Fielladan davás -kampánja boktán olu beroštumi
2.12.2025
Ohcejoga gieldda Davvi ravda -gieldamárkanastinkampánjja goalmmát oassi, Fielladan davás, lea boktán olu beroštumi. Dán rádjai leat boahtán juo 150 ohcamuša.
Kampánjja ulbmilin lea gávdnat olbmo, guhte fiellada davás ja hálida dutkat, mo lea eallit Suoma ja EU davimus gielddas, ja juohká vásáhusas earáide. Válljejuvvon olmmoš beassá návddašit gaskaija beaivvážis Ohcejogas guokte vahku 21.6.–5.7.2026 ja idjada Gáregasnjárggas, Ohcejohnjálmmis ja Njuorggámis.
Vuoiti fearániid sáhttá čuovvut geassit 2026 gieldda Instagram-konttus @utsjoki_ohcejohka. Válljejumis deattuhat albma beroštumi ja sáhkkiivuođa davvi guovllu hárrái.
Ohcanrávvagat ja lassedieđut gávdnojit gieldda Instagram-konttus @utsjoki_ohcejohka.
Ohcejoga gielda giitá buohkaid geat leat jo searvan kampánjii ja čuovvu miellagiddevašvuođain kampánjja ovdáneami. Kampánjapostema oažžu áinnas juohkit!
Lassedieđut
Prošeaktahoavda Riikka Keskiaho
040 544 2058
riikka.keskiaho@utsjoki.fi