

Fuom!

Dárkkis álo Ohcejoga bálvalanbáikki rabasbeivviid telefovnna bokte 0295 460 321 dahje bolesa ruovttusiidduin.

OKTAVUOĐADIEĐUT

Anára bolesstašuvdna
Ivalontie 10, 99800 Ivalo
Lohpebálvalusat 0295 416 824
Molssa 0295 460 321

Ohcejoga boles
Seitatie 2, 99980 Ohcejohka/Utsjoki

 

Oktasašbálvalusa bálvalančuoggás Ohcejoga gielddadálus áššehasrávvejeaddjin doaibmá lea gitta 3.8.2020 rádjai.