Davimus vejolašvuohta EU:s – Áidnalunddot gáddetonte Deatnogáttis dál vuovdinláhkai turismafitnodatdoallái
1.7.2025
Ohcat dál doaibmi EU davimus turismafitnodahkii! Ohcejoga gieldda giddodatsearvi Ringinvatro Oy lea bidjan vuovdimassii áidnalunddot, badjel golmma hektára sturrosaš gáddetontte Deatnogáttis – áibba Njuorggáma gili davábealde. Báiki ovttastahttá riikkaidgaskasaččat geasuheaddji elemeanttaid: duottaralážat, johkaleahki, iežas gáddi ja sajádat dasttán Norgga rájá lahka.
– Tontte sajádat lea áibba erenomáš – dán davvelabbos turismafitnodaga tonte ii EU:s gávdno. Sávvat ahte gávdnat gávpeguoimmi, gii oaidná dán áidnalunddot báikkis vejolašvuođa hukset maid nu mearkkašahtti ja bistevaš – luonddu ja kultuvrra gudnejahttimiin, dadjá Ringinvatro Oy fitnodatjođiheaddji Mika Aikio.
Tonttes leat ovddeš Rádjebearráigeahču visttit, maid ortnet molsašuddá. Oastis leatge friija gieđat jogo divodit, ođadit muhtun oassái dahje álggahit áibba álggu rájes. Lea vejolašvuohta ovddidišgoahtit birrajagi turismma – aiddo dasa Ohcejoga ođđa turismma Master Plan figgá.
– Mii hálidat turismma lassánit Ohcejogas vásttolaččat, guovllu iežas árvvuid ja luonddu suvdinnávcca mielde. Mihttomearrin lea ovddidit birrajagi prográmmabálvalusaid, mat doarjalit eakti vuogi mielde báikkálaš kultuvrii ja duovdagii – eai mássáturismii, muitala Ohcejoga eallinfápmohoavda Tanja Lepistö.
Deanuleahki, sámekultuvrra ruohttasat, autenttalaš giliservošat ja ráfálaš duottarguovlu hábmejit ollisvuođa, masa lea ain stuorát jearru riikkaidgaskasaš turismmas. Dál ohccojuvvo investerejeaddji, fitnodatdoalli dahje konseaptaovddideaddji, guhte juohká seamma višuvnna – ja duostá váldit dilálašvuođa vuostá.
Vuovdinláhkai:
890-402-3-21 RAJARANTA
890-402-3-10 RAJARANTA II
📍 Deatnogáttis, Njuorggáma davábealde, Ohcejohka
Lassediehtu:
Mika Aikio, fitnodatjođiheaddji, Ringinvatro Oy, 040 182 3882
Tanja Lepistö, eallinfápmohoavda, Ohcejoga gielda, 0400 151 294