Bissugo dus noavki gieđas ja máhtátgo vuoššat bohtehtosa? Mii fállat dutnje máŋggabálvalusbargi doaimma Suoma davimus gilis Njuorggámis. Máŋggabálvalusbargi bargguide gullá Njuorggáma vuolleskuvlla ja beaiveruovttu buhtisindoallan ja borramušráhkadeapmi, juogo beallegárvves ávdnasiin dahje njuolga ávdnasiin. Biebmu ráhkaduvvo oppa máŋggadoaimmaviesu vehkii nappo sullii 25 olbmui.

Sávvat dus movttegis bargodoaladumi, buriid ovttasbargodáidduid ja ilolaš miela. Bargui heivvolaš skuvlejupmi ii leat hehttehussan ja hygieniijapássage lea buorre leat. Dárbbu mielde dutnje addit vejolašvuođa čađahit hygieniijapássa skuvlejumi. Bargohárjánupmi lea buorre ovdamunni, muhto gal barguge skuvle bargi. Davvisámegiela máhttu lea ovdun.

Bargu lea doaisttážii fámus ja álgá 1.8.2025 dahje soahpamuša mielde.

Čuovvut gieldasuorggi oktasaš virge- ja bargoeaktosoahpamuša, KVTES, muhto sáhtát ovdanbuktit maiddái iežat bálkásávaldaga. Dát doaibma lea ođđa doaibma ja das ii leat oktage velá beassan doibmet, nu ahte dus livččii buorre vejolašvuohta ovddidit iežat barggu dakkárin go ieš háliidat. Mis lea dahkkon čorgenbarggu viidodaga mihtideapmi buriin rávvagiin ja maiddái čorgenbargui ja borramušfuolahussii oahpásmahttima oaččut suorggi ámmátolbmuin.

Ovdal doaimma vuostáiváldima válljejuvvon bargi galgá čájehit mánáiguin bargi rihkusduogáža čielggadeamis addojuvvon lága (504/2002) 3 §:s dárkkuhuvvon rihkusduođaštusa ja maiddái dohkálaš doaktárduođaštusa dearvvašvuođas.

Bivdit ohcamušaid sáddet 8.6.2025 rádjai ovddemustá elektrovnnalaš hámis Kuntarekry-vuogádaga bokte www.kuntarekry.fi. Jos elektrovnnalaš ohcamuš ii leat vejolaš, sáhttá ohcamuša oktan oahppo- ja bargoduođaštusaiguin sáddet boastta fáro čujuhussii: Utsjoen kunta, tekninen toimi, PL 41 99 981 UTSJOKI dahje e-boastta fáro tekninen@utsjoki.fi.

Vejolaš jearahallamat leat vahkus 24

Diđoštallan: Ohcejoga gielddahoavda, vd. giddodathoavda Päivi Kontio, 040 744 7630.