Buresveadjinjearahallan. Ohcejoga gielda jearrá ássiidis buresveadjima, dearvvasvuođa ja árgga dorvvolašvuođa birra
16.10.2025
Buresveadjinjearahallamiin kártejuvvo Ohcejoga gieldda ássiid buresveadjin, dearvvasvuohta ja árgga dorvvolašvuohta.
– Jearahallan lea oassi Lappi gielddaid buresveadjima- ja dorvvolašvuođa čielggadusa dieđuid čoaggima, muitala buresveadjinhoavda Pirjo Seurujärvi jearahallama duogážiin. – Jearahallan lea ráhkaduvvon eanagottálaš ovttasbargun. Jearahallama bohtosiid vuođul gieldda buresveadjinbálvalusaid sáhttá ovddidit ain buorebut vástidit ássiid dárbbuide.
Pirjo Seurujärvi mielde jearahallan ollašuhttojuvvo anonyman ja buot čoggojuvvon dieđut leat luhtolaččat: – Jearahallama bohtosat raporterejuvvojit nu, ahte ovttaskas olbmo vástádusaid ii sáhte identifiseret.
Jearahallamii sáhttá vástidit neahtas elektrovnnalaš skoviin suomagillii dahje sámegillii. Bákkolaš gažaldagat leat dušše vástideaddji duogášdieđut. – Juohke vástádus lea hui dehálaš ássiideamet buresveadjima, dearvvasvuođa ja árgabeaivvi dorvvolašvuođa kártemii ja ovddideapmái, deattuha Pirjo Seurujärvi.
Vástidanáigi lea 31.10.2025 rádjai.
Lassedieđut: Buresveadjinhoavda Pirjo Seurujärvi, pirjo.seurujarvi@utsjoki.fi
