Čáhce-, energiija- ja bázahusfuolahus

ohcejoga BÁZAHUSFUOLAHUS

Giddodagaid bázahusaid čoaggin

Ohcejoga gielda vástida earret eará fásta orrunviesuid, luopmoviesuid ja almmoshálddahuslaš giddodagaid bázahusfuolahusas ja boaldindohkálaš bázahusa čoaggimis.

Jagi 2023 bázahusat gurrejuvvojit bárahis vahkuid.

Fitnodagat ja servošat vástidit ieža bázahusfuolahusaset ordnemis ja dan goasttádusain. Fitnodagaid bázahusat ja bázahusfuolahus eai gula gieldda ovddasvástádussii. Fitnodagaid bázahusfuolahusa doaibmama bearráigeahčus vástida birassuodjaluseiseváldi.

Sirdinlásten- ja ávkebázahusstašuvdna

Ohcejoga gieldda sirdinlásten- ja ávkebázahusbáiki (Sullamintie 151, Ohcejoga girkosiida) lea rabas bárahis vahkuid maŋŋebárggaid dmu 15–19.

Stašuvnnas váldet vuostá earret eará boaldindohkálaš bázahusaid, ruskabáikebázahusaid, muorra- ja pláhtabázahusaid, metállabázahusaid, gallehuvvon muora, elerusttegiid, váralaš bázahusaid, šaddogárdebázahusaid ja biilarieggáid.

Rinki-ekočuoggát

Rinki Oy ekočuoggáide sáhttá doalvut ođahanláhkai kártoŋŋa-, lássa- ja plastihkkapakeahtaid ja smávvametálla. Ekočuoggáid čujuhusat:

  • Miessipolku 1, Ohcejohka
  • Tenontörmä 16, Njuorggán
  • K-Market Karigasniemi, Ylätenontie 24, Gáregasnjárga

Oainnát guđege ekočuoggá bázahusšlájaid ja gurrenáiggiid neahttasiiddus rinkiin.fi.

Bázahusfuolahusa hattit

Bázahusfuolahusa rávvagat ja mearrádusat

 

Eambbo dieđuid Ohcejoga gieldda guovllu bázahusfuolahusas gávnnat earret eará Árktalaš Lappi birassuodjalusa neahttasiiddus.

ohcejoga Čáhce- ja energiijafuolahus

Ohcejoga gieldda guovllu čáhcefuolahusas, šleađggasirdimis ja gáidduslieggasis vástida čáhce- ja energiijafitnodat Inergia Oy.

Teknihkalaš doaimmahaga oktavuođaolbmot

Bázahusfuolahusa fievrrideapmái laktáseaddji oktavuođaváldimat:

Markku Porsanger
Huksendárkkisteaddji
markku.porsanger@utsjoki.fi
+358 400 158 561

Bázahusfuolahusmávssuid bearramii laktáseaddji oktavuođaváldimat:

Heidi Keskitalo
Kanslista
heidi.keskitalo@utsjoki.fi
+358 40 181 0264