Fitnodatdoallit muitaledje doaimmasteaset skuvlamánáide ja logahaga oahppiide

Ohcejohnjálmmi skuvlla ja logahaga oahppit ožžo skábmamánu vuosttas vahkus dieđuid fitnodatbarggu birra, go báikkálaš fitnodatdoalli Petra Suontausta (Travel Utsjoki) ja Tero Ronkainen (Tero Ronkainen ky) muitaleaigga iežaska fitnodatbarggu vásáhusain. Petra bearašfitnodat ovttastahttá bures turismma ja árbevirolaš boazodoalu, Tero lea fas bargan guhká guollebivdinrávvejeaddjin ja huksenfitnodatdoallin.

Ovdanbuktin dilálašvuođa ordnemiin vástidii gieldda ealáhusbálvalusat ovttas skuvllaiguin.

Guktot fitnodatdoallit leaba duđavačča dilálašvuhtii.

– Mu mielas dilálašvuohta lei duođai lihkostuvvan, dadjá Tero Ronkainen. – Nuorat jerre hui realisttalaš gažaldagaid fitnodatbarggu birra, nugo ovdamearkka dihte dan ahte maid galggašedje bargat vai besset álgui.

– Mánu molsašupmi lea leamaš oalle hušša boazobargguiguin ja áššehasgalledemiiguin, muhto lei hui buorre, ahte várrejuvvui okta iđitbeaivi oahppobagadallandiimmu várás, illuda fitnodatdoalli Petra Suontaus. – Dát nuorat leat aivve fiinna olbmot ja sii guldaledje dárkilit ja sis lei beroštupmi áššái. Orru buorre, ahte máhtii addit juogalágan ideaid, maid eallimis sáhttá bargat, vaikko dáppe ruovttubáikkis. Giitu skuvllii ja eallinfápmobargojovkui dán dilálašvuođa ordnemis!

Nubbi fitnodatovdanbuktojupmi lágiduvvo Gáregasnjárgga skuvllas skábmamánu loahpageahčen. Gáregasnjárggas iežas fitnodatbarggu birra muitala earret eará Karigaskeittiö fitnodatdoalli Ismo Manninen.

Lassedieđut

Eallinfápmohoavda Tanja Lepistö
0400 151 294
tanja.lepisto@utsjoki.fi