Gáregasnjárga – Karigasniemi

Gáregasnjárga lea Ohcejoga gieldda máttimus giláš, Norgga rájá alde. Sámegiela lassin guovllus gullosta maiddái suoma- ja dárogiella. Gáregasnjárggas gávnnat maid gieldda virkomus eahketdoaluid.

Gáregasnjárggas lea beaiveruoktu, skuvla, dearvvasvuođabálvalusat ja bálvalandállu, ja gilis vuojaša girjebusse. Dan lassin iešguđet fitnodagat fállet bálvalusaideaset. Gilis doaibmá maiddái Avvila apotehka bálvalusbáiki, Poastta ja Matkahuolto bálvalusat ja Alko.

Gáregasnjárggas lea doaimmalaš gilisearvi. Gilidállu Sáivvus lea geassit kafea, duodjegávpi ja kopierenbálvalus. Gilisearvi ordne gilidálus doaluid giliolbmuide. Searvi maiddái láigoha sávnni Anárjohgáttis šalddi lahkosis. Gilisearvvi doaimmain sáhttá lohkat searvvi Instagram-konttus @karigasniemenkyla ja Facebook-joavkkus Karigasniemen kyläyhdistys.

Gáregasnjárggas lea vejolaš buđaldit birra jagi ,go gilis gávdnojit earret eará lihkadanhálla, álšasále, jiekŋagávgil, spáppastallangieddi ja álšamáđidja/láhttu. Searvvit ja rávesolbmuidskuvla ordnejit buđaldanvejolašvuođaid ja maiddái viššalis giliolbmot ordnejit feara maid.

Gáregasnjárgga guovllus gávdnojit dehálaš kulturmuittut ja čáppa luonddubáikkit. Guovllus leat buorit vánddardan ja guolástanvejolašvuođat birra jagi. Erenomáš galledanbáikkit leat Deanu oalgejogat ja ádjagat. Anárjohka luoitá Detnui Gáregasnjárgga lahkosis ja doppe leage vejolaš bivdit guliid sihke vuokkain ja dolgevuokkain.

Báišduoddara meahcceguovlu lea Gáregasnjárggas davvenuorttas ja Muotkeduoddara meahcceguovlu fas máttanuorttas. Suttesádjaga buohta beassá Báišduoddara meahcceguovllu čađa johtti Geavu luonddumeahci vánddardanbálgái, man sáhttá vázzit gitta Ganešjávrái. Ávžžuhuvvo johttit Suttesádjagis  davvenuorttas. Skálonjuovčča bálgás Áilegasas oaidná guhkás Anárjohkii, Kárášjohkii ja Deatnoleahkái.

Gáregasnjárggas lea álki finadit beaivemohkki Dážabealde. Lagamuš gillái, Kárášjohkii, lea 18 kilomehtera Gáregasnjárggas. Kárášjogas lea earret eará sámemusea, sámi dáiddaguovddáš ja Sápmi párka. Jiekŋamearra lea maid lahka ja Porsáŋgguvutnii buvttehat beannot diimmus (90 km) dahje sáhtát vuojašit gitta Nordkáhppii imaštallat alla bávttiid.