Čatnagasvuođaalmmuhusat

Dán siiddus muitaluvvo čatnagasvuođaalmmuhusaid muddemis sihke dasa laktáseaddji almmuhangeatnegasvuođas gielddas.

Gieldalága mielde gieldda dihto luohttámušolbmot ja virgeolbmot galget almmuhit almmolaččat čatnagasvuođaineaset.

Čatnagasvuođaalmmuhusaid guoski muddema oaivilin lea gieldda mearrádusdahkama rabasvuođa ja čađačuovgivuođa ovddideapmi. Almmuhangeatnegasvuohta guoská dušše áššáiosolaš luohttámušolbmo dahje virgeolbmo iežas čatnagasvuođaid, geatnegasvuohta ii nappo guoskka lagašolbmuid lahttovuođaid dahje oamasteami.

Almmuhangeatnegas luohttámušolbmot leat:

  • Gielddaráđđehusa lahtut ja várrelahtut
  • Gielddastivrra ságadoalli ja várreságadoallit
  • Lávdegottiid ságadoallit ja várreságadoallit
  • Eanageavahan- ja huksenlága oaivvildan bargguid dikšu doaibmaorgána lahtut ja várrelahtut
  • Guovddášválgalávdegotti ságadoalli, várreságadoalli ja lávdegotti áššemeannudeaddji
  • Válgalávdegotti ságadoalli, várreságadoalli ja lávdegotti áššemeannudeaddji
  • Juhkosiid ságadoallit ja várreságadoallit

Almmuhangeatnegas virgeolbmot leat:

  • Gielddahoavda
  • Doaibmasurggiid hoavddat ja várreolbmot
  • Juhkosiid áššemeannudeaddjit

Dárkkistanlávdegoddi bearráigeahččá almmuhangeatnegasvuođa čuovvuma ja doalvu almmuhusaid váldostivrii diehtun. Čatnagasvuođaregisttar almmustahttojuvvo almmolaš diehtofierpmis, jos ii čuovo čiegusindoallama guoski njuolggadusain eará.

https://sidonnaisuusilmoitukset.projecttop.net/?21aad15c-8faa-45b6-96c3-54629327cf33