Olgodaddanaktivitehtat

Ohcejogas leat erenoamáš vejolašvuođat nu beaivevázzinmohkiid dahkamii go guhkitge vánddardeapmái fiinna duovdagiin. Álkimus lea álggahit merkejuvvon vázzinmáđijain.

Ohcejohka fállá buoremus vejolašvuođaid dálvit meahcisjohtimii. Leiba dal jearaldat beaivemohkki muohtagámavázzimis dahje máŋgasa ráhkis šlájas duottaris čuoigamis, árktalaš luondu, molsašuddi dálkedilit ja dálvvi fiinna čuovgafenomenat lápmudit johtti. Gáregasnjárggas, Ohcejoga girkosiiddas ja Njuorggámis gávdnojit maid láhttut.

Ohcejogas gávdnojit geinnodagat sihke meahccesihkkelastima buđaldeaddjiide geat váinnuhit hástalusaid ja maiddái eatnangeaidnosihkkelastiide geat áibbašit rámššas duovdagiid. Sihkkela sáhttá maid láigohit báikkálaš fidnošeaddjis. Dálvit meahccesihkkeliin, mas leat govdarieggát (fatbike) sáhttá geahčadit dárkilit duoddariid ja gili birrasa.

Ohcejoga nuvttá 18-bána fresbeegeidnosis leat doarvái allodaterohusat ja čalmmit vuoiŋŋastit ja miella ráfo čáppa duovdagiid geahčadettiin. Eanadat lea luohkkái ja vuovdái. Geainnus gávdno Ohcejoga girkosiiddas ja dan álgogeahči lea Nisoláddo vuojadanbáikki parkerensajis.

Ohcejoga guovllus sáhttá guolástit birra jagi  Duottarjávrrit fállet milliibáhcci vásáhusaid jiekŋaoaggumis ja cealkemeahttun fiinna guollebivdobottuid ijahis ija beaivvážis. Buoremus giđđabeivviid áigge gilibirrasis leage jaskat go báikkálaš olbmot jávkkihit duoddarii jiekŋaoaggut ja návddašit liegga giđđa beaivvážis.

Guovllumet jogat oktan čáppa duovdagiiguin leat heivvolaččat erenomážit meallumii. Ohcejohka, Anárjohka ja Deatnu sihke máinnalmas ja beakkán meallunoalli Buolbmatjávrris Norgga beallái Deanuvuona rádjai fállet áidnalunddot meallunvásáhusaid.

Ohcejoga guovllus leat fiinna báikkit ja duovdagat mohtorgielkkástallamii. Jos áiggut gielkkástallat iešheanalaččat válddáthan ovddalgihtii čielgasa nu mohtorgielkámáđijain go dárbbašlaš lobiid birra. Báikkálaš fitnošeaddjit láigohit mohtorgielkkáid ja ordnejit mohtorgielkásafáriid.