Ohcejoga ráhkadusnuppástusa koordinerenprojeakta – Ođđa boahtteáiggi govva Ohcejoga fitnodateallimii

Projeavtta mihttomearrin lea doalvut ovddos Ohcejoga ráhkadusnuppástusa oktilaš ollisvuohtan ja dahkat Ohcejoga fitnodateallimii ođđa boahtteáiggi gova, man guvlui ovdánat ođđa projeavttaid  sihke eará doaibmabijuid bokte.

Projeakta joatká AKKE-ruhtadan ÄRM álggahanprojeavtta Ohcejogas -projeavtta barggu. Mihttomearrin lea ovddidit ođđa fitnodatdoaimma šaddama, mas nana fierpmádatoktasašbarggus ja diehtojuohkimis lea mearkkašahtti rolla. Ođđa fitnodatdoaimmain oaivvilduvvojit fitnodagat mat leat, daid doaimma ođđasis ordnen sihke maid ođđa fitnodatdoaimma fitnašuvvan.

Projeavttas ođasmahttojuvvo ráhkadusnuppástussii laktáseaddji plána, plánejuvvojit ja johtui biddjojit projeavttat, dahkat viiddis fierpmádatoktasašbargguin ođđa boahtteáigge gova Ohcejoga eallinvuoimmálašvuođas. Lassin juohkit dieđu nuppástusas ja ođđa vejolašvuođain ovddidemiin guovllu imago ja ollašuhttimiin guovllu márkanastima gieldda kanálain ja oktasašbarggus mediain.

Projeavtta doaibmabijut

  1. Dahkat ođđa fierpmádatoktasašbargguin ođđa boahtteáigge gova Ohcejoga eallinvuoimmálašvuođas
  2. Koordineret ráhkadusnuppástusollisvuhtii laktáseaddji projeavttaid.
  3. Ođasmahttit ráhkadusnuppástussii laktáseaddji plána, plánet ja bidjat johtui projeavttaid.
  4. Juohkit dieđu nuppástusas ja ođđa vejolašvuođain. Ovddidat guovllu imago vástidit nuppástusa ja ollašuhttit oppa guovllu márkanastima gieldda kanálain ja oktasašbarggus mediain.

Projeavtta ruhtadeapmi ja ollašuhttináigi

Projeavtta ollesbušeahtta lea 117 863 euro ja dan lea mieđihan Lapin Liitto AKKE ruhtademiin. Projeakta ollašuhtto 1.5.2022–31.12.2023 áigge, ja projeavttas bargá projeaktahoavda 100 % bargomeriin.

Utsjoen matkailun maankäyttösuunnitelma –hanke