Diehtosuodji
DIEHTOSUOJI ALMMOLAŠ ÁŠŠIT
Gieldda bálvalusaid geavaheaddjiid priváhtavuođa ja vuoigatvuođadorvvu dáfus lea dehalaš, ahte mii gieđahallat persovdnadieđuid áššáigullevaččat ja lágas ásahuvvon vuogi mielde.
EU diehtosuodjeásahus lea heivehuvvon 25.5.2018 rájes. Ásahus guoská almmolaš ja priváhta sektora buot persovdnadieđuid gieđahallama. Ásahusain lea ulbmil sihkkarastit olbmuid vuoigatvuođa persovdnadieđuid suodjái ja priváhtavuhtii. Seammás lasihuvvo persovdnadieđuid gieđahallama rabasvuohta ja čađačuovganvuohta.
Olbmui galgá addit dieđu, jus su persovdnadieđut girjejuvvojit man nu olmmošregisterii. Dákkár persovdnadieđut leat ovdamearkka dihte namma, čujuhus, telefonnummir, ámmát ja siviilaseahtu. Olbmui galgá muitalit, man várás persovdnadieđuid čoaggit, man vuođul dieđuid čoaggit, maid su dieđuid čoaggit ja additgo dieđuid goalmmát oassebeliide. Olbmos, dego gieldalaččas, áššehasas dahje ovttasbargoguoimmis, lea vuoigatvuohta dárkkistit, mat su dieđut gielddas leat. Sus lea maid vuoigatvuohta bivdit njulget su guoski boasttodieđuid dahje sihkkut su guoski dárbbašmeahttun dieđuid.
Ásahusa mielde rávvet gieđahallat persovdnadieđuid nu mo lágas lea mearriduvvon ja čađačuovgi vuogi mielde, unnidit čoggojuvvon persovdnadieđuid meari ja deattuhit dárkilvuođa ja rávvet dieđihit rahpasit ja čielgasit.
Dáid liŋkkaid bokte gávnnat lassedieđuid (suomagillii) diehtosuoji birra:
Diehtosuodjeáittardeaddji doaimmahat
Diehtosuodjeásahus
Diehtosuodjeláhka
DIEHTOSUODJEČILGEHUSAT
Ohcejoga gielda čoaggá persovdnadieđuid bargguid várás, maid earálágan eiseválddit dikšot.
Dán siiddus almmustahttit EU diehtosuodjeásahusa (EU 2016/679) mielde diehtosuodječilgehusaid. Gieldda diehtosuodječilgehusaid sisdoallu ii leat velá loahpalaš hámis, leat ođasmahttimin dieđuid. Dieđut leat suomagillii.
Lappi girjeráju diehtosuodječilgehus
DÁRKKISTANBIVDAGAT JA DIVVUNGÁIBÁDUSAT
Priváhtaolbmos, dego gieldalaččas, lea EU diehtosuodjeásahusa mielde vuoigatvuohta, jus son jearrá, oažžut dieđu, mat dieđut su birra gávdnojit gieldda registeriin. Gávnnat gieldda diehtobivddaskovi vuolde. Deavdde dan ja ja doaimmat vuolláičállojuvvon skovi gielddadálu infoi.
Skovit dieđuid bivdimii dahje divvumii
Diehtobivdda
Dieduid divvunbivdda