Ealligovvariekkis Davvenásti

Buresboahtin mielde Ohcejoga ealligovvarieggái! Ealligovvariekkis čoahkkana vahkkosaččat, ealligovvariekkis fuolaha ealligovvačuvgehusastat nu sámeealligovaid go earáge ealligovaid ektui. Geahččat álo duorastagaid ealligova eahketčieža rájes Davvenásti doaibmasajis Áilegasdálu máttaoasis.

Ealligovaid gaskaboddosaš čájáhusáigetávvalat, čájáhusbáikin Davvenásti doaibmasadji ja čájáhusáigi duorastat dmu 19.00. Fuom! Áigetávvaliidda ja muđuige repertuárai sáhttet boahtit nuppástusat. Ealligovaid čájáhusáiggiid sáhttá dárkkistit Ohcejoga gieldda dáhpáhuskaleandaris.

Ealligovvarieggá giđa ealligovat:

du 12.2. dii. 19
E.T. K-7
E.T. lea gomuvuođa sivdnádus, gii lea gártan eatnamii. Čiehkádansaji ozadettiin son deaivá muhtin amerihkálaš bearraša šilljui. Bearraša bárdni gávdná sivdnádusa ja doalvu su ruoktosis.

19.2. dii. 19
Barbie K-7
Identitehtakriisii dohppehallan Barbie vuolgá tuvrii olgomáilbmái, gos sutnje čielgá makkár hástalusaiguin dábálaš nissonolbmot – ja Kenat – heibot.

5.3. dii. 19
Nightmare Alley K-16
Beakkánis neavttárat njunušbagadalli gelddolaš drámás, mii muitala karismáhtalaš skealmmas, guhte meedio vehkiin gikcu tivolieallima bodnemođiin New Yorka riggáid máilbmái.

12.3. dii. 19
Avatar K-12
Avatar doalvu min Pandora máilbmái, gosa muhtin almmái vuolgá fearániid ja ráhkisvuođa mátkái ja gos son loahpa loahpas dáistala gádjut báikki, mii lea šaddagoahtán su ruoktun.

19.3. dii. 19
Avatar: The way of water K-12
Avatar: The Way of Water -ealligova dáhpáhusat deivet logi jagi vuosttas ealligova maŋŋá ja muitala Sully bearraša (Jake, Neytiri ja sudno mánáid) muitalusa, váttisvuođain mat šaddet go sii leat gárvásat suodjalit nuppiidasaset, bissut heakkas ja tragediijain maid sii vásihit.

26.3. dii. 19
Avain pakoon K-12
Olmmošgoddima botnjet báŋkoeaiggát Andy Dufresne sivvan ja son álggahan ođđa eallima Shawshank giddagasas. Vehážiid mielde Andy čatná nana ustitvuođa nuppiin fáŋggain.

2.4. dii. 19
Les Misérables K-12
Ovddeš fáŋga Jean Valjean iská hukset ođđa fiinna ja ráfálaš eallima, muhto dovdduhis poleskomissára oaguha su.

9.4. dii. 19
Everything everywhere all at once K-16
Čieža Oscar-bálkkašumi vuoitán fearánastinkomedia gaskaahkásaš kiinnálaš sisafárrejeaddjinissona birra, guhte galggašii gádjut máilmmi ja bearrašis nu ahte lea juohke báikkis oktanaga.

16.4. dii. 19
Parasite K-16
Njeallje Oscar- ja Cannes Golle Pálbma -bálkkašumi vuoitán ealligovas geafes Kim klána fille iežas rikkes Park bearraša bálvaleaddjin, go doivot buoret eallima alcceseaset. Áššit eai lihkká manage nugo galggai ja buot šaddá váttis ja mohkkái.

30.4. dii. 19
Back to the future K-12
Jagi 1985 vuosttasčájáhusa ožžon Máhccan boahtteáigái oahpásmuhtii gehččiid Marty McFlyniin – californialaš smávvagávpoga nuorain, guhte vahágis njuike vássán áigái jahkái 1955 erenomáš ustibis Doc Brown hutkan, plutoniumin doaibmi De Lorean fárus.

Ealligovaid sáhttá maid evttohit rieggá jođiheaddjái Kaisai, ja vejolašvuođaid mielde sávaldagaid ollašuhttit. Ohcejoga gielddas lea fámus Ealligovat maidda lea liseansa sáhttá ohcat dáppe: https://elokuvalisenssi.fi/elokuvat/

Rieggá jahkemáksu lea 30 euro, dan sáhttá máksit báikki alde jogo goarttain dahje reaida. Sáhtát maid oassálastit rieggá doibmii geahččamen dušše ovtta dahje muhtin ealligova. Ovtta čájáhusa haddi lea 4 euro.

Álggat ealligovaid áiggeádjin ja boađe mielde Ohcejoga ealligovvarieggái!

Lassedieđut:

Kaisa Tapiola-Länsman
asttuáiggečálli
0400 319 852
kaisa.tapiola-lansman@utsjoki.fi