Giddodatdikšu/ dálualbmá doaibma

Ohcejoga gieldda teknihkalaš lávdegoddi almmuha rabas giddodatdikšu/ dálualbmá doaimma doaisttážii fámus orru bargogaskavuhtii. Doaibma devdojuvvo maŋimustá 1.11.2021 rájes.

Giddodatdikšu/ dálualbmá bargguide gullet ee. Ohcejoga gieldda ja Kiinteistö Oy Ringinvatro giddodagaid ja guovlluid fuolahus- ja ortnegisdoallanbarggut Njuorggámis ja dárbbu mielde Ohcejoga girkosiiddas.

Doibmii válljejuvvon olbmos gáibiduvvo heivvolaš skuvlejupmi dahje ámmátdutkkus dahje doarvái bargohárjánupmi dán suorggis. Bálvalanmiela lassin atnit árvvus erenoamážit iešráđálašvuođa, daningo barggustat gárttat doibmet váldoáššis okto.

Barggu dikšun eaktuda B-vuodjinkoartta ja iežas biilla geavahanvejolašvuođa ja Njuorggámis orruma. Sámegiela máhttu gehččojuvvo erenoamáš ánsun.

Doaimma bargoáigi lea 38,25 h/vku. Bálká mearrašuvvá GVBES mielde. Doibmii válljejuvvon galgá ovdal barggu vuostáváldima ovdanbuktit dohkálaš doaktárduođaštusa dearvvasvuođadilistis. Doaimmas lea 4 mb geahččalanáiggi.

Ohcamušaid bivdit sáddet 19.10.2021 dmu 15:00 rádjai ovdasajis elektrovnnalaččat Kuntarekry-vuogádaga bokte www.kuntarekry.fi. Juos elektrovnnalaš ohcamuš ii leat vejolaš, sáhttá ohcamuša oktan oahppo- ja bargoduođaštusaiguin sáddet boastta bokte: Utsjoen kunta, tekninen toimi, PL 41, 99981 UTSJOKI dahje šleađgaboasttain tekninen@utsjoki.fi.

Lassedieđut: Vd. Giddodathoavda Markku Porsanger t. 0400 158 561, email tekninen@utsjoki.fi


Eará ođđasat