Farga lea áigi ávvudit sámiid álbmotbeaivvi - searvva rabas oahppodiimmuide 4.-6.2.2025! 

Sámegielaid gáiddusoahpahusa pilohttaprošeakta ávvuda sámiid álbmotbeaivve 6.2. ja lágida virtuála oahppodiimmuid 4.-6.2.2025. Oahppodiimmut leat oktiibuot golbma, ja daid fáddán lea Sápmi ja dan gilit. Davvisámegillii gullat Gáregasnjárgga birra, anárašgillii Njellima birra ja nuortalašgillii Čeavetjávrri ja Suonnjela birra.

Diimmut leat jurddašuvvon eandalitge sámegielat sámemánáide ja -nuoraide, muhto diimmuide leat buresboahtán buohkat, geat háliidit oahppat eanet sámegielaid ja sámekultuvrra birra. Diimmuide sáhttá oassálastit iehčanassii dahje searvat mielde luohkáin oktasaš dihtora bokte. Oahpahus lea eanaš sámegillii (anáraš-, nuortalaš- ja davvisámegillii), suomagiella geavahuvvo veahkkegiellan.

Diimmuid beassá čuovvut njuolggorávdnjemin oassálastinliŋkkaid bokte. Oahppodiimmuid čuovvun lea nuvttá iige daidda dárbbaš almmuhit iežas ovddalgihtii. Diimmuin lea maiddái vejolašvuohta jearrat ja ságastit čáttas.

Maŋŋebárga 4.2. klo 9.00–9.45

Gáregasnjárga
Giella: Davvisámegiella
Oahpaheaddjin Ritni Ráste Pieski
Oassálastinliŋka (Microsoft Teams): https://tinyurl.com/dsmavoin

Gaskavahkku 5.2. klo 9.00–9.45

Njellim
Giella: Anárašgiella
Oahpaheaddjin Teija Tamminen
Oassálastinliŋka (Microsoft Teams): https://tinyurl.com/asmavoin

Duorastat 6.2. klo 9.00–9.45

Čeavetjávri ja Suonnjel
Giella: Nuortalašgiella
Oahpaheaddjin Sirkka Sanila
Oassálastinliŋka (Microsoft Teams): https://tinyurl.com/nsmavoin

Bures boahtin! Pyeri puáttim! Tiõrv pueʹttem! Tervetuloa!

Lassedieđut:

Hanna Helander, projektipäällikkö
hanna.helander@edu.utsjoki.fi
040 701 2094

Anne Olli, prošeaktakoordináhtor
anne.olli@samediggi.fi
040 687 5989

Sámiid álbmotbeaivvi ávvudit juohke guovvamánu 6. beaivve. Ávvudeamit lágiduvvojit dalle dábálaččat iešguđege guovllus Sámi ja dál maiddái Sámi olggobealde.