Fálaldatbivdda dáhpáhusbuvttadeami oanehisskuvlejupmi

Ohcejoga gieldda Gávcci jagiáiggi dáhpáhusat -prošeakta bivdá fálaldagaid dáhpáhusbuvttadeami oanehisskuvlejumis. Skuvlejupmi lea oaivvilduvvon Ohcejoga guovllus doaibmi servviide, priváhtaolbmuide ja eará oassebeliide, guđet ordnejit dáhpáhusaid.

Skuvlejupmi bistá 12 h ja lea juhkkojuvvon guovtti beaivái, omd. vahkkolohppii. Skuvlejeaddji galgá boahtit báikki ala Ohcejohkii. Skuvlejumi galgá ollašuhttit čakčat 2025.

Skuvlejumis šaddan materiálaid galgá sáhttit ávkkástallat Gávcci jagiáiggi dáhpáhusat- prošeavtta dáhpáhusbuvttadeami rávvagis juogo dakkárin dahje nu ahte dat muddejuvvojit.

Skuvlejupmái galggašii gullat:
• Dáhpáhusmárkanastima plánen ja márkanastima áigeplána ráhkadeapmi
• Dáhpáhusmárkanastima ja dáhpáhusaid áigásaš gulahallama ollašuhttin
• Iešguđetlágan márkanastinkanálat
• Márkanastimateriálaid ráhkadeapmi

Válljejumis deattuhuvvojit:
• Sámekultuvrra ja searvvušvuđot dáhpáhusbuvttadeami dovdámuš
• Dáhpáhusmárkanastima dovdámuš, mii deattuha erenomážit sosiála media ja dan kanálaid
• Ohcejoga gieldda guovllu dáhpáhusaid, dáhpáhusordnejeaddjiid ja goalmmát sektora doaibmiid dovdámuš. Maiddái Ohcejoga gieldda gieldastrategiija ja Gávcci jagiáiggi dáhpáhusat -prošeavtta dovdan gehččo ánsun.

Skuvlejupmái sáhttá geavahit eanemustá 3000 euro + álv. Mátke- ja idjadangoluid sáhttá máksit sierra stáhta mátkkoštannjuolggadusa mielde, iige daid dárbbaš čáhkadit 3000 euroi.

Fálaldagaid bivdit doaimmahit e-boasttain čujuhussii kaisa.tapiola-lansman@utsjoki.fi maŋimustá 15.9.2025 dii. 16.00.

Lassedieđut:
Kaisa Tapiola-Länsman
asttuáiggečálli
kaisa.tapiola-lansman@utsjoki.fi
0400 319 852