Koronapandemiija dálá ávžžuhusat ja ráddjehusat Ohcejogas

Beaiváduvvon 8.4.2021.

Dán siiddus oainnát koronavirusepidemiija dihte Ohcejoga gildii addojuvvon dálá ráddjehusaid, ávžžuhusaid ja rávvagiid.

Ohcejoga koronadilli lea ráfálaš, ja gielddas leamašan njoammun maŋimuš juovlamánus. Ráddjehusaiguin ja ávžžuhusaiguin lea ulbmil ovddalgihtii eastit ođđa njoammumiid.

Čoahkkananráddjehus

Ohcejogas lea fámus guđa (6) heakka čoahkkananráddjehus 11.4. rádjai ja 20 heakka čoahkkananráddjehus 12.4.–11.5. Lappi guovlohálddahusdoaimmahat gieldá buot almmolaš dilálašvuođaid ja čoahkkimiid, mat dollojuvvojit jogo olgun dahje siste, ja maidda oassálastet badjel 20 heakka.

Guovlohálddahusdoaimmahaga neahttasiiddus sáhttá geahččat, makkár almmolaš dilálašvuođaid ja čoahkkanemiid dát mearrádus guoská. Mearrádus ii guoskka ovdamearkka dihte mánáid ja nuoraid asttuáiggedoaimmaid dahje sosiála- ja dearvvasvuođafuolahusa veajuidahtti joavkodoaimmaid. Mearrádus guoská earret eará konsearttaid, teáhter- ja filbmateáhterčájáhusaid, rabas skuvlejumiid ja semináraid, ja falástallandáhpáhusaid, main leat geahččit.

Jos smiehtat, guoskágo mearrádus du ordnen doaimma, sáhtát váldit oktavuođa AVI koronainfoi.

Rájiid koronatestemat

Lappi guovlohálddahusdoaimmahat lea mearridan, ahte buot riikii boahtti olbmuide galgá ordnet dearvvasvuođadárkkistemiid Lappi rádjerasttildanbáikkiin 30.4. rádjai.

Ohcejoga gielda muitala dárkkistemiid geavatlaš ordnemiin dárkilabbot rádjerasttildanbáikkiin.

Eará ávžžuhusat ja rávvagat

Lassin Ohcejoga gielda ávžžuha:

  • garvit maiddái badjel 20 heakka priváhta dilálašvuođaid ja čoahkkanemiid 11.5. rádjai.
  • viidát gáiddusbarggu buot bargosajiide, main dat lea vejolaš.
  • ámadadjomáskka geavaheami buot badjel 12-jahkásaččaide siste dalle, go ii leat vejolaš doallat dorvogaskkaid. Ámadadjomáskaávžžuhus lea fámus earret eará badjeskuvllain ja logahagas, gávppiin, restoráŋŋain ja joavkojohtolagas.
  • , ahte Lappi buohccedikšunbiirre rájáid rasttildeaddji falástallan- ja lihkadandáhpáhusat eai ordnejuvvo 24.4. rádjai.

Gielda muittuha maiddái dáid vuođđorávvagiin:

Gávnnat lasi dieđuid guovllu koronavirusdilis ja Ohcejoga koronatestemiin ja -boahkohemiin gieldda koronasiiddus.


Muita uutisia