Girjerádju

Buresboahtin girjerádjui! Ohcejoga gielda fállá buohkaide rabas girjerádjobálvalusaid váldogirjerájus Ohcejoga girkosiiddas ja girjebusses. Váldogirjerádjomet Peđar Jalvi -girjerádju gávdno Ohcejoga girkosiiddas boares skuvlaguovddáža oktavuođas. Unjárgga/Deanu girjebusse vuodjá juohke goalmmát vahku eará giliid bokte Njuorggámis Gáregasnjárgii ja ruovttoluotta. Ohcejoga girjerádju lea oassi Lappi girjerádju -joavkkus. Iežat girjerádjokoarttainat sáhtát várret ja luoikkahit materiála nuvttá maiddái eará Lappi girjerájuin ja geavahit oktasaš elektrovnnalaš materiálaid.

áigeguovdilis áššit

Buot áigeguovdilis dieđut Facebookas.

 

Girjebusse johtilii fas!

Ođasmahttojuvvon áigetávvalat ja ruvttat gávnnat dáppe.

Fuom! Girjebusse johtá dál juohke 3. vahkku, 3 geardde vahkkus.

 

Girjerádju deavdá čakčat 140 jagi!
Buresboahtin girjeráju ávvuvahkuide 1.-9.9.2022. Ávvuvahkuid áigge lágiduvvojit earret eará girječálligalledeamit ja čájáhus girjeráju historjjás, mii bistá olles čakčamánu. Dievasmahttit prográmma geasi áigge.
Háŋke girjerádjodovddaldagaid!
Girjerádjodovddaldagaiguin (girjerádjokoartta nummir ja pin-koda) sáhtát ođasmahttit iežat luoikkahemiid dahje várret materiálaid ja maiddái geavahit Lappi e-girjeráju materiálaid. Girjerádjodovddaldagaid oažžot báikki alde girjerájus dahje telefovnna bokte nummiris 0401810261.

 

Luoikkahuvvon materiálaid sáhttá máhcahit vaikko girjerádju livččiige gitta.

Váldogirjeráju máhcahankássa gávdno boares skuvlaguovddáža feaskáris. Olgouksa lea rabas iđitbeivviid ja vuojádanhálla ja lihkadansále geavahanáiggiin. Maiddái Gáregasnjárggas ja Ohcejogas gávdnojit dál máhcahankássat K-gávppiin. Muitte dárkkistit mearrebeaivvi das go máhcahuvvon materiálat fievrriduvvojit ja máhcahuvvojit váldogirjerádjui.

Vuojádanhálla rabasáiggit

Korona-info

 

girjeráju bálvalusat

Girjerájus gávdno almmolaš čoakkáldagaid lassin viiddis sámečoakkáldat. Lassemateriála sáhttá várret earret eará Roavvenjárgga gávpotgirjerájus ja Suoma sámiid sierragirjeráju viiddes sámečoakkáldagas.

Girjeráju bláđiid lohkansáles leat lohkanláhkai áviissat (Lapin kansa, Inarilainen ja Ávvir) ja áigečállagat maid sáhttá maiddái luoikkahit. Girjerájus lea máŋggadoaimmatmášen mainna sáhttá prentet, skánnet ja kopieret. Dáid lassin áššehasaid várás leat guokte dihtora.

Bláđiid lohkansále oktavuođas lea čájáhussadji, man searvvit ja ovttaskas olbmot sáhttet várret nuvttá.

Girjerádju luoiká maiddái lihkadanrusttegiid! Mis gávdnojit muohtagápmagat, guhkesmátkki skeittát, frisbeegolf-biergasat, ja maiddái valáštallanbiergasat dego lášmmohallansoappit, giehtadeattut, geavjakuvllat ja olu eará.

Muohtagápmagiid luoikkahanáigi lea 1 vahkku. Eará lihkadanrusttegiid luoikkahanáigi lea 1 mánotbadji.

Jus gáibidat veahki girjeráju bálvalusaid geavaheami hárrái, min bargit rávvejit du. Buresboahtin!

 

Lappi girjerádju

Lappi girjerádju fállá nuvttá atnui materiálačoakkáldagaid, neahttamateriálaid, diehtobálvalusa, áššehasdihtoriid ja girjerádjolanjaid. Sáhtát várret materiálaid ja dahkat skáhpponevttohusaid. Materiála gaskkustuvvo maid eará girjerájuin gáiddusluoikkasin.

Fierbmegirjerádju doibme čujuhusas www.lapinkirjasto.finna.fi, jos dus lea geavahusas oppa Lappi girjeráju oktasaš materiáladiehtovuođđu.

 

Lappi girjerádju-joavku

Lappi girjerádjui gullet Eanodaga, Anára, Giemajávrri, Giema, Keminmaa, Gihttela, Kolari, Muonio, Posio, Ranua, Roavvenjárgga, Salla, Simo, Soabbada (Soađegilli, Pelkosenniemi ja Suovvaguoikka), Tervola, Durdnosa, Duortnosleagi (Ylitornio ja Pello) ja Ohcejoga girjerájut (Pedar Jalvi –girjerádju ja girjerádjobiila) sihke joavku museaid ja oahppolágádusaid girjerájut.

 

Geahča maid:

DIGITÁLALAŠ BÁLVALUSAT

Lappi e-girjeráju bálvalusaide beasat čálihit sisa iežat girjerádjodovddaldagaiguin. Buot bálvalusat gávdnojit dáppe.

 

E-GIRJJIT JA E-JIETNAGIRJJIT

Ellibs

E-girjjit ja e-jietnagirjjit suoma-, ruoŧa-, ja eaŋgalasgillii.

Overdrive

E-girjjit ja e-jietnagirjjit eanáš eaŋgalasgillii.

 

E-BLÁĐIT

Emagz

Viiddis áigečálafálaldat suomagillii. Sáhtát logadit ruovttus dahje girjerájus.

ePress

Suopmelaš áviissat lohkanláhkai girjeráju fierpmis girjeráju áššehasdihtoriin dahje iežat rusttegiin.

Pressreader

Áviissat ja áigečállagat miehtá máilmmi. Sáhtát logadit ruovttus dahje girjerájus.

 

VIDEOBÁLVALUSAT

Kirjastokino

Suopmelaš ja olgoriikalaš ealligovat buot ahkásaččaide. Sáhtát geahččat nu olu go hálidat.

Viddla

Suopmelaš ja olgoriikalaš ealligovat buot ahkásaččaide. Bálvalusas sáhttá luoikkahit eanemustá 6 ealligova mánotbadjái.

Medici.tv

Dáiddamusihkka ja báddejuvvon konsearttat.

 

MUSIHKKABÁLVALUSAT

Rockway

Čuojahan- ja lávlunkurssat suomagillii. Kurssaid luoikkahanáigi lea 14 beaivvi. Čuojaheami oahpahit suopmelaš musihkkarat.

Naxos Music Library

Viiddis klassihkalaš musihka striimenbálvalus.

OKTAVUOĐADIEĐUT

Pedar Jalvi girjerádju / Ohcejoga oaivegirjerádju
Ochejotgeaidnu 48 A, 99980 OHCEJOHKA
E-poasta: kirjasto@utsjoki.fi

Girjeráju hoavda
+358 40 181 0260

Luoikkaheapmi
+358 40 181 0261

Girjebusse oktavuođadieđut

RABASÁIGGIT

Ohcejoga oaivegirjerádju lea rabas 1.9.-31.5.

Vuossárga 13-19
Maŋŋebárga 13-19
Gaskavahkku 13-19
Duorastat 13-19
Bearjadat 10-16

Árgabasiid ruohta 9-15

Geasseáigin 1.6.-31.8.

Vuossárga 13-18
Maŋŋebárga 13-18
Gaskavahkku 13-18
Duorastat 13-18
Bearjadat 10-15

Árgabasiid ruohta 9-14

ÁIGEGUOVDILIS ÁŠŠIT