DIGI- JA ÁLBMOTDIEHTODOAIMMAHAT

Digi- ja álbmotdiehtodoaimmahagat leat oassi stáhta báikkálašhálddahusa ja vástidit guovlluset veahkadatdiehtovuogádagas sihke hovdenáššiin.

Áigeguovdilis áššit

Bálvalančuokkis lea gitta 17.5.-23.5.2021.

Áššiiddikšunbálvalusat ráddjejuvvojit ja bálvalančuokkis ja gielddadálu uvssat dollojuvvojit gitta doaisttážii. Áššit doaimmahuvvojit ovddemužžan neahta dahje telefovnna bokte (Kela, TE-doaimmahat, digi- ja kommunikašuvdnadoaimmahat, Lappi riekteáššiid veahkkedoaimmahat). Oktasasbálvalusa bálvalančuoggás sáhtát doaimmahit áššiid dušše, jos vuos šiehtat áiggi telefovnna bokte 040 718 9494 dahje e-poastta bokte yhteispalvelu@utsjoki.fi. Koronavirusepidemiija áigge it galgga fitnat Bálvalančuoggás áššiid doaimmaheamen, jos dus lea flunsa dahje leat muđui buozus, dahje jos eahpidat ahte dutnje lea njommon koronavirus. Bálvalančuoggás finadettiin berre atnit buori fuola giehtahygieniijas ja geavahit girurgalaš njálbme-njunnemáskka. Ohcamušaid ja mildosiid sáhtát guođđit poastakássii, mii lea gielddadálu duohkeuvssa guoras.

Diehtobálvalus

  • Ovttaskas diehtobálvalus

Ovttaskas diehtobálvalusa guoski diŋgonskovi sáhttá guođđit bálvalančuoggái, gos virgeolmmoš doaimmaha diŋgoma Digi- ja álbmotdiehtodoaimmahahkii gieđahallanláhkai.

Vihaheapmi ja párragaskavuođa registreren -bálvalusat

  • Bivdda náittoslihtu eastagiid dutkamis
  • Bivdda párragaskavuođa registrerema eastagiid dutkamis

Bálvalančuoggis váldá skovi vuostá ja doaimmaha dan ovddosguvlui doaibmaválddálaš Digi- ja álbmotdiehtodoaimmahahkii.
Suomagielat skovit ja rávvagat gávdnojit čujuhusas: http://www.dvv.fi/fi/lomakkeet.

Fuom!
Olgoriikalaččaid náittoslihtu ja párragaskavuođa eastagiid dutkama ii sáhte bidjat álgui bálvalančuoggás.

Persovdnavuoigatvuođalaš bálvalusat

Čuovvovaš skoviid sáhttá guođđit bálvalančuoggái, gos virgeolmmoš doaimmaha daid ovddosguvlui doaibmaválddálaš Digi- ja álbmotdiehtodoaimmahahkii:

  • máná registrerenalmmuhus (skovvi ii dollojuvvo oažžumis, baicce dat manná automáhtalaččat juohke riegádan máná eadnái).
  • eatnigielladieđu divvun
  • almmuhus áššiiddikšungielas álbmotdiehtovuogádahkii
  • almmuhus gohčodannamas álbmotdiehtovuogádahkii
  • almmuhus oskkoldatgottis earráneamis oktan vejolaččat dárbbašuvvon miehtamiin
  • iežas dieđuid dárkkisteami guoski bivdda
  • dieđuid luohpadeami guoski gildosiid registreren
  • nammaáššit: nammarievdadanalmmuhus, nammarievdadanohcamuš
  • fárrenalmmuhusat suomagillii: www.posti.fi/muuttoilmoitus (Eai sisafárrenalmmuhusat, mat gáibidit álo persovnnalaš fitnama maistráhtas)

Suomagielat skovit gávdnojit čujuhusas: http://www.dvv.fi/fi/lomakkeet

Bearaš- ja árbevuoigatvuođalaš bálvalusat

  • Náittosvuoigatvuođa eretgeassin (náittossoahpamuša registreren dahje náittosvuoigatvuođa eretgeassimii guoski almmuhusa registreren)
  • Juogadangirjji registreren
  • Árbegirjji osolašlogahallama nannen
  • Skeaŋkaalmmuhusaid registreren
  • Mielguimmiid opmodaga erohallansoahpamuša ja buhtadussii guoski soahpamuša dahje eará áššegirjji registreren
  • Árbbis luohpanalmmuhusa vurken

Ohcamuša ja originála soahpamuša ja kopiija das sáhttá guođđit bálvalančuoggái, gos dat doaimmahuvvo doaibmaválddálaš Digi- ja álbmotdiehtodoaimmahahkii. Suomagielat ohcanskovit ja rávvagat: http://www.dvv.fi/fi/lomakkeet.

Hovdendoaimma ovddugohcinbálvalusat

  • Ovddugohcinfápmudusa nannen ja eretgeassin
  • Vuolleahkásačča ovddugohcima registreren
  • Ohcamuš ovddugohcci mearrideapmái/Almmuhus ovddugohcima dárbbašeaddji olbmos ja vejolaš čuvvosat.
  • Ohcamuš ovddugohcci sadjásačča mearrideapmái
  • Ohcamuš ovddugohcci barggu nohkamis dahje barggus luohpamis
  • Hovdenvuoigatvuođalaš lohpeohcamuš
  • Jahke- ja loahppačilgehusa sihke opmodatlogahallama doaimmaheapmi

Bálvalančuoggis váldá ohcamušaid vuostá ja doaimmaha daid ain doaibmaválddálaš Digi- ja álbmotdiehtodoaimmahahkii.
Suomagielat ohcamušskovit ja rávvagat gávdnojit čujuhusas: http://www.dvv.fi/fi/lomakkeet

Eará Digi- ja álbmotdiehtodoaimmahat diehtu

http://www.dvv.fi (suomagillii)

OKTAVUOĐADIEĐUT

Váldet ovddemužžan oktavuođa njuolga doaibmiiguin. Oktasasbálvalusa bálvalančuoggás sáhtát doaimmahit áššiid dušše, jos vuos šiehtat áiggi telefovnna bokte 040 718 9494 dahje e-poastta bokte yhteispalvelu@utsjoki.fi.

Ohcejogas bálvalančuoggá áššehasrávvejeaddjin doaibmá:

Raimo Länsman
tel. 040 718 9494
raimo.lansman@utsjoki.fi

Bálvalančuoggis lea rabas vu-ga dmu 9-11 ja 12-15.