SOSIÁLABÁLVALUSAT

Sosiála- ja dearvvasvuođadoaimma bargun lea dorvvastit lágas mearriduvvon sosiála- ja dearvvasvuođabálvalusaid, mat dorjot gieldda olbmuid fysalaš, psyhkalaš ja sosiálalaš buresveadjima sihke ovddidit veahkadaga dearvvasvuođa.

HEAKKALAŠ VUOSTTASVEAHKKI AKUHTA KRIISSAIN

Heakkalaš vuosttasveahki joavku (HeA)
Stuorralihkuhisvuođat, lagaža fáhkka jápmin dahje roasmmehuvvan, goasii dilit, main čuovvumušat livčče sáhttán leat katastrofalaččat ja earet eará lossa dilit ožžot áigái olbmui traumáhtalaš dovddareakšuvnna.

HeA-joavku addá háleštanveahki, mas lea vejolašvuohta mannat čađa traumáhtalaš dáhpáhusaid. Hálešteapmi ordnejuvvo vahku siste traumáhtalaš dili maŋŋá ja dat čoahkkana dábálaččat dušše ovtta geardde.

Hálešteapmái váldet oasi dat olbmot, geaid traumáhtalaš dilli lea guoskkahan: bearašlahtut, lagašfuolkkit, bargoskihpárat, lihkuhisvuođabáikkis mielde lean olbmot jna.

Oktavuođaváldimat virgeáigge dearvvasvuođaguovddážii 040-1810285 ja eará áigge seaŋgaossodat 040-181 0281. Dáppe diehtu gaskkustuvvo skuvlejuvvon kriisa bargiide, geat váldet oktavuođa maiddái vahkuloahpaid.

EKONOMALAŠ- JA VEALGERÁVVEN

Ekonomalaš- ja vealgerávven sirdašuvai jagi 2019 álggus riekteveahkkedoaimmahagaid ordnema vulošin.

Ohcejoga vuostáváldin

Riekteveahki ja ekonomalaš- ja vealgerávvema vuostáváldin doibme dušše áigevárremiin.

Ekonomalaš – ja vealgerávvema telefonbálvalus 029 566 1567 árgabeivviid dmu 8.00 – 16.15, telefonrávvenáigi vu-be dmu 9.00 – 11.00 ja 13.00 – 15.00.

Ekonomalaš – ja vealgerávvema šleađgaboasta lappi.velkaneuvonta(at)oikeus.fi

SOSIÁLA – JA KRIISAGOHCIN

SOSIÁLAGOHCIN vástida hohpolaš sosiálaveahki diliide tel. 040-701 4440.   Sosiálagohcimii sáhttá riŋget maiddái virgeáiggi maŋŋá dmu 16-08 ja vahkuloahpaid dakkár diliin, mat eai sáhte vuordit čuovvovaš árgabeaivái.

Sosiálagohcima hohpolaš barggut leat ee.:

–       fáhkka ja vuordemeahttun kriisadilit

–        mánná báhcá almmá áššálaš divššu dahje lea gárihuvvan olbmo searvvis dahje divššus

–        agivuloš rihkusdahkkin dahje gárihuvvan

–        boarrásiid/doaibmahehttejuvvon olbmuid ruovttus birgen

–        eará sosiálalaš heađi dilit, main dárbbaša dalán sosiálabarggu

Ii-hohpolaš diliin sáhttá áššiid dikšut árgabeivviid telefongohcináigge sosiálabargiiguin t. 040 577 7045.

Heahtenummirii 112 riŋgejuvvo dalle, go deaivvat heahtedili, mas dárbbašat hohpolaččat omd. polesa, ambulánssa dahje čáskadangotti báikki ala.

Sámiid kriisa- ja inseastaguovddáš

telefonnummir 990 47 78 46 70 88
Kárášjohka

Rabas juohke beaivve birra jándora.
Kárášjoga kriisa- ja inseastaguovddáš Kárášjogas bálvala sáme-, dáro- ja suomagielagiid. Kriisaguovddáš veahkeha nissoniid, geat leat gártan veahkaválddi čuozáhahkan. Guovddáš fállá háleštanveahki ja nissonat ja mánát sáhttet idjadit kriisaguovddážis.

ÁIGÁIBOAHTINDOARJJA

Áigáiboahtindoarjja lea sosiálafuolahussii gullevaš máŋimussaji ekonomalaš doarjja, man ulbmilin lea dorvvastit olbmo ja bearraša áigáiboađu ja ovddidit iehčanas birgema. Vuođđoáigáiboahtindoarjja ohccojuvvo Kelas neahta bokte dahje báberskoviin. Báber ohcamušskoviid fidne oktasašbálvalanbáikkis. Sosiálabargi mieđihan vihkkedallanvuloš  dievasmahtti ja eastadeaddji áigáiboahtindoarjaga  sáhttá ohcat Kela vuođđoáigáiboahtindoarjjaohcamuša oktavuođas registreremiin ”lassidieđut”–čuoggái dieđuid ohcamuša sisdoalus ja dan maŋŋá Kela sirdá ohcamuša gieldda sosiáladoaimma gieđahallamii. Dievasmahtti ja eastadeaddji áigáiboahtindoarjaga sáhttá ohcat maiddái njuolgga sosiáladoaimmas  njálmmálaččat dahje báber skoviin.

Lassidieđuid sosiálabargis tel. 040 577 7045, sosiálajođiheaddjis tel. 040 676 5004 dahje sosiáladoaimma kanslisttas tel. 040 181 0269.

Täydentävän ja ehkäisevän toimeentulotuen hakemus (pdf)

Toimeentulotuen soveltamisohjeet.pdf