birassuodjalus
Soađegili gielda vástida Soađegili, Anára, Muoná, Eanodaga ja Ohcejoga gielddaid birassuodjaluseiseválddi bargguin. Birassuodjaluseiseválddi bargun lea bearráigeahččat ja ovddidit birassuodjalusa.
Sáhtát oahpásmuvvat birassuodjalussii čujuhusas www.arktisenlapinys.fi.
Ohcejoga gieldda birassuodjalusmearrádusaid gávnnat dákko.
birasdearvvasvuođafuolahus
Anára gieldda birasovttadat vástida Anára ja Ohcejoga gielddaid birasdearvvasvuođafuolahusa eiseváldebargguin.
Birasovttadaga doaimma ulbmilin lea sihkkarastit Anára ja Ohcejoga ássiide guoimmuheaddji ja dearvvaslaš eallinbirrasa. Birasovttadaga láhkageatnegahtton bargguide gullá birasdearvvasvuođabearráigeahčču, mii sisttisdoallá borramušgálvobearráigeahču, dearvvasvuođasuodjalusa bearráigeahču, duhpátlága bearráigeahču ja ássandearvvasvuhtii laktáseaddji áššiid.
Eambbo dieđuid birasdearvvasvuođafuolahusas ja skoviid gávnnat Anára gieldda neahttasiiddus.
Birassuodjalusa oktavuođadieđut
Lohpeohcamušat, cealkámušbivdagat ja eará virggálaš áššegirjjit: kirjaamo@sodankyla.fi / Arktisen Lapin ympäristönsuojelu, PL 60, 99601 Sodankylä
Hehttehusalmmuhusat, diđoštallamat, dieđáhusat ja eará áššit: ymparistonsuojelu@sodankyla.fi
Árktalaš Lappi birassuodjalusa (su. Arktisen Lapin ympäristönsuojelu) bargoveaga ja Ohcejoga gieldda birasjuhkosa dieđuid gávnnat dáppe.
Birasdearvvasvuođafuolahusa oktavuođadieđut
Hálddahuslaš barggut, borramušgálvo- ja duhpátlága bearráigeahčču, ássandearvvasvuođa- ja sisáibmoáššit:
Minna Saramo
Birasovttadaga jođiheaddji
minna.saramo@inari.fi
+358 400 662 510
Dearvvasvuođasuodjalus-, duhpát- ja borramušgálvobearráigeahčču, ássandearvvasvuođa- ja sisáibmoáššit, gáivvočázi dutkan:
Paula Niskala
Dearvvasvuođasuodjalusdárkkisteaddji
paula.niskala@inari.fi
+358 40 124 4977
Dearvvasvuođasuodjalusdárkkisteaddjiid fáhte telefovnnain buoremusat árgan dmu 8–10.