Ohcejoga heargecup 2026
Ranniot Reindeer Race 2026 Heargecup 2. oassegilvu ordnejuvvo Ohcejogas 28-2.-1.3.2026! Gilvu lágiduvvo juo nuppádassii Ohcejoga girkosiiddas, Máttajávrri jieŋa alde B&B Pohjantuli gáttis (Hietaniementie 40, 99980 Ohcejohka.)
Buresboahtin báikki ala čuovvut fales gilvoherggiid leavttu, vuoddjiid čehppodaga sihke návddašit ovttas bearrašiin álgogiđa gilvovahkuloahpa atmosfearas!
Restoráŋŋatealttás gávnnat njálgga herskuid smávit ja stuorat nealgái. Mánáide fállun somás dálveprográmma!
Vuosttas boazogilvobeaivvi joatkkafeasta lágiduvvo lávvardaga Ohcejoga asttuáiggeguovddážis. Pieni Juurileipomo pop-up-restoráŋŋa rahpasa dmu 15 ja fállun leat pizza ja burgerat buohkaide, geat hálidit juoidá njálmmeguvlui. Dmu 21 asttuáiggeguovddážis álgá rávesolbmuid eahketprográmma ja lihkadansálii huksejuvvon lávddi ala lávkejit sámemusihka supernásttit Intrigue ja Yungmiqu.
Prográmma
Bearjadat 27.2.
Aleksi Ahlakorpi Stand up
Aleksi Ahlakorpi sámegillii stand up show Aurora Holidays restoráŋŋas bearjadaga 27.2.2026.
Ovdanbuktojupmi álgá dmu 19:30. Sisa váldojuvvo eanemustá 60 olbmo, nuba boađe áiggil báikki ala. K-12. Ii sisabeassanmáksu. Ovdanbuktojupmi lea davvisámegillii iige dat tulkojuvvo suomagillii.
Restoráŋŋa oktavuođadieđut
Aurora Holidays
Nuorgamintie 815
Fuom! Ovdanbuktojupmi govvejuvvo ja almmustahtto maŋŋelis SápmiFilm-neahttarávdnjenbálvalusas. Govvemis geahččit ja guldaleaddjit sáhttet oidnot. Oassálastimiin dohkkehat, ahte sáhtát oidnot vurkejuvvon materiálas.
Lávvardat 28.2. Heargecup 2. oassegilvu vuosttas gilvobeaivi
Prográmma dmu 12 rájes
- Báhkka luohká álgoearit
- Čierpmahiid čuovrungávpi
- Rabas luohká álgoearit
- Rátkkavuodjimat
Dáhpáhusbáikkis kafea ja mánáide leat fállun maid suohttasat!
Sisabeassanbileahta haddi 10 €, 0-15 j mánát nuvttá. Máksu millosit koarttain. Gilvvohalliin ii berrojuvvo sisabeassanmáksu dáhpáhusbáikái.
Joatkkafeasta lávvardaga 28.2. Ohcejoga ásttuáiggeguovddážis
Pieni Juurileipomo pop-up- restoráŋŋa
Pieni Juurileipomo cegge Ohcejoga asttuáiggeguovddážii iežas pop-up restoráŋŋa, gos sáhttá oastit láibbohaga supernjálgga pizzaid ja burgeriid. Restoráŋŋa rahpasa dmu 15 ja lea rabas dmu 20:30 rádjai dahje nu guhká go lea vuovdámuš.
Vuovdinláhkai maiddái Ohcejoga Gievrrat searvvi sushi!
Pop-up restoráŋŋii besset buohkat nuvttá iige ahkerádjá leat.
Restoráŋŋii beassá johtit asttuáiggeguovddáža váldouvssaid bokte.
Ohcejoga asttuáiggeguovddáš
Utsjoentie 48, Ohcejohka
Uvssat ráhpasit dmu 21.00
Heargegilvvu virggálaš joatkkafeasta Ohcejoga gieldda asttuáiggeguovddážis, artistan Yungmiqu sihke Intrigue! Joatkkafeasttas vuvdojuvvo alkohola, nuba dáhpáhus lea K-18.
Joatkkafeastta bileahtat mákset 32 €, haddái gullá biktasiidseailluhanmáksu. Bileahtat sáhttá oastit uksaguoras, ii ovdavuovdin.
Eahkeda vuosttas artistan lea Yungmiqu dahjege Mihkku Laiti. Yungmiqu lea sápmelaš rap-artista, guhte genrerájáid rihkku musihkastis ovttastahttá davvi roahkkadis rap-musihka šuoŋaid sihke elemeanttaid elektrovnnalaš musihkas. Son lea Ohcejogas eret.
Eahkeda alimus boddu lea, go sámi musihkkajoavku Intrigue čuojaha áidna sámegielat musihkkajoavkun garra sámemusihka. Joavku lea eret Ohcejoga ránnjágielddas Kárášjogas Norgga bealde.
Sotnabeaivi 1.3. Heargecup 2. oassegilvu nubbi gilvobeaivi
Sotnabeaivi gilvoprográmma
Prográmma dmu 12 rájes
- Rabas luohká semifinálat
- Báhkka luohká semifinálat
- Juniorluohkká 8-14 j., ovttaskas- ja párravuolgagat
- Rabas luohká A ja B -finálat
- Báhkka luohká A, B ja C -finálat
- Bálkkašumiid juohkin
Dáhpáhusbáikkis kafea ja mánáide leat fállun maid suohttasat!
Sisabeassanbileahta haddi 10 €, 0-15 j mánát nuvttá. Máksu millosit koarttain. Gilvvohalliin ii berrojuvvo sisabeassanmáksu dáhpáhusbáikái.
Bálkkášumit
Báhkka luohká |
Rabas luohká |
Juniorluohkká |
| A-finálat:
1. 1200e B-finálat: 1. 300e C-finálat: 1. 135e |
A-finálat:
1. 700e B-finálat: 1. 150e |
Ovttaskasvuolgagat:
1. 60e Párravuolgagat: 1. 60e |
Boađusbálvalus gávdno
Ohcejoga heargegilvvu boađusbálvalus gávdno Suomen porokilpailijat ry neahttasiidduin, beasat Ohcejoga oassegilvvu bohtosiidda dáppe (suomagillii). Boađusbálvalusas beasat lohkat vuolggalisttuid ja čuovvut bohtosiid reálaáiggis. Gilvoherggiid eaiggádat sáhttet almmuhit boađusbálvalusas maid herggiideaset gilvui. Lassin boađusbálvalus čohkke oppa baji cup-čuoggáid oktii.
Rávvagat oassálastiide
Beatnagat leat buresboahtin dáhpáhussii, muhto muittathan fuolahit das ahte doalat du beatnaga gitta, iige dat beasa hárdit bohccuid.
Dáhpáhus lágiduvvo jávrri jieŋa alde, nabbo dáhpáhusas sáhttá leat duođai gálmmas. Cokkathan liegga biktasiid ála. Káfeas vuvdejuvvo maiddái báhkka juhkamuš ja herskkot.
Beaivedáhpáhus lea gárrenávdnasiid hága.
Geahča ja ládda oppa prográmma dáppe porocup käsiohjelma.
Mii doaivut ahte geahččit guđđet biillaid hávdeeatnan, kirku ja kirkostobuid parkerenbáikkiide. Gilvobáikki lahka ožžot vuodjit dušše lihkadanváttot
olbmot ja sii geat gullet gilvojoavkkuide.
Gieldda oktasašbiila johtá parkerenbáikkiid ja dáhpáhusa gaskka ja fievrreda olbmuid nuvttá báikki ala. Vuoddji oktavuohtadieđut (päivittyy myöhemmin)
Travel Utsjoki
Ovddalgihtii diŋgojuvvon sáhtut 7-báikkát minibussen sihke beaivit ja ihkku. Lassedieđut ja diŋgojumit e-poastta bokte: arctic@travelutsjoki.com
Gulaskutta vejolaš orrunsajiid
Hotel Utsjoki https://www.hotelutsjoki.fi/
Aurora Holidays https://auroraholidays.net/fi/etusivu/
Holiday Village Valle https://www.holidayvillagevalle.fi/
Lomatärppi https://lomatarppi.fi/
Utsjoki Arctic Resort https://utsjokiresort.fi/fi/
Eará orrunsajit: https://www.utsjoki.fi/yritysrekisteri/?industry=majoitus&location=utsjoki
Lassediehtu
Čujuhusat
Heargegilvobáiki:: Hietaniementie 40, 99980 Utsjoki
Joatkkafeasttat: Ohcejoga asttuáiggeguovddáš, Utsjoentie 48, 99980 Ohcejohka
Lágideaddjit
Ohcejoga gievrrat searvi, Ohcejoga gieldda sihke Gálddoaivvi ja Báišduoddara bálgosiid badjeolbmot.
Lassediehtu
Kaisa Tapiola-Länsman
asttuáiggečálli, gilvvu jođiheaddji
0400 319852
kaisa.tapiola-lansman@utsjoki.fi
Selja Puolitaival
veahkkebuvttadeaddji
040 723 9455
selja.puolitaival@utsjoki.fi
Gávnnat min maiddái Facebookas
Čuovo Ohcejoga oassegilvvu Facebookas ja gulat ođđasamos ođđasiid álo vuosttasin. Facebook-dáhpáhussii beasat dás.