Fárre davás ássat ja bargat – oahppoloatnabuhtadus daidda, geat leat aiddo geargan oahpuiguin
Golmmajahkásaš oahppoloatnabuhtadusiskkadallama mihttomearrin lea hohkahallat nuorra rávesolbmuid álggahit bargokarriera Davvi-Lappi guovllus.
Leatgo válmmaštuvvan moatte maŋimus jagi áigge ámmátoahpuin dahje allaskuvllas? Leago dus oahppoloatna? Dál gánnáha ohcat barggu ja fárret davás, dasgo Soađegili, Anára ja Ohcejoga gielddat mieđihit oahppoloatnabuhtadusa daidda, geat leat aiddo geargan ámmát- dahje allaskuvllas.
Sáhtát oažžut buhtadusa, jos fárret masa nu Davvi-Lappi gielddain ja oaččot barggu válmmaštuvvama maŋŋá. Golmmajahkásaš iskkadallama mihttomearrin lea hohkahallat nuorra rávesolbmuid álggahit bargokarriera Davvi-Lappi guovllus. Oahppoloatnabuhtadusiskkadallama lea válmmaštallan Davvi-Lappi guovloovttasbarggu gieldaovttastupmi ovttas gielddaiguin.
Oahppoloatnabuhtadusa sáhttá ohcat ohcanskoviin, mii lea vulobealde. Oahpásmuva fuolalaččat maiddái ohcaneavttuide (čuovusin) ovdal ohcamuša deavdima.
Mo ja makkár dilis sáhtán ohcat oahppoloana buhtadusa?
Buhtadusa sáhttá mieđihit, jos don leat aiddo geargan oahpuiguin dahje geargan oahpuiguin eanemustá guokte jagi ovdal vuosttas oahppoloatnabuhtadusa ohcanáigodaga ja dus lea oahppoloatna nuppi dási ámmátlaš dutkosis, ámmátallaskuvla- dahje universitehtadutkosis. Don galggat fárret Soađegillái, Anárii dahje Ohcejohkii, dahje leat sáhttán juo ássat mas nu dáin gielddain eanemustá guokte jagi. Maiddái barggu čađahanbáiki dahje gáiddusbargočuokkis galgá leat mas nu dáin gielddain, mat leat mielde iskkadallamis.
Gánnáha maid váldit vuhtii, ahte sáhtát oažžut buhtadusa rádjagalledeaddjin, jos jođát barggus Norgga bealde. Dalle eavttuide heivvolaš ássangieldan gehččojuvvojit Norgga ránnjágielddat Anár ja Ohcejohka.
Ráva oanehaččat: Iskkadallamii sáhtát beassat, go dus lea oahppoloatna, don leat Soađegili, Anára dahje Ohcejoga gieldda ássi, dus lea bargogaskavuohta dahje doaimmat fitnodatdoallin. Buhtadussii vuoigadahttá 12 mánotbaji barganáigodat uhcimustá 50 % bargoáiggiin dahje fitnodatdoallin.
Ohcamušat gieđahallojit vuosttas geardde ođđajagimánus 2027. Buhtadus máksojuvvo eanemustá golbma jagi, 12 mánotbaji áigodagain. Máksu mieđihuvvo máhccevaččat ja guhtege 12 mánotbaji buhtadusa berre ohcat sierra. Oahppoloatnabuhtadus sáhttá leat eanemustá 5 800 euro.
Luđe fiillaid
Oahppoloatnabuhtadusa eavttut (fi)
Oahppoloatnabuhtadusa ohcanskovvi (fi)
Lassediehtu
Ovddidanjođiheaddji Veli-Matti Ruotsalainen
040 350 8654
veli-matti.ruotsalainen@utsjoki.fi