Nuorat

Dán siiddus gávnnat nuoraiddoibmii laktáseaddji áššiid sihke dieđuid nuoraid doaibmalanjaid rabasáiggiin.

NUORAIDDOAIBMA

Nuoraidbargu lea  ovddalgihtii eastadeaddji sosiálabargu, man mihttomearrin lea ovddidit nuoraid oasálašvuođa, ovttaveardásašvuođa ja váikkuhanvejolašvuođaid.

Nuoraiddoaibma fállá jođihuvvon doaimmaid ohcejohkalaš nuoraide juohke gilis, goappašat gielddas hállojuvvon gillii. Nuoraiddoaibma ovttasbargá sierra servviiguin.

Gielddaid nuoraidbargu doarju nuoraidstivrra barggu.

Doaimmain ovddidat nuoraid buorredili ja sin aktiivvalašvuođa. Nuoraiddoaibma arvvosmahttá nuoraid dál ja ráves olmmožin gárrenávnnahisvuođa eallinvuohkái.

  • Nuoraidsajit

    Nuoraidsajiid rabasáiggit

    Ohcci nuoraidbargi deaivvadanláhkái Wørttis

    Bearjadagaid dmu 9 – 17, deaivvadeami ii dárbbaš várret ovddalgihtii.

     

    Gáregasnjárga/gilidállu Sáivu

    Gaskavahku dmu 18 – 20

     

    Njuorggán

    Oktii mánotbajis bearjadagaid

     

    Ohcejohka/Wørtti

    Vuossárgga dmu 18 – 21

    Maŋŋebargga dmu 15 – 17 (5.–6. luohkkálaččaide)

    Maŋŋebargga dmu 18 – 20

    Duorastaga dmu 18 – 21

     

    Daid lassin ohcci nuoraidbargu lágida oktii mánotbajis ovttas searvegotti nuoraidbarguin logahathkásaš nuoraid eahkeda, mas fallet liegga biepmu.

    NUORAIDDOAIBMALATNJA WØRTTI

    Wørtti lea Ohcejohnjálmmi boares skuvlla geažis, ovddeš logahaga sajis.
    Nuoraiddoaibmalatnja Wørtti fállá vejolašvuođa oaidnalit skihpáriiguin, gáfestallat, speallat iešguđetlágan spealuid (biljárda, beavdespábbačiekčan, corona, logiid mielde lávdespealut sihke PS4 ja Xbox One -speallokonsolat), ráhkadit borramuša sihke golahit áiggi nuoraiguin bargi ráves olbmo searvvis oadjebas birrasis.
    Wørtti ii leat rabas skuvllaid luomuid áigge, jos ii nuppe láhkai almmuhuvvo.

  • Ohcci nuoraidbargu

    OHCCI NUORAIDBARGU

    Ohcci nuoraidbargu veahkeha nuora vuollái 29-jahkásaš olbmo addimin dieđuid ja dáidduid čavget oahpuide ja bargoeallimii.

    Ohcci nuoraidbarggi sáhttá mannat deaivat Wørttii maŋŋebarggaid dmu 9 – 17. Deaivvadeami ii dárbbaš várret ovddalgihtii.

    Duorastagaid 18 – 20 nuoraideahkediid Wørttis ordne ohcci nuoraidbargu. Bures boahtin buot vuollel 29 jahkásaš nuorat!

    Lassin ohcci nuoraidbargu lágida oktii mánotbajis ovttas searvegotti nuoraidbarguin logahathkásaš nuoraid eahkeda, mas fallet liegga biepmu.

    Ohcci nuoraidbargu Ohcejoga gielddas

    Ohcci nuoraidbargu lea sierranuoraidbargu, man mihttomearrin  lea dábuhit oppa Ohcejoga gieldda guovllus vuollái 29-jahkásaš nuoraid, geainna ii leat joatkkaskuvlen – dahje bargosadji ja geain vejolaččat leat gaskkalduvvan soahtebálvalus dahje oahput. Nuorain ovttas smiehttat, mii livččii su iežas ášši, maid hálidivččii bargat.

    Ohcci nuoraidbargu fállá nurrii árra doarjaga sihke nanne nuora návccaid beassat eallimis ovddosguovlluid. Ohcci nuoraidbargu ohcá ovttas nuorain čovdosiid nuora váttisvuođaide ja gažaldagaide sihke arvvosmahttá nuora ohcalit daid bálvalusaid ollái, maid son dárbbaša ja hálida. Ohcci nuoraidbargu lea luhtolaš ja nurrii eaktodáhtolaš.

    Doaibma vuolgá johtui das go jođiheaddji ja nuorra deaivvadeaba guovttá gaskan. Oktavuođa sáhttá váldit nuorra, fuolaheaddji dahje skuvla. Nuorra oahpásmuvvá jođiheaddjái ja jođiheaddji nurrii, man boađusin sáhttit hábmet ovttas jurdaga nuora boahtteáiggi birra, lei dal dalle stuđeret ohcan, oahpposoahpamuš dahje bargan.

    Vejolašvuođat leat máŋggat. Go leat hábmen, masa vejolaččat lea beroštupmi, guorahallagoahtit ášši eambbo. Jođiheaddji veahkeha nuora čielggadit iešguđetlágan geavatlaš áššiid. Go nuorra lea báikkis masa son hálida, sutnje doallat oktavuođa ja jearrat mii gullo.

    Váldde roahkkadit oktavuođa ja váldit ovttas vejolašvuođain čielgasa.

  • Ohcejoga NuVa nappo nuoraidráđđi

    Dáppe gávnnat dieđu Ohcejoga nuoraidráđđis.

     

    ULBMIL

    Ohcejoga gieldda nuoraidráđđi lea Ohcejoga nuoraid ovddastusorgána, mii ovdanbuktá nuoraid áššiid ja nuoraid iežaset oaiviliid.  Nuoraidráđđi ovddida oktasašbarggu ee. eará gieldda ja nuoraid doaibmaorgánaid gaskka áššiin, mat guoskkahit nuoraid.

     

    LAHTUT JA DOAIBMAORGÁNAT

    Nuoraidráđđái gullet eanemustá gávcci (8) lahtu, Ohcejohnjálmmi ja Gáregasnjárgga badjeskuvllain ja Ohcejoga sámelogahagas galgá leat válljejuvvon unnimustá okta lahttu. Nuoraidráđđái lea vejolaš válljet maiddái skuvllaid olggobealde vuollel 29-jahkásaš nuoraid geat ásset Ohcejogas.

    Jus nuoraidráđđái válljejuvvon lahttu fárre eará báikegoddái, son ii sáhte šat doaibmat nuoraidráđi lahttun. Jus nuoraidráđđái válljejuvvon ovddasteaddji molsu skuvlla gaskan doaibmabaji, son ii sáhte šat doaibmat álgoálgosaš skuvlla ovddasteaddjin, baicce gažaldat vuloš skuvlla bokte válljejuvvo su sadjái ođđa ovddasteaddji loahppa doaibmabadjái.

    Nuoraidráđđi vállje iežas lahtuin doaibmabadjái ságadoalli, várreságadoalli ja čálli. Asttuáiggečálli bagada nuoraidráđi.

     

    DOAIBMABADJI

    Nuoraidráđi doaibmabadji lea okta jahki. Nuoraidráđđái ohcet ođđa lahtuid jahkásaččat lohkanjagi álggus. Jus nuoraidráđđái hálidit badjel 8 nuora, lahtuid válljet  válggain. Válggat ordnejuvvojit lohkanjagi álggus. Jus nuoraidráđđái bohtet guoros sajit gaskan doaibmabaji, sajit devdojuvvojit nu, ahte juohke skuvllas lea unnimustá okta ovddasteaddji.

     

    ČOAHKKIMAT

    Nuoraidráđđi čoahkkana sullii oktii mánotbajis skuvllaid lohkanjagi áigge. Geasseluomuid áigge eai leat čoahkkimat.

    Čoahkkinbovdehus doaimmahuvvo čieža (7) beaivvi ovdal čoahkkima e-poastta bokte ja nuoraidráđi sosiálamedia jovkui. Nuoraidráđi ságadoalli ja asttuáiggečálli bargaba čoahkkinbovdehusa. Čoahkkinbovdehus doaimmahuvvo diehtun skuvllaid rektoriidda ja čuvgehushoavda-rektorii.

    Čoahkkimiin dollo beavdegirjji.

    Čoahkkimiin mákso 25 euro čoahkkinbálkká, čoahkkima ságadoallái mákso 37,50 euro čoahkkinbálká. Nuoraidráđi čoahkkimiidda ja eará nuoraidráđi doaimmaide gullevaš mátkkiin buhttejuvvojit nuoraidráđi lahtuide mátkegolut gieldda mátkkoštannjuolggadusa mielde.

     

    NUORAIDRÁĐI DOAIBMA

    Nuoraidráđis lea iežas mearreruhta, man geavaheamis dat mearrida. Nuoraidráđđi čállá jahkásaččat doaibmarávvaga.

    Nuoraidráđđi dahká evttohusaid ja álgagiid áššiide, mat gusket nuoraide.

    Nuoraidráđđi vállje iežas ovddasteaddjiid čuvgehuslávdegoddái ja vejolaš eará doaibmaorgánaide maidda sáhttá nammadit ovddasteaddji.

    Nuoraidráđđi ordne jahkásaččat iežas dáhpáhusaid mearreruđaid olis.

    Nuoraidráđđi dieđiha iežas doaimmas nu beaktilit go lea vejolaš.

     

    OHCEJOGA NUORAIDRÁĐI DOAIBMANJUOLGGADUS

OKTAVUOĐADIEĐUT

Nuoraidbarggus vástida asttuáiggečálli
0400 319 852
Luossa 1 A
99980 Ohcejohka/Utsjoki

Ohcci nuoraidbargu / nuoraidbargi
Anni Hyötylä

040 759 1188

anni.hyotyla@utsjoki.fi

Instagram

Ohcejoga nuoraidráđđi 2022

Ságadoalli: Joel Väänänen, joel.vaananen@edu.utsjoki.fi

Várreságadoalli: Ellen Saijets, ellen.saijets@edu.utsjoki.fi

Čálli: Oskari Kontio

Dieđiheaddji: Sandra Kontio

Lahttut:

  • Kasperi Kontio
  • Anne-Káre Länsman
  • Jarre Korpi
  • Lauri Sutinen

Lassedieđuid oaččut lassin asttuáiggečálli bokte, gii doaibmá maiddái nuvaoahpaheadjjin:

kaisa.tapiola-lansman@utsjoki.fi

0400 319 852

Ruovttoluotta

Oahpásmuva maid

Davi Gievrramus -gilvu

Guollebivdu ja gielkávuodjin

Ealligovvateáhter

Olgolihkadan- ja lihkadanbáikkit

Girjerádju

Girjebusse

Áiggeájit

Kulturdoaibma