Eallilan olmmoš, vástit ja váikkut! Mii jotkkiimet eallilan olbmuid buresveadjinjearahallama vástidanáiggi 28. ođđajagimánu rádjai.
24.1.2024
Vástit Ohcejoga eallilan olbmuid buresveadjinjearahallamii! Mii jotkkiimet eallilan olbmuid buresveadjinjearahallama vástidanáiggi 28. ođđajagimánu rádjai. Go vástidat, de beasat váikkuhit buresveadjimii ja bálvalusaid buorideapmái ja áiggeádjevejolašvuođaid lasiheapmái.
Jearahallamiin Ohcejoga gielda čielggada, mo 60 jagi deavdán ohcejohkalaččat vedjet.
Ulbmilin lea fidnet dieđu eallilan olbmuid dálá buresveadjima ja árgga birgema birra, ja maiddái das, mo buresveadjima sáhtášii lasihit. Jearahallamis lea maid vejolašvuohta addit máhcahaga Ohcejoga gildii iežas buresveadjima birra.
Jearahallamii sáhttá vástidit suoma- ja sámegillii.
Vástideapmi lea eaktodáhtolaš. Vástádusat addojuvvojit anonyman namma- ja čujuhusdieđuid haga. Vástádusaid gieđahallat luhtolaččat internet-heivehusain. Jearahallama materiála duššaduvvo dan maŋŋá, go čoahkkáigeassoraporta lea gárvvistuvvon. Raporta vurkejuvvo Ohcejoga gieldda čuvgehusdoaimma vurkkohusaide. Jearahallama ollašuhttá Ohcejoga gielda.
Jearahallamii beasat dákko!
Lassedieđut:
Päivi Kontio Anna-Liisa Pälvilä
buresveadjinhoavda árrabajásgeassima kanslista
tel. 040 744 7630 tel. 040 1865 567
paivi.kontio@utsjoki.fi anna-liisa.palvila@utsjoki.fi