Ohcejoga rávesolbmuidskuvla fállá friijaulbmillaš skuvlema ja iešguđetlágan kurssaid buotahkásaččaide sihke Gáregasnjárgga, Njuorggáma ja Ohcejoga girkosiidda guovlluin. Buresboahtin oahppat ja virkkosmuvvat!
kursafálaldat ja almmuheapmi
Oainnát Ohcejoga rávesolbmuidskuvlla áigeguovdilis kursafálaldaga HelleWis. Sáhtát almmuhit iežat kurssaide Hellewis dahje šleađgapoasttain/telefovnnain čuvgehusdoaimma kanslistii.
Oahppojoavkkuide galgá almmuhit iežas golbma (3) beaivvi ovdal kurssa álginbeaivvi ja oanehiskurssaide dan beaivemeari rádjai, mii oidno almmuhusas. Oahppojoavkkuid deavdit almmuhanortnegis.
Álgi oahppojoavkku unnimus sturrodat lea golbma (3) oahppi, jos earás ii leat šihttojuvvon. Jos mannu kursii almmuhemiid vuođul eai leat doarvái oahppit, kursa šluhttejuvvo ja dušše olbmuide, geat leat iežaset kursii almmuhan, almmuhuvvo persovnnalaččat. Jos kurssas leat golmma (3) maŋŋálas háve vuollel golbma (3) oassálasti, kursa nohká.
doaibma
Rávesolbmuidskuvlla kurssat fállet dilálašvuođa oahppat ja virkkosmuvvat. Kurssaide oassálastin lea rabas buohkaide. Ohcejogas hálidat doarjut gieldda olbmuid oassálastinvejolašvuođaid rávesolbmuidskuvlla doaimmaide doallamin kursamávssuid vuollegažžan ja joavkkuid gáibiduvvon oasseváldilogu unnin.
Rávesolbmuidskuvllas lea doaibma Ohcejogas, Gáregasnjárggas ja Njuorggámis. Dieđu rávesolbmuidskuvlla fálus oažžu ruovttuide juhkkojuvvon dieđáhusas ja Hellewis. Gaskan lohkanjagi álgi kurssaid ja rávesolbmuidskuvlla lágidan dáhpáhusaid birra almmuhuvvo Ohcejoga gieldda neahttasiidduin, Facebook-siiddus ja Inarilainen-aviissas.
Ođđa ideat ja kursasávaldagat leat liggosit buresboahtán miehtá jagi! Sáhtát almmuhit iežat sávaldagaid čuvgehusdoaimma kanslistii.
Kursamávssut
Oahppiid kursamávssut:
- Kurssat vuollái 20 d, kursamáksu 15 €, ealáhatolbmot ja skuvllalaččat 10 €
- Kurssat 21-30 d, kursamáksu 25 €, ealáhatolbmot ja skuvllalaččat 12,50 €
- Kurssat 31-40 d, kursamáksu 30 €, ealáhatolbmot ja skuvllalaččat 15 €
- Kurssat 41 d-, kursamáksu 40 €, ealáhatolbmot ja skuvllalaččat 20 €
Erenomáškurssat (oastobálvalussan gieldda olggobealde skáhppojuvvon kurssat, dego vuosttasveahkkekurssat (EA), diehtoteknihka kurssat jna.) hattit mearrašuvvet sierra iešguđege kurssa goluid mielde. Kursamávssuid mearrida rávesolbmuidskuvlla rektor.
Oahppagirjjit ja eará materiálat eai gula kursamáksui, muhto oahppit mákset daid ieža.
Rávesolbmuidskuvlla oktavuođadieđut
Laura Niittyvuopio-Valle
Rektor
laura.niittyvuopio-valle@edu.utsjoki.fi
+358 40 766 5765
Maritta Lukkari
Čuvgehusdoaimma kanslista
maritta.lukkari@utsjoki.fi
+358 40 809 7466