Boađe gielddahoavdan Ohcejohkii!

24.11.2021

Mii ohcat gielddahoavdda Ohcejohkii, Suoma ja Eurohpa uniovnna davimuš gildii doaisttážii fámus orru virgegaskavuhtii.

Ohcejohka lea sápmelaš árbevieruid gudnejahtti ja roahkkadit boahttevuhtii siktejeaddji sullii 1200 olbmo gielda. Gieldda golmma gilis buvttaduvvojit bálvalusat sihke sáme- ja suomagillii. Giliguovddážiidda leat gieskat investerejuvvon ođđa, dearvvas skuvla-máŋggadoaimmadálut. Ohcejohka lea beakkán luondduealáhusaidis, riikkaidgaskasaš ealáhusdoaimmaidis sihke kultuvra- ja luondduturismabálvalusaidis dáfus.

Nana sámekultuvra ja ealas sámegiella leat gieldamet erenoamášiešvuohta. Ohcejohka lea Norgga rádjariika ja oktasašbargu dáža rádjagielddaiguin leage midjiide dehalaš ášši.

Mii eaktudat gielddahoavddasteamet heivvolaš allaskuvladutkosa. Mii atnit árvvus gielddahálddahusa ja -ekonomiija máhtu sihke geavatlaš hárjánumi stivrenbargguin. Mii atnit árvvus maid oktasašbargodáiddu, buriid gulahallandáidduid sihke servodatgaskavuođaid. Sámegiela dáidu ja sámekultuvrra dovdamuš gehččojuvvo ohccái erenoamáš ánsun.

Ohcamušaid oktan bálkásávaldagaiguin galgá doaimmahit Kuntarekry bokte 31.12.2021 dmu 15.00 rádjai.

Virggis lea guđa mánotbaji geahččalanáigi. Virgái válljejuvvon galgá ovdanbuktit ovdal virggi vuostáváldima dohkkehahtti doaktárduođaštusa dearvvasvuođadilistis.

Sávvat ahte virgái válljejuvvon álggaha barggu vejolašvuođaid mielde guovvamánu 2022 áigge.

Lassedieđuid addet:

Uula Tapiola, gielddastivrra ságadoalli
tel. 0400 902 840
uula.tapiola@utsjoki.fi

Väinö Guttorm, gielddaráđđehusa ságadoalli
tel. 040 503 1574
vaino.guttorm@utsjoki.fi

Vuokko Tieva-Niittyvuopio, gielddahoavda
tel. 0400 933 754
vuokko.tieva-niittyvuopio@utsjoki.fi


Eará ođđasat