uYritys - Ohcejoga eallinfámolaš fitnodagat ja bargoveahka

uYritys – Ohcejoga eallinfámolaš fitnodagat ja bargoveahka projeavtta váldoulbmilin lea ovddidit fitnodagaid čehppodaga, bargoburesveadjima sihke fierpmáiduvvama.

Korona sihke luossabivdogildosa dagahan váikkuhusat Ohcejoga gieldda fitnodatdoalliide leat leamaš stuorrát ja nuppástusdilli ja doaibmabirrasa nuppástusat leat geahččaladdan fitnodagaid ja daid bargoveaga návccaid vuogáiduvvat ja sajáiduvvat nuppástusaide. Projeavtta ulbmilin leage, ahte báikkálaš fitnodatdoallit sihke fitnodagaid bargit ožžot doarjaga sin jotkkolaš čehppodaga ovddideamis nu, ahte sidjiide šaddá njuovžilis máhttu vuogáiduvvat ja sajáiduvvat ráhkadusnuppástussii ja čuozihit doaimma ođđa doaibmabirrasa dárbbuid ja vejolašvuođaid mielde. Dasa lassin guovllu eallinfámolašvuohta ovddiduvvo doarjumiin maiddái ođđa fitnodatdoaimma doaibmavejolašvuođaid čehppodaga ovddideami ja geasuhan- ja bisuhanfámu perspektiivvain.

Projeavttas ovdánahtto bálvalusbálggis, mii dahká vejolažžan fitnodatdoalliide sihke sin bargiide oahpisteami, rávvema, skuvlema sihke dieđu sierralágan čehppodaga ovddidanvejolašvuođain. Bálvalusbálgá ovddidit lagaš oktasašbarggus guovllu oahppolágádusaiguin ja fitnodatbálvalusdoaibmiiguin. Bálvalusbálggis doaibmá máŋggabealat doarjjafierpmádahkan sihke vuođđun fitnodatdoalliid čehppodaga ovddideamis, sihke iešguđetlágan skuvlenvejolašvuođaid gaskkusteaddjin.

Projeavtta doaibmabijut

Projeavtta doaibmabijut leat juhkkon projeavtta doaibmabidjooppalašvuođaid mielde, mat leat čuovvovaččat;

1– Fitnodatforum – fitnodagaid jođiheami ovddideapmi nuppástusdilis fierpmádatoktasašbargguin
2– Čeahpes bargofápmu -rekryteremii laktáseaddji čehppodat ja bargofámu čehppodaga ovddideapmi
3– Bargoburesveadjin -bargoburesveadjinjođiheapmi sihke konkrehtalaš veahkkeneavvut bargoburesveadjima ovddideapmái
4– Bálvalusbálgá hábmen doarjut čehppodaga ovddideami ja bargofámu fitnašuvvama.
5– Gulahallan ja dieđiheapmi -projeavtta temáide guoski dieđu juohkin, bargofámu rekryteremii guoski gulahallančehppodaga ovddideapmi sihke projeavtta siskkáldas dieđiheapmi

 

Projeavtta ruhtadeapmi ja ollašuhttináigi

Projeavtta ollesbušeahtta lea 231 183 euro, ja dan lea juolludan ELY guovddáš, ESR. Projeakta álggahuvvo nu jođánit go vejolaš ja dat nohká 31.8.2023. Projeavttas bargaba projeaktahoavda 100%, dieđiheaddji 75%.

uYritys - Utsjoen elinvoimaiset yritykset ja henkilöstö 1.4.2022 - 31.10.2023Lämpimästi tervetuloa Utsjoen alueen yrittäjille suunnattuun rekrytointikoulutukseen!

uYritys - Utsjoen elinvoimaiset yritykset ja henkilöstö 1.4.2022 - 31.10.2023 1