Eallinfápmo- ja teknihkalaš doaibmasuorggi ovttastahttin Ohcejoga váldostivrra 29.8. áššelisttus

Ohcejoga ođđa váldostivrra čakčabadji álgá giđđat čađahuvvon nuppástusráđđádallamiid ollašuhttinmearrádusaiguin. Gielddaráđđehus evttoha váldostivrii ahte nuppástusráđđádallamiid bohtosiid vuođul ovttastahttet eallinfápmo- ja teknihkalaš doaibmasurggiid ovddidan- ja birasdoaibmasuorgin. Doaibmasurggiid lávdegottit leat ovttastahtton jo jagis 2023.

Ovttastahttimii gullet evttohusat eallinfápmohoavdda ja giddodathoavdda virggiid heaittiheamis ja ođđa ovddidanhoavdda virggi vuođđudeamis. Heaittihit evttohuvvo maid girjerádjodoaimmajođiheaddji virgi.

Váldostivra gieđahallá jienastanguovlojuogu nuppástuhttima jagi álggus nu, ahte Ohcejogas lea boahtte jagi álggu rájes dušše okta jienastanguovlu. Gieldda ássiid, jietnavuoigadahtton ja válggain jienasteaddjiid mearit leat unnon, nu ahte jienastanguovlluid jienaid leat gártan ovttastahttit. Jienastanguovlluid geahpedeapmi maid uhcida goluid.

Eanageavahan- ja huksenlága nuppástus dán jagi álggus huksenláhkan váikkuha maid huksenbearráigeahču dávssaide. Váldostivrii evttohuvvojit dohkkehanláhkai ođđa huksenbearráigeahču dávssat maid gielda lea válbmen, ja mat bohtet fápmui 1.9. rájes.

Čoahkkima áššelistu (pdf)

Čoahkkin čájehuvvo njuolggosáttan gieldda Youtube-kanálas dmu 12 rájes.

Lassedieđut

Váldostivrra ságadoalli
Mika Aikio
400 558 391
mika.aikio@utsjoki.fi

Gielddahoavda
Päivi Kontio
40 744 7 630
paivi.kontio@utsjoki.fi