Bovdehus Searveforumii 2.12.2025

Gávcci jagiáiggi dáhpáhusat -projeakta bovde buot Ohcejoga servviid searvat Searveforumii maŋŋebárgga 2.12.2025 dmu 18 Ohcejoga gielddadállui (gielddaráđđehusa čoahkkinlatnja, Luossa 1).

Dilálašvuođas ovdanbuktojuvvo projeavtta maŋimuš doaibmabidju – dáhpáhuslágideami rávagihpa, mii boahtá buot gieldda ássiid ja servviid atnui. Oasseváldit ožžot vejolašvuođa addit máhcahaga ja maŋimuš rávvagiid gihppaga sisdollui, vai das šaddá ávkkálaš reaidu báikkálaš servodahkii.

Forumas mannat maiddái čađa boahtteáiggi dáhpáhusaid, kártet sávaldagat ja ideaid ja suokkardallat mo mii ovttas sáhtášeimmet nannet servviid gaskasaš ovttasbarggu boahtteáiggis. Ovttas sáhttit sihkkarastit, ahte Ohcejohka seailu ealasis ja searvvušlaš báikin ássat ja doaibmat.

Dilálašvuohta lea rabas buohkaide, iige dárbbaš ovddalgihtii dieđihit – muhto daidda geat leat dieđihan ovddalgihtii, sáddet dáhpáhusgihppagis hámusevttohusa vai beasat oahpásmuvvat dasa ovdal oaidnaleami.

Buresboahtin hukset oktasaš Ohcejoga gos leat valljis iešguđetlágan dáhpáhusat!

Allmuheamit ja lassedieđut:

Selja Puolitaival
Prošeaktabargi
+358 40 723 9455
selja.puolitaival@utsjoki.fi

Gávcci jagiáiggi dáhpáhusat – projeakta lea Leader Davimus Lappi ruhtadan projeakta, mii lea doaibman Ohcejogas jagiid 2024-2025. Projeavtta ulbmilin lea leamašan lasihit lágiduvvon dáhpáhusaid meari Ohcejogas, ovddidit dáhpáhusaid mat jo leat ja nannet goalmmát sektora doaimmaid Ohcejoga guovllus.