Sámi neahttavuđot oahpahus fállá anáraš-, nuortalaš-, ja davvisámegiela oahpahusa ovda- ja vuođđooahpahusa oahppiide ja maiddái nuppi dási oahppiide sámiid ruovttuguovllu olggobealde.

Oahpahusa mihttomearrin lea buoridit sámegielaid oahpahusa olahahttivuođa ja stáđásmahttit neahttavuđot oahpahusa erenoamážit doppe, gos ii leat vejolaš lágidit lagašoahpahusa. Oahpahus čuovvu vuođđooahpahuslága ja dasa oassálastojuvvo iežas skuvlla lanjain ja dan geahču vuolde.

Oahpahusa hálddaša Ohcejoga gielda, dan koordinere Sámediggi ja ruhtada oahpahus- ja kulturministeriija. Oahpahus ollašuhtto Sámi neahttavuđot oahpahusa pilohttaprošeaktan, mii álggahuvvui 2018 ja lea ožžon joatkkaruhtadeami 2027 rádjai. Oahpahus- ja kulturministeriija lea čatnasan ruhtadit prošeavtta dan rádjai, go dat oažžu bissovaš ruhtadeami.

Sámegiella gáiddusoktavuođaid bokte jo ovccát lohkanjagi áigge

Lohkanjagis 2026-2027 oahpahussii oassálastet 198 oahppi 117 skuvllas ja 46 gielddas. Oahpahusjoavkkut leat 41. Ovcci lohkanjagi áigge oahppiid mearri lea njealjegeardásaččat lassánan 55 oahppis 200 oahppái. Sámedikki oahpahusstatistihka mielde oahpahusas lea 24 % buot oahppiin, geat stuđerejit Suomas sámegielaid ja 65 % sámiid ruovttuguovllu olggobealat oahppiin.

Lea árvvoštallon, ahte neahttavuđot oahpahusa sajádaga ovddideami ja bissovaš ruhtadeami mielde oahppiid mearri sáhttá lassánit 300 oahppái.

Dieđiheapmi oahpahussii rahpasa giđđat

Dieđiheapmi oahpahussii rahpasa njukčamánus. Dieđiheami álgimis dieđihuvvo oahpahusa neahttasiidduin.

Oktavuođadieđut

Laura Njunnas
hoavda
040 701 2094
laura.njunnas@edu.utsjoki.fi

Anni-Sofia Niittyvuopio
koordináhtor
040 687 5989
anni-sofia.niittyvuopio@edu.utsjoki.fi

Anárašsámegiela oahpaheaddjit

Laura Ylinampa, 040 525 4013

Tuuli Paadar, 040 355 4281

Tiina Jäppinen

Nuortalašsámegiela oahpaheaddjit

Kia Olin

Sonja Moshnikoff

Davvisámegiela oahpaheaddjit

Solja Magga, 040 546 6514

Joni Saijets, 040 548 1529

Santeri Jounila

Elle Haataja

Lassidieđut gávdnojit oahpahusa neahttasiidduin.

.